[kottah_sh]

حبيبتى فضفضلى
اكيد فيه حاجه مغيراه من ناحيتك ممكن يكون تقصير منك
او ممكن يكون مشاكل فى شغله انتى مش عرفاها
او ممكن يكون زعلان منك وانتى مش واخده بالك
فعلشان كده متتسرعيش وبلاش تحكمى انك
تفسخى الخطوبه حاولى تتكلمى معاه تانى
وشوفى رده هيكون ايه
وحاولى تبعدى شويه وعامله نفس المعامله اللى بيعاملهالك
وشوفى هيكون رد فعله ايه
لو سألك مش بتتصلى ليه قوليله مشغوله
او ممكن تعاتبيه وقتها وفهميه انه لما جرب بعدك عنه مستحملش
فهميه ان البعد دا مش حلو وليه عواقب مش كويسه
لو ضغط عليكى اكتر من كده انتى ممكن تفسخى الخطوبه
وبلاش تحطى فى دماغك انك هتتعبى من بعده
طول مانتى بتفكرى فى كده يبقى مش هتقدرى تبعدى
وهتفضلى تستحملى اى حاجه بيعملها
فكرى شويه بعقلك
لو هيعاملك نفس المعامله دى بعد الجواز هيكون ايه رد فعلك
او وقتها هتعملى ايه او تتصرفى ازاى
حبيبتى حاولى تتكلمى مع اب اعترافك وشوفى رأيه ايه

اسفه لو طولت عليكى او قولتلك حاجه مش عجبتك
ربنا يحافظ عليكى ويرتبلك الصالح
ابقى طمنينا عليكى يا سكره

[فضفضلي]

انا شاب بشتغل بره مصر فى بلد اوربيه
والمشكله انى


انا خادم في كنيسه فى البلد الاوربيه اللى بشتغل فيها ومعروف لدي كل الاباء وسيدنا لاني بخدم في الكنيسه ومشرف الرحلات في كل كنايس الابرشيه والمسرح والقراروحاجات كتير المهم اني اتعرفت علي خادمه في الكنيسه معي بنت جادعه اوي وطيبه اوي بس عصبيه جدا وهيا مولده هنا فى البلد الاوربيه ده وبتدرس هناك اتعرفناعلي بعض وبدنا بعد كده نتصل ببعض وهيا عندها 16 ونصف انا 25 وكلمنا سيدنا وادنا النصيحه ان دا كله يتم في اطار صداقه ونصلي لحين ما تخلص دراستها وسيدنا ترك الموضوع في ايد اب اعترافي وكنا بنطلع رحلاات كتير مع بعض وكان كل اصحبنا والاباء عارفين اننا لبعض حصلت بعض المشاكل من باباها معايا لاني في ناس راحت قالتله ان احنا بنااوفر مع بعض كتير ولاكن حبي لها لم يتغير وهيا كذالك واشتكاني لللاباء الكهنه استغربوا اوي وقالوا لولدها متخفش علي بنتك منى دا ابننا احنا عارفينوا كويس اوي ونصحوني اني ما الفتش نظر الناس لينا ونفذنا الكلام المشكله انها عصبيه اوي وطبعها مختلف لانها مولوده بره والاختلاف انها عاوزه تسهر في الدسكو وتعمل تاتوة وحجات تانى المهم اني قلت لاب اعترافي قالي انت تحاول تعودها ان ربنا مش بيحب ان اولادة يسهرو في الاماكن دي كلمتها كتير وهيا وعدتني انها هتتغير ومرت الايام وكله تمام وكنت بعلمها حجات كتير انها تصلي في كل وقت وتقرا في الانجيل والمزامير وانها تصلي وهيا في الشارع او المدرسه بصلوات سهميه مثل يارب يسوع المسيح ارحمني انا الخاطي وحاجات تاني مثل اننا في رحله علي الارض وان وطننا الاصلي هو السماء ولازم نتسرف علي اساس اننا هنموت بكره ولازم نعمل كل حاجه ترضي ربنا وبداءت تتغير لاني اوضحت لها لم يتم زاوجنا ان لم تتغير ومرت الايام واحنا كويسين وبعد ذالك رجعت ريما لعادتها القديمه تكلمني بعصبيه وتقولي الفاظ لا تتناسب معنا كا ابناء الله ملحوظه انها كانت قبل لما كانت بتزعل كنت بصالحها بس المره ده قولت لازم الاقي حل وانا مش عارف اعمل ايه مش عاوز اصالحها خايف تتعود علي كده بس انا بحبها اوي وانا موتاكد انها بتحبني بداليل انها بترن عليا بس انا مبترضاش تتكلم
المر الدي يختاره لي الله اشهي من العسل الدي اختاره لنفسي
فاانتم ايه رايكم اكمل معاها ولا اعمل ايه عشان تبقى بنت المسيح اللى انا عايزها ولا اسيبها ميش عارف اعمل ايه

