الاخر مش شرط يكون الجنس الاخر
ولا من دين اخر
ولا من طائفة اخرى
ممكن يكون اخويا او ابويا او اختى او امى او حبيبتى او
اى شخص بختلف معايا فى الراى
ازاى اقبل الاخر
هحاول نجمعهم كدة فى كام نقطة تخيلوا كدة انى مثلا بتكلم مع واحد تانى وبنتكلم فى موضوع
معين او مثلا بنتكلم فى اختلاف العقائد كسبيل المثال
وانا بكل قوة صرخت فيه وقالتله انت غلط واحنا الى صح
انت هتروح النار وانا الى هروح السما
هيرد ويقول ايه لا انا الى صح وانت الى غلط
وتبتدى المناقشة تنقلب لخناقة
ونخسر كل مننا الاخر ولا احد مننا استفاد
تعالو بقى نعرف نعمل ايه وبكل بساطة علشان اقبل اخويا (الاخر)
1)اولا اسلم عليه بكل ترحيب ومودة
مش اكون قرفان وانا بسلم عليه وابينله انى مدايق انى شفته
2) اسمع وانصت له جيدا لما يقول
مش كل شوية ابص فى الساعة وانا واقفة ابص على الرايح والى جاى وواقفة متململة فى الوقفة
ونفسى اقولة ياعم لخص انت هتصدعنى
3)اعمله بحب ومودة تخيلوا المسيح نادم على يهوذا الى باعة وسلمه وقاله يصاحب
انت هتنادم اخوك وتقوله ايه ......................................
4) احبه ابين الللاخر انى بحبه وخايف على مصلحتة مش بالكلام بالافعال
اقدم الحب للاخر
من لا يعرف الحب لا يعرف الله
5) اكون على المام بشكل كبير بالموضوع الى بنتكلم فيه
مش يقالى احنا بنعمل كذا اقوله اه اه عارفة وانا معرفش هو بيتكلم عن ايه وممكن افكرة بيشتمنى
تخيلوا بقى بعد ما نعمل كل ده وهو بيكلمنى ايه الى هيحصل او هيقول ايه
1)هيقول اه ده مهتم بالكلام الى بقوله لا انا اسمعله كويس اوى
2) هيفكر ويقول ده بيبحنى ده اكيد خايف عليا يبقى انا اشوف الكلام الى بيقولة فعلا صح ولا غلط
3) هيبادلنى نفس الحب والود وهيخا ايضا عليا ولو فيه حاجة انا بقولها غلط او فكرة واخده عنهم غلط هيبتدى يصلحها
4)علمى بكل ما يدور ويحدث عنده هيكسبة ثقة فى معرفتى بكل الامور الى بتتعلق بالموضوع
وهيزيد من اهتمامة من انه يسمع باقى كلامى
ليه بنقبل الاخر
هتقولولى ياستى انتى داوشة دماغنا واعملوا واعملوا ليه كل ده
منقفل على الموضوع وخلاص
لا هقولكم لانى قلتلكم ممكن الاخر ده يكون اخوك او اقرب الناس ليك
يعنى هتهمك مصلاحتهم وكمان هتخاف عليهم لو كانوا ماشين فى سكة غلط