[nagehnaseh]

جائتنى تصرخ بصوت عالى
بابا عاوزة أقولك ع اللى جرى لى
قولى ياعمرى للرب سلمت أمرى
بس يابابا أوع تسخر من أمرى وتتريق على عمرى
يابنتى ياروحى باللى ف قلبك بوحى
بابا قلبلت فتى أحلامى وياه ع اللى جرى لى
فتى أحلامك هو انتى حلمتى فى عمرك كم حلم!!
قابلتيه فى الحلم ولا العلم؟؟!!
ياه يابا متقاطعنيش وفى فرحتى خلينى أعيش
حبيته وفى نظرة عينيه لقييته
ايه يابنتى اللى لقيتيه ؟فيه حاجة ضايعة منك ايه اللى لقيتيه؟؟
الحب يابابا. الحب يابابا الحب
عارفة ياعنى ايه الحب قولى
الحب يابا يعنى الحب اللى بيه بيسعد وينبض القلب
ياقلبى ماطول عمرك متربية ع الحب
وقلبك بيه دايماً بينبض
وبحب الرب وعائلتك بنربض
(نجلس، نقيم نسترخى)
ايه الجديد هل من مزيد
لا يابا مش عارفة وقدامى مش شايفة
لا ياحبيبة قلبى يابنت عمرى الغالية
دا ظواهر طبيعية لمرحلتك العمرية
الحب أكبر من المشاعر
أو نظرات من فتى ساحر
أو من كلمات الواد الماهر
الحب عطاء ومسئولية يالا فيه وعليه متربية
فاهمانى ياقلبى ياأغلى من عمرى
بابا قول تانى زودنى بالمعانى خرجنى مماأعانى
لا ياقلبى عندى الأحسن من القول دواء سريع المفعول
يالا بينا على عرش النعمة عند فادينا
نقول مانقول ونغسل القلوب والعقول
نسكب قوبنا، وروح الله يقدسنا
وبمحبته يحسسنا
يالا يابابا نصلى ونقول للرب ع اللى حصلى
يالا ياعمرى للرب سلمت أمرى
صلينا وبكينا وبحبه أتروينا
صلينا وبكينا وبحبه أتروينا
ياه يابابا حمل من على كتفى انزاح
ومن قلبى جريت الاتراح وماعاد جوايا غير الافراح
شكراً يابابا من كل القلب
لا ياعمرى شكراً للرب
عرفتوا ياأصحاب منين متاعب القلب
من النظر بعيد عن الرب
وفين راحة القلب
طبعاً عند الرب
طبعاً عند الرب

المصدر: †† ارثوذكس †† - من قسم: الموضوعات الشبابية

[نبيل نصيف جرجس]

جميل اوى الموضوع دا ربنا يبارك حضرتك

[kottah_sh]

وفين راحة القلب
طبعاً عند الرب

طبعا احلى راحه هيه عند ربنا
لما اجرى عليه وانا تعبانه واقوله الحقنى
محتاجه لحضنك اوى
واترمى فى حضنه وافضل ابكى
اغسل كل همومى وذنوبى

ميرسى اوى على موضوعك والحوار الجميل ده

[روفــــا]

بجد موضوع جميل
ومفيش احسن من الصلاة والقرب من ربنا واحنا هنبقى سعداء وقريبين من الرب
احلى حاجة لما تروحله وتصليله وتقولى على كل حاجة من غير خوف علشان ربنا بيحبك
ميرسى بجد على الموضوع الجميل وطريقة الكلام الجميل برضة
بجد انت هايل فى كتابة مواضيعك