[المحامي / شيرين شوقى]

شربة ميه .. !

كان عطشان وكل مناه

يبل ريقه بشربة ميه

***

مشاويره كتير ولا هاماه

سرقة زمنه وعمره المشغولية

***

يمين وشمال ورا دنياه

ولما رجع خطفه الخوف للحنفية

***

يشرب يشرب ومن جواه

عامت ولا ميت زمزمية

***

وعطشه يزيد يا ولداه

يشرب ويقول فين الميه !

***

إحنا عطشنا يا ولاد الله

ماترويه الدنيا الفانية ديه

***

تعالوا وشوفوا البير إياه

إسمعوا معايا كلام السامرية

***

تسأل عن بير ووراه

تسأل عن شبع الميه الحية

***

جرتها وكل ماليها راحت سايباه

تنادي وتصرخ وجدنا المسيا

***

مسيحنا وحده نبع حياه

إصحى يا صاحبي دي الأبدية

***

إشرب من نهر شفاه

تِروىَ وتبقى زرعة قوية

***

دا تحذير مش تخدير وإنساه

الأمر خطير غاية الأهمية

***

حياتك ضاعت قلبك تاه

حرام تروح فى شربة ميه !

ـــــــــــــــــــــ

المحامي /شيرين شوقي

مدونة / مشوار الحنين

24/4/2010

المصدر: †† ارثوذكس †† - من قسم: القسم الادبي

[الرومانسى الشقى]

الله طول عمرك مبدع يا استاذ شرين وى كلمات جميلة جدا بجد
وى يسعدى ان اكون اول من رد على هذا الموضوع الجميل وى ذو قيمة جميلة وى معانية الجميلة

[ريم الخوري]

مسيحنا وحده نبع حياه

إصحى يا صاحبي دي الأبدية

**

إشرب من نهر شفاه

تِروىَ وتبقى زرعة قوية

جميلة جداً جدا جداً استاز شرين .. وحرام فعلا الانسان يضيع حياة ويفضل عطشان وميرتويش من نبع الارتوي اللى روي كل البشرية بدمة على الصليب
ابدعت استاز شرين
الرب يبارك ويحفظ

[المحامي / شيرين شوقى]

كل الشكر لك أخويا الحبيب الرومانسي الشقي
وقد أخجلتم تواضعنا بمحبتكم الكبيرة
ربنا يفرح قلبك

[المحامي / شيرين شوقى]

المشاركة الأصلية كتبت بواسطة ريم الخوري مسيحنا وحده نبع حياه إصحى يا صاحبي دي الأبدية ** إشرب من نهر شفاه تِروىَ وتبقى زرعة قوية جميلة جداً جدا جداً استاز شرين .. وحرام فعلا الانسان يضيع حياة ويفضل عطشان وميرتويش من نبع الارتوي اللى روي كل البشرية بدمة على الصليب ابدعت استاز شرين الرب يبارك ويحفظ

ميرسي جداً ريم .. ونطلب من ربنا يسوع أن يروي كل نفس عطشى لنعمته ونهر حنانه ..
ربنا يبارك حياتك

[bassem8800370]

كلمات رائعه ياستاذ شوقى
ربنا يعوض تعب محبتك

[emmmy]

كلمات حقيقى جميلة جدا جدا
وليها معانى وتامل حلو
مرسى ليك كتير