[Dr.PeRO]

المشاركة الأصلية كتبت بواسطة elphilasouf الخطيه تبرد القلب ، اليهود اكثر الناس تشديد لاحترام الناموس و المقداسات لكنهم جعلوا بيت الله مغاره لصوص ، إذا تشبعت قلوبهم بالخطيه الموضوع رائع في هدفه و اسلوبه و مأثر جدا لكن علينا أن نكون ايضا إشخاص إيجابيه نتحرك نحن لنكون الشمعه المنيره بنور المسيح التي تنير الظلام

متشكر لردك الجميل يا باشا، نورت الموضوع ... بس صدقنى احنا ماينفعناش شمعة وسط كل الضلمة ديه ,, احنا محتاجين كشافات زى بتاعة الاستاد كده!

[Malak sokar]

جميلة اوي قصتك قلمك روعة بجد ربنا معك

[emmmy]

دى قصة من خيالك يا بيتر صححح ؟؟
هى حلوة طبعا جدا مقدرشى اقول فيها حاجة
وواضح جدا ان فيها مجهود جبار ورائع كمااان -- حقيقى تسلم ايدك ربنا يعوضك
تسمح لى اكمل معاك القصة بعد اذنك ؟؟
لو كانت شخصية فادى دى شخصية واقعية نقدر احنا نعايشها بسهولة وانت وضحت دورة كخادم مثلا بايجابية فى حياة الناس والكنيسة كانت هتبقى اسهل وصولها اكثر وكانت هتبقى اسهل نعيشها اكثر لان اللى زى انجيلوس مش موجود منة كتير لكن قليلين جدا جدا -- لكن لو فرضنا ان فادى دة شخص عادى زينا ولكن يحمل رسالة ويقولنا ازاى هيتعامل مع الايجابيات اللى ذكرتها جوة الكنيسة وازاى نعالجها ونقدر نفوق ونتوب ونحس بمخافة اللة ونعيش حياة الاستعداد لمجئ المسيح على السحاب

انا فضلت متشوقة جدا اشوف فادى هيعمل اية ؟
يمكن اتعلم منة حاجة فعلا وانفذها فى حياتى انا كمان
لكن لما يطلع هو شخص رب الجنود يبقى للاسف القصة هتبقى بالنسبة للكثيرين مجرد قصة حلوة وتاثيرها هيكون مش كتير لان محدش بيصدق انة ممكن يشوف المسيح او يحس بية او حتى يحس بوجودة للاسف للاسف ويعز عليا اقول الكلام دة احنا بنبقى جوة الكنيسة وفى القداس ومش حاسين بوجود اللة فى وسطنا بسبب برود قلوبنا وعمى قلوبنا وبصيرتنا والدليل الايجابيات اللى انت ذكرتها
المسيح مش هيظهر لكل واحد زى ما عمل مع انجيلوس مينفعش
المسيح عاوزنا نتعامل معاة بعيون الايمان
طوبى للذين امنو ولم يروا
اتمنى حقيقى تكون فهمتنى يا بيتر
مرسى مرة تانية للموضوع الجميل دة لعنا نحيا حياة التوبة والاستظيقاظ من غفلتنا ويملئ اللة قلوبنا بمخافتة ومحبتة فى نفس الوقت

[Dr.PeRO]

جميلة اوي قصتك قلمك روعة بجد ربنا معك

متشكر خالص لردك الجميل، ربنا يبارك حياتك
***

دى قصة من خيالك يا بيتر صححح ؟؟

الاجابة انا كنت كاتبهالك فى برفايلك لما حطيتلك لينك القصة، اعتقد انك مخادتيش بالك

هى حلوة طبعا جدا مقدرشى اقول فيها حاجة وواضح جدا ان فيها مجهود جبار ورائع كمااان -- حقيقى تسلم ايدك ربنا يعوضك

متشكر خالص لكلامك الجميل، ربنا يباركك

لو كانت شخصية فادى دى شخصية واقعية نقدر احنا نعايشها بسهولة وانت وضحت دورة كخادم مثلا بايجابية فى حياة الناس والكنيسة كانت هتبقى اسهل وصولها اكثر وكانت هتبقى اسهل نعيشها اكثر لان اللى زى انجيلوس مش موجود منة كتير لكن قليلين جدا جدا

على فكرة، القصة ليها ثللاث محاور، او خلينا نقول ببساطة 3 أبطال، فادي: وهو بيمثل الكمال، وانجيلوس وهو بيمثل "السعى للكمال"، والشعب وهو بيمثل "الغير مبالى للكمال" ... الثلاث شخصيات لازم كانوا يبقوا موجودين عشان القصة تبقى كاملة، ماينفعش أكرر انجيلوس مرتين وأشيل فادي! الثلاث أمثلة موجودين عشان نعرف الأمور صح وبطريقة مدققة.