[miso]

انا من رايى سوا هتكمل معاها او مش هتكمل انت مش هترضى تشوف بنت ربنا بتعمل كدة وتسبها
ساعدها بكل الطرق انها ترجع عن الطريق ده
هى بتعمل كدة لان المجتمع اللى حواليها بالنسبة ليه ده عادى
بس انت قولت بالنسبة لبنت ربنا مش ينفع
كويس انها بترن عليك يعنى شوية ايام ورد عليها واتفق معاها انها تتغير
واتفق معاها المعاد كذا هنصلى وهنقر الانجيل بعد الصلاة
يعنى تتفقو تصلو مع بعض وتقرو الانجيل وحاول صح تفهمها انك بتزعل من السهر والتاتو والكلام ده
وفهمها ان اللى بيحب حد بيحاول مش يزعله او يضايقه
اسالها انتى بتحبينى هتقولك اه
قولها ليه بتعملى اللى يضايقنى وقبل ما يضايقنى بيضايق ربنا
انا ممكن اكون مش مهم بالسبة ليكى بس اكيد ربنا مهم عندك وصعب تعملى اللى بيجرحه
حاول معاها تانى
وصلى لربنا يكمل معاك ويقربها منه
ربنا معاك ومعاها صلى كتير ليها.

[فضفضلي]

انا حبيت فتاة حب جنوني
واول ماوقفت علي رجلي
كلمت اهلي عليها ووافقوا
ورحت كلمت اهلها ووافقوا عليا

المهم بعد ده كله لما خدوا رائيها هي رفضت
بتقول انها مش بتفكر في الارتباط الوقتي وبتقول كمان اننا اخوات ومش هتقدر تحسني غير اننا اخوات
هل انا لو فضلت ازن عليها هتزهق مني ولا الزن علي الودان اشد من السحر
هل لو خليت في البيت يلحوا عليها هتوافق ولا ممكن تعند اكتر
انا عاوزها تحبني او علي الاقل تحس بيا وتديني فرصة اثبتلها اني بحبها
اعمل ايه
ممكن حد يقولي وخصوصا البنات
هل ابعتلها رسايل ولا بلاش

اوقعها ازاي يابنات اخليها تحس بيا ازاي

[miso]

المشاركة الأصلية كتبت بواسطة فضفضلي انا حبيت فتاة حب جنوني واول ماوقفت علي رجلي كلمت اهلي عليها ووافقوا ورحت كلمت اهلها ووافقوا عليا المهم بعد ده كله لما خدوا رائيها هي رفضت بتقول انها مش بتفكر في الارتباط الوقتي وبتقول كمان اننا اخوات ومش هتقدر تحسني غير اننا اخوات هل انا لو فضلت ازن عليها هتزهق مني ولا الزن علي الودان اشد من السحر هل لو خليت في البيت يلحوا عليها هتوافق ولا ممكن تعند اكتر انا عاوزها تحبني او علي الاقل تحس بيا وتديني فرصة اثبتلها اني بحبها اعمل ايه ممكن حد يقولي وخصوصا البنات هل ابعتلها رسايل ولا بلاش اوقعها ازاي يابنات اخليها تحس بيا ازاي

