[Malak sokar]

سلام ونعمة ارجوكو عاوزة تذكرو بابتي في صلاتكو انا مكسوفة بجد بس قلت مين هيذكرو في صلاتة غيركو
بابا عندة سكر وبعده ظهرت مشاكل في الكبد وفيرس سي وحاليا الدكتور بعتلة وقلة لازم تتعرض علي اخصائي كبد
طبعا مش عاوزة اقلكو لما سمع الخبر دة عمل اية خايف تكون انزيمات الفيرس ابتديت تتنشط
احنا هنسافر يوم الاحد مصر والفحص هيكون يوم التلاتاء ارجوكو صلولنا
صلو لباابا انة يرجع مبسوط ويكون الموضع مش زي ماهو فاكر وربنايقف معانا بجد هو مرعوب وانا
واثقة في صلاتكو وواثقة ان ربنا هيقف معانا

النعمة معكم

المصدر: †† ارثوذكس †† - من قسم: الصلوات وطلبات الصلاة

[aymonded]

سلام بمحبة من إله السلام محب البشر القدوس البار
حينما ندخل في ضيقات الأمراض ومشقاتها تثقلنا المخاوف والأوهام تعتصرنا ، وحينما نرفع أعيننا إلى فوق نترجى أب المراحم والرأفات تنتهي المخاوف وتبطل في سرّ القيامة المجيد ، إذ يستهين الإنسان بآلام هذا الزمان ، لأن ما هو فوق أعظم مما هو على الأرض ، والله هو الطبيب الشافي للجسد والنفس والروح معاً ، لذلك أتعشم في وجه النور الحقيقي ، وجه يسوع أن يصير أباكِ موفور الصحة معافاً باسم الثالوث القدوس ، طالباً من الله أن يكون معه كل حين بمجد حضوره الخاص لأنه تعزية النفس وقوتها وسندها الحقيقي ...

النعمة معك يا محبوبة الله وليطمئنك الله عليه بمد يده بالشفاء العاجل عن قريب
كوني مع كل الأسرة معافين باسم الثالوث القدوس

[nona queen]

صلاه العدرا والقديسين تكون مع عمو وتحفظه يارب من كل شر ومرض
مش تخافى يا قلبى صلى من قلبك واحنا كلنا معاكى
وبقوه رب المجد اللى حافظ اولاده وشاملهم برعايته وببركه الايام المقدسه اللى احنا فيها
وبقوه الصليب المقدس تكون معاه وكله هايبقى خير وتمام ان شاء الله
ترجعوا بالسلامه والسعاده فى قلوبكم بفرحه الشفا والاطمانان على الوالد
بس ضرورى تطمينينا يا صافى من فضلك

[elphilasouf]

صلوات العدرا والقديسين
ترجعى بالف سلامه وخبر حلو

[rozy lover]

انشاء الله بابا هيبقى كويس وهيرجع زى الاول واحسن كمان
بقوه وشفاعه ماما العدرا وكل القديسين ربنا معاكم ويرجعكم بسلامه
ماما العدرا تحميكم

[Malak sokar]

بجد مش عارفة اقلكو اية ربنا يبركو وربنا يستجب لصواتكم يااجمل اسرة ربنا يباركو

[lolaemo]

ربنا معاه صلوات العدرا والبابا كيرلس ومارمينا وابو سيفين وامنا ايرينى عند رب المجد تكون معاه
ويقوم بالسلامة انشاء الله وترجعى انت بكل خير وسلامة معاه يارب

[الناى الحزين]

الف سلامه لباباكى يا ملاك
ان شاء الله هتروحوا وترجعوا بالف سلامه
ربنا يارب يتممله الشفا
ويرجع مبسوط وفرحان

بشفاعه ام النور
والشهيد مار جرجس العظيم
والبابا كيرلس

[كيرو رافت]

الف الف الف سلااااااااااااااااااااااا ااامه لبابا يا صافى

ربنا يرجعه بالسلامه ويتمم شفاؤه على خير

سلامته الف سلامه

وبشفاعه ام النور والايام المقدسه يتمم شفاؤه

[حنين سنين]

صلوات العدرا والقديسين
ترجعوااااااا بالف سلامه