[اندرو صموئيل]

ربى انا مش عارف ابدا معاك ازاى
فعلا ياسيدى انا سمعت صوتك ف الجنة فخشيت لانى عريانا فاختبأت
سيدى طب وايه العمل ولحد امتى هافضل لابس القناع اظهر للى بتعامل معهم وكانى ملاك نازل من عندك وانا خربان من جوايا وانا قلبى تلفان بمعنى الكلمة اظهر للناس وكانى اطهر انسان ف الوجود وانا احمل ف دخلى نجاسة البشر كلهم
سيدى لحد امتى ابقى لسة سامع كلامك ورسايلك ليا وافعل الخطية واتجاهل وجودك واتجاهل كلامك وكانك لم تقل شيئا
سيدى لحد امتى ادنس هيكلك المقدس اللى هو جسدى بشرورى وتعمى بملاذ الدنيا الباطلة
سيدى لحد امتى اوعدك ولا اوفى بوعودى فكثيرا يارب ما وعدتك انى ماعملش الخطية الفلانية ولا تمر سوى دقائق معدودة وافعلها
سيدى لحد امتى هافضل بعيد عنك وادور ع السعاده ف اماكن لاتوجد انت بها وطبعا لا اجدها بالتاكيد لان اى مكان انت بعيد عنه يبقى جحيم مستحيل توجد به السعاده
سيدى لحد امتى تنسانى كل النيسيان لحد امتى يقول عدوى انى قد قويت عليه اليس من حل لمشكلتى يا حلال المشاكل
سيدى انا مش قاااااااااااااادر صرخة ياسيدى من اعماق قلبى
اعماق قلبى التى تتمزق من الخطايا والنجاسة وعذاب الضمير وكل ذلك نتيجة البعد عنك
يارب ساعدنى
ساعدنى انى لا اختبئ منك بسبب خطاياى مرة اخرى
ساعدنى انا اقلع قناع الرياء اللى انا لابسه واظهر للناس بما ف داخلى
ساعدنى ان يكون قلبى عمران بيك وملتهب بمحبتك ايها الاله يا من علمتنا معنى الحب
ساعدنى يا سيدى ان اسمع كلامك وافهم رسايلكواشاراتك لي اعطنى يا سيدى حياة الافراز والتمييز كما عطيتها ومازلت تعطيها لقديسيك ورهبانك سكان المغاير وشقوق الارض
ساعدنى يا سيدى ان يكون قلبى طاهر طهرنى يا يسوع لكى اكون اهلا لسكناك فى قلبى
ساعدنى يا سيدى ان اوفى بوعودى معاك كما انك توفى بوعودك لى
ساعدنى يا سيدى وارجوك ان تساعدنى لانى فعلا مش قادر . مش قادر اتغلب على خطاياى المحبوبة . يارب انا عايز اقولك حاجة الام لما تعلم ابنها المشى مش بتمسك ايده وتعلمه ازاى يمشى ؟؟ امسك انت ايدى برضوو وعلمنى امشى معاك علمنى يارب طريقك وساعدنى ان احفظ وصاياك واعمل بها
امضـــاء
ابنك الغالى عليك واللى انت بتحبه .......

المصدر: †† ارثوذكس †† - من قسم: التأملات الروحية والخواطر الفكرية