ههههههههههههه اوقعها ايه بس
اول حاجة انت بتقول انا بحبها حب جنونى ازاى بتحبها كل الحب ده كله ومقتدرتش توصلها الحب ده
يعنى روحت تتقدملها علشان انت بتحبها ومش عارف مشاعرها اتجاهك
ده ممكن انا معرفش
بص انت حاول توصلها حبك باى شكل فهمها انك عايزها تكمل معاك باقية عمرك
ممكن تكون هى مش بتفكر فالارتباط فعلا
بس على الاقل عرفت انك بتحبها
رفضت حبك ده للالاسف انت مضطر تبعد
وتنساها ويمكن لما تبعد تحس بقيمتك وترجع
بس المهم تحاول تحسسها بحبك وتهتم بيها اووووووووووووى
وربنا يمكمل الخير وبرضو تصلى علشان لو ليكم نصيب فبعض ربنا يكملكم بالخير ولو مش ليكم نصيب فبعض يبقى برضو تصلى ربنا يرشدك للصالح

[MICKEY]

اول مشكلة وبأختصار طالما بتحبها وهي بتحبك يبقي لازم تعمل ايه حاجه عشان خاطر تسعدك
لكن لو هي مش بتسمع كلامك يبقي هي مش بتحبك

بص انت من الواجب عليك انت تعرفها الصح من الغلط
اما موضوع الارتباط ده انت لو بعدت عنها ممكن تحس بقيمتك وساعتها هترجعلك وتقولك سامحني وتعمل اللي انت عاوزة


بس بص برضو يابن حبيبي
انت بتقول انها اوروبية ومتساش ان عادتهم غير عادتنا

والطبع غلب التطبع
وربنا معاك ويدبر امورك

++++++++++++

الحالة التانيه

حاول تقرب ليها وتثبتلها انك بتحبها
ولو مش بتشوفها كتير
خلي اي حد من صاحبتها يتكلم معاها ويوصلها حبك لحد مايلين دماغها شوية انها تسمعك
ولو مفيش امل يبقي ابعد ومش تعلق نفسك باوهام

[MICKEY]

شكر خاص جدا جدا لكوتيا ولميسو علي رعايتهم للبرنامج

[aymonded]

سلام ومحبة من إلهنا الحي ن يمكن انا مش هاقول حل مباشر إنما أحب أو أوضح موقفنا من شريكنا الآخر سواء ولد أو بنت

أولاً لابد من أن نتفق على مبدأ هام جداً وهو الآتي :

الحب في طبيعته ليس بالكلام ولا باللسان

الحب مكاشفة بين طرفين والزواج هو سرّ الحب كما قال القديس يوحنا ذهبي الفم
الحب بطبعة يهتم بموقف الآخر ، بمعنى ما ينفعش نكلم الآخر ونحط في داخلنا تصورات وأحلام عنه ونكتفي بأننا نعرفه في داخل شعورنا ، أو نتصور اننا يمكن ان نغيره ونطمس شخصيته وكاننا نحوله ليكون وفق ما يريحنا !!!

ولا يُمكن نتغاضى عن تصرفاته ، وكأن لسان حالنا يقول :
أن سلوكك أنت لن يقدم ولن يُؤخر شيئاً ، فسأبقى على حبك مهما كان الأمر .

أن موقف مثل هذا هو على نقيض الحب الصحيح والسليم ، لأن صاحبة لا يبالي فعلاً بالآخر ، إنما هو منهمك بالمحافظة على الصورة الجميلة اللي يرسمها عن نفسه على أنه شخص مكتمل في الحب وحبه متسع وأنه على مقدرة بأنه يحتوي الآخر ، وأن قلبه متسع وعقله كبير وعلى مقدرة من التفاهم والمعاملة ، وله القدرة على تحمل الآخر واستيعابه ، وهو حب أناني ، أي شخصاني فيه اهتمام بنفسي فقط دون الآخر ، وهذا هو الموقف الذي يقفه الجميع ويظنوا أنهم بهذا يحتضون الآخر ويبذلوا من أجل حبهم العميق ...