انا فضلت متشوقة جدا اشوف فادى هيعمل اية ؟ يمكن اتعلم منة حاجة فعلا وانفذها فى حياتى انا كمان

مهو ده بقى الغلط بعينه ... بمعنى ان انا مش محتاج أعرف ايه الصح وازاى امشى صح، انا محتا ج بالأولى أعرف ايه الغلط وأعمل focus عليه وأبين مدى ثقل كل خطية من دول عشان المتلقى يحس بده فيبقى عنده حافز يبطل بسببه الغلط ... البابا قال فى إحدى عظاته الشهيرة: ازاى هتمشى فى حياة الفضيلة وانت لسه مسبتش حياة الرذيلة؟! بطل خطاياك الأول عشان تبدأ تعيش عيشة حرة مع ربنا .. احنا عندنا الصح مكتوب فى الانجيل وانا استشهدت بكذا آية منه فى القصة، الصح معروف والروح القدس بينشط وهو اللى بيعرف الانسان فين الصح وبيبكته على الخطية، بس الروح مش هينشط إلا لما الانسان يسيب الخطية الأول، ولأن اللى ذكرته هى خطايا يومية وفى كل مكان تقريباً، فأنا محتاج أبين بشاعتها من جهة نظر المسيح، فكان لازم شخصية فادي تكون حاضرة، أما الجانب المضئ وهو كان شخصية أنجيلوس، فده برضه بيبين بعض الايجابيات اللى بسببها ممكن نفرح قلب الله.
يعنى من الآخر القصة فى مشاعر الفرح ومشاعر الحزن فى قلب الله، واللى انا عملتع انى بذكر القارئ باللى هو فى الاصل عارفه، وهو ايه اللى بيفرح وايه اللى بيحزن مشاعر الله

أما بخصوص ان ده صعب يحدث فى الحقيقة، فده أقر معاكى انه صعب لكنه حدث مرات عدة ان المسيح ظهر وتكلم مع اناس كثيرين فى العهد الجديد، وكملاك سابقاً فى العهد القديم ايضاً ... فيه امثلة كتير معروفة، ده غير اللى مش معروف وفى بلاد تانية غير مصر

[elphilasouf]

المشاركة الأصلية كتبت بواسطة dr.pero متشكر لردك الجميل يا باشا، نورت الموضوع ... بس صدقنى احنا ماينفعناش شمعة وسط كل الضلمة ديه ,, احنا محتاجين كشافات زى بتاعة الاستاد كده!

نور ربنا أقوي من أي نور
في قصص أعرفها لأشخاص مكنش ليهم أي دور في الكنيسه لكن غيروها كلها ..

[emmmy]

مهو ده بقى الغلط بعينه ... بمعنى ان انا مش محتاج أعرف ايه الصح وازاى امشى صح، انا محتا ج بالأولى أعرف ايه الغلط وأعمل focus عليه وأبين مدى ثقل كل خطية من دول عشان المتلقى يحس بده فيبقى عنده حافز يبطل بسببه الغلط ... البابا قال فى إحدى عظاته الشهيرة: ازاى هتمشى فى حياة الفضيلة وانت لسه مسبتش حياة الرذيلة؟! بطل خطاياك الأول عشان تبدأ تعيش عيشة حرة مع ربنا .. احنا عندنا الصح مكتوب فى الانجيل وانا استشهدت بكذا آية منه فى القصة، الصح معروف والروح القدس بينشط وهو اللى بيعرف الانسان فين الصح وبيبكته على الخطية، بس الروح مش هينشط إلا لما الانسان يسيب الخطية الأول، ولأن اللى ذكرته هى خطايا يومية وفى كل مكان تقريباً، فأنا محتاج أبين بشاعتها من جهة نظر المسيح، فكان لازم شخصية فادي تكون حاضرة، أما الجانب المضئ وهو كان شخصية أنجيلوس، فده برضه بيبين بعض الايجابيات اللى بسببها ممكن نفرح قلب الله.
يعنى من الآخر القصة فى مشاعر الفرح ومشاعر الحزن فى قلب الله، واللى انا عملتع انى بذكر القارئ باللى هو فى الاصل عارفه، وهو ايه اللى بيفرح وايه اللى بيحزن مشاعر الله

