رد: لوسمحت الى عندة الحل يدخل بسرعة
كُتب : [ 02-27-2010
- 12:24 PM
]
- اولا اهلا بيكي ونورتي المنتدي كله
ثانيا انا علي كل ثقة بانك الي حد كبير مش هتقتنعي ببعض الكلام اللي انا هقوله لانك في سنك ده بتفكري بطريقة احنا جربناها ولما تكبري شوية هتفكري بطريقة تانية خالص
ثانيا خليكي فاكرة كويس جدا انك لو استمريتي في الموضوع ده هتندمي اشد الندم مستقبلا وهتقولي يارتني كنت سمعت الكلام عشان كدة بقولك ادي لنفسك فرصة التفكير المنطقي للموضوع ده علشان مترجعيش تندمي
ثالثا نتكلم بقي في الموضوع انتي بتقولي انك بتحبيه انا عاوزك تناقشيني وتقوليلي ليه بتحبيه في نقط
رابعا عرفتي منين انك بتحبيه واتاكدتي ازاي انه بيحبك
خامسا انتي مشاعرك دلوقتي من المستحيل انها تقدر تحدد اذ1ا كنتي بتحبي ولا لا ودي مش قسوة مني ليكي لكنها بالعكس محبة
سادسا انتي عاوزة تقنعيني انك تستمري لمدة عشر سنسن ع الاقل جدا تحبيه وحبكم يفضل زي ماهو وعدو الخير ميتدخلشي ويحول العلاقة دي لحاجة تانية ومتقوليش ان هو بيحبني وعمره ماهياذيني لان سنكم دلوقتي مبيسمحشي للولد انه يكون قادر علي التفكير العقلاني
سابعا انتوا داخلين علي ثانوية عامة ولاازم هتعطلوا بعض ومتقوليش كلام خيالات اننا بنشجع بعض لان الجملة دي كتير قالوها قبلك وندموا عليها اشد الندم
ثامنا ممكن تقوليلي هتتقابلوا فين في الاكنيسة يبقي مش هتخلصي من كلام الناس والخدام والاباء الكهنة اللي هيبقي معاهم حق بس ممكن يتصرفوا غلط وكله هيبقي فوق دماغك انتي هتقوليلي هنتقابل في الشارع فين بقي في الشارع وازاي وده ممكن يوصلكم لايه هتقوليلي مش هنتقابل خالص هقولك ساعتها ممكن التفكير يتوجه ناحية بيت اي حد منكم والكلام المعتاد يتقال انتي مش واثقة فيا ده انا بخاف عليكي اكتر مابخاف علي نفسي وبعدين تلاقوا نفسكوا حتي لو مقربتوش قوي هتبقوا تعبانين جدا وهتعيشي اسوا ايام حياتك وانتي معتقدة انك بعيدة عن حبيبك
عاشرا ده مش وقته مش وقته مش وقته ومتستعجليش
حادي عشر هطلب منك تعملي تدريب طالما انتي عاوزة تعرفي بس بامانة مع نفسك تعملي التدريب ده انتي هتتفقي معاه انكم هتقعدوا لمدة شهر لا تكلموا بعض ولا تبعتوا رسايل لبعض ولا يبقي في اي وسيلة تفكركم ببعض وبعد الشهر ده قوليلي وقولي لنفسك بصراحة انتي وصلتي بايه وحسيتي بايه
ربنا معاكي وام النور تحميكي
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
.jpg)
العرض الشجري