وعل ذلك ، فالشخصين الذين يحبون بعضهم ويقيمون هذه العلاقة المقدسة ، لا يستعلي أحدهم على الآخر متقوقعاً في ذاته ، مكتفياً أن يكون حبه هو فوق كل شائبة ، مرتاحاً لبراءته ومعتزاً بكماله .

الحب في أساسه هو أن يهتم قبل كل شيء باستمالة الآخر وكسب مودته ، ولا يكبت أحد مشاعره من جهة المواقف أي الغضب أو أي مشاعر داخلة ، ولابد من صراحة وكشف ووضوح مستمر ، ولابد من أن لا يتجاهل مشاعر أو سلوك الآخر ، بل يواجهها بصراحة ويتخطاها بالغفران من عمق قلبه من الداخل ، ويسعى للمصالحة ، والاعتذار أن كان ارتكب خطأ

عموما بدون تطويل ، الحب كشف النفس أمام الآخر ومعرفة جوانب الشخصية بحلوها ومرها ، بكل جوانبها ومشاكلها ، بكل عيوبها وميزاتها دون انحياز أو العمل على إصرار تاليه الآخر والعمل على عصمته من الأخطاء أو حتى تأليه الذات من جهة أنه عديم الأخطاء وحبه يفوق كل مشاعر الآخر فهو المحب الولهان المستعد أن يضحي للنفس الأخير ...

وأيضاً يا أحلى غالي لازم تتأكد أن مش في حد قادر على تغيير الآخر ، فلابد من قبول الشخصية كما هي ومساعدتها على التغيير إن ارادت هذا بكامل حريتها وقناعتها الشخصية من الداخل ن بمعنى أن لا تعطيها مؤثر خارجي أو تُصرّ على التغيير حسب ما تريد أنت لأنك لا تُشكل إنسان ليتفق معك ، بل تترك له الحرية أن يتغير ويصير هو نفسه بكامل حريته وإرادته !!!

أرجو أن أكون وضعت نقاط هامة للتفكير لأن صعب أن اشرح كل جوانب الموضوع وأُطيل ...
النعمة معك كل حين

[Malak sokar]

اللة عليك ياميكي وعلي موضوعك ربنا يباركك وميرسي لبابا ايمون عشان المرجع الرائع عن الحب
والانانية في الحب ربنا يباركك

[kottah_sh]

بالنسبه للحاله الاولى
كويس جدا انك تحبها الحب دا كله وتحاول تغيرها
بس عوزاك متنساش حاجه مهمه جدا انها اوربيه
يعنى دا العادى بتاعها
وكمان حاجه ان سنها صغير اوى
16 او 17 لسه صغيره وعايزه تعيش حياتها
وانت بالنسبالها بتقيد حريتها
انا من رأيى امشى معاها بالراحه وحاول مره واتنين معاها
ولما تتاكد انها خلاص بقت زى مانت عايز ابقى ارتبط بيها
علشان ممكن ترجه ريمه لعادتها بعد الجواز
وهيبقى صعب العيشه على دا الحال
اتمنى انك تكون فهمت قصدى
وياريت تبقى تطمنا عليك



بالنسبه للحاله التانيه
معرفش احيانا بحس ان الحب من طرف واحد بيموت
بس ممكن تحاول معاها
انك توصلها حبك عن طريق اى حد من اصحابها
لو هيه قبلت ماشى لو لا يبقى ابعد احسن
علشان متتعبش اكتر من كده
وممكن تدخلك فى مشاكل لا حصر لها
وياريت بلاش تدخل الاهل فى الموضوع ده
ربنا يرتبلك كل خير وصالح وابقى طمنا على اخبارك
ربنا معاك