اولا
لما تيجى ترد عليا اختار لون كتابة غير بتاعى يا بيتر علشان اعرف افرق بين كلامى وكلامك لحسن بيتخانوا مع بعض على اللون ههههههههه
ثانيا
انا طبعا مقدرشى اقول فى كلامك حاجة لانة رب المجد قالة قبلك للغنى لما طلب منة يبعت العازر لاخواتة علشان يفهموهم ويحذروهم من العذاب اللى هو فية وكان ربنا ردة انهم عندهم موسى الانبياء
ثالثا
انا كتبت فى ردى نفس المعنى وقلت انة مينفعش نطلب من ربنا يكشف ذاتة بالطريقة اللى احنا عاوزنها وكان قصدى مش كل الناس عاوزة تسمع صوت ربنا جواها وبالطريقة اللى ربنا شايفاها احنا بتتلكك علشان تسكت ضمائرنا وحجتنا ان ربنا دة بعيد فين ربنا ؟؟
ودة مش لان ربنا غايب ولكن لاننا مش عاوزين نشوفوا علشان نكون براحتنا فى اللعب واللهو والخطايا زى الخروف الضال

أما بخصوص ان ده صعب يحدث فى الحقيقة، فده أقر معاكى انه صعب لكنه حدث مرات عدة ان المسيح ظهر وتكلم مع اناس كثيرين فى العهد الجديد، وكملاك سابقاً فى العهد القديم ايضاً ... فيه امثلة كتير معروفة، ده غير اللى مش معروف وفى بلاد تانية غير مصر

اكيد طبعا بكل تاكيد والامثلة دى محفورة على صفحات الكتاب المقدس اللى لو السما والارض زالت حرف منة لا يزول
بس للاسف المشكلة فينا احنا وفى قلوبنا القاسية تجاة اللة وعملة ومواعيدة

[Dr.PeRO]

نور ربنا أقوي من أي نور في قصص أعرفها لأشخاص مكنش ليهم أي دور في الكنيسه لكن غيروها كلها ..

تمام، احنا مش مختلفين فى حاجة على فكرة، بس انت قولت شمعة وانا قولت كشاف .. والاتنين بينوروا فى الضلمة يا باشا، وأى نور احسن من مفيش
متشكر لمرورك الجميل، شرفت الموضوع

اولا

لما تيجى ترد عليا اختار لون كتابة غير بتاعى يا بيتر علشان اعرف افرق بين كلامى وكلامك لحسن بيتخانوا مع بعض على اللون ههههههههه ثانيا انا طبعا مقدرشى اقول فى كلامك حاجة لانة رب المجد قالة قبلك للغنى لما طلب منة يبعت العازر لاخواتة علشان يفهموهم ويحذروهم من العذاب اللى هو فية وكان ربنا ردة انهم عندهم موسى الانبياء ثالثا انا كتبت فى ردى نفس المعنى وقلت انة مينفعش نطلب من ربنا يكشف ذاتة بالطريقة اللى احنا عاوزنها وكان قصدى مش كل الناس عاوزة تسمع صوت ربنا جواها وبالطريقة اللى ربنا شايفاها احنا بتتلكك علشان تسكت ضمائرنا وحجتنا ان ربنا دة بعيد فين ربنا ؟؟ ودة مش لان ربنا غايب ولكن لاننا مش عاوزين نشوفوا علشان نكون براحتنا فى اللعب واللهو والخطايا زى الخروف الضال

يا إيمي أمال انا عامل اقتباس ليه؟؟؟ مهو عشان كلامك هو اللى هيبقى فى الاقتباس اكيد .. ههههه .. عموما يا ستى حقك عليا، انا كتبت بالبني برضه عنداً بقى
وطبعاً اللى قولتيه انا مقتنع بيه، ومفيش عليه جدال، متشكر لمرورك الجميل، ربنا يبارك حياتك

[elphilasouf]

ردا علي التعليق اللي بيقول
"هو لازم المسيح يظهر عشان الناس تبكي"
القصه المبدعه دي المسيح فيها ممكن يكون خادم أو خادمه أو حتي شخص بسيط يقدس الكنيسه ويحترمها جدا يكون هو صوره المسيح للناس دي ...

[krsta]

بجد قصة جميلة قوى ومعناها حلو وياريت بجد كل واحد يحاسب نفسه قبل مايفوت الوقت ويشوف هو بيعمل ايه لان احنا اولاد الملك ولازم نعمل الاشياء التى تليق بابويا الملك علشان كمان هو يكون مبسوط مننا
شكرا ليك وتسلم ايديك

[david201050]

اكيد الكنيسة هي الحضن اللي لما لنتعب بنلجاء ليه وموضوعك بجد جميل اووووي وربنا يباركك ويفرح قلبك يارب امين