[keroo82]

بـقى لـنـا زمـان طـويـل وإحنا فى نفـس السيناريــو

وآدى جيل من بعده جيل والـقـهــر مـا شـفــنا زيـّـه

مـيـن قـال ده مـسـتحـيل قالــها أنـدرو و مـاريــو

بإيمان مالهـوش مـثـيـل ده صليب وبيضوّى ضيّـه

إحنا الـقبـط ومازلنا بنقولها بـأعـلـى صـوتـنـا

فى شمال مصر وجنوبها أقباط من غير حدود

أرض أبائنـا وجـدودنـا بدماهـم كـان وجـودنا

وفى كـل مكان بنوا لنا دير وأجسادهـم شهود

عندك ياللى إنت فاكـر كنيستنا إيمانها فـاتـر روح فـتـّش فى الدفاتـرهاتعرف إحنا مــين

إحناالشعب اللى صابروإيمان فى القلب ساتروصليب مرفوع وقادريشفى جراح السنين

نـؤمن بيـسـوع إيسـوس مخلص الـنـفـوس الإقـنـوم فـى الـثـالـوث إلـــه واحـــد أمـيـن

إسأل دقـلديـانـوس عـن سـيـف طـيـّر رؤوس عـن معنى الإضطهاد وصـمود القديسين

مـرّت بينا العصور فى الظلمة شموعـنا نور ويـوماتى مع البخور صلواتنا لـيـل نهـار

مـلـيـانه الـقـداسـات ناس طالـبه المعجزات كهنه بتصنع آيـات عـلى اسـم يـسـوع البار

كنيستنا كنيسه حيّه أسرارها يا مصرى غاليه راسخه فى الكون قويّـه بتحقـق الإنتصار

ملايين من بره جايّـه شايلين روحهم هديّـه طالـبين المعموديّـة خـلاص زال الــســتـار

مش خطف القبطيّات ولا مـنـع الـتـرقـيـّات ولا تغيير الـديـانـات هـيغـيـّر مـالمكـتـوب

كنيستناماهيّاش سور ولا دورة ميّه ونور يتهدوا وتصبح بور فى زمان ابليس مغلـوب

أصل عروسة المسيح مش محتاجه لتصاريح علشان يعلى التسبيح وهتافهـا للمصلـوب

إبليس هنعلن هزيمتك وفى مصرهاتكون نهايتك يرجع لكل قبطى حقه اللى كان مسلوب

المصدر: †† ارثوذكس †† - من قسم: القسم الادبي

[عماد حسنى]

جميل اوى اوى يا كيرو
ايمانا و وعد ربنا لينا
ان ابواب الجحيم لن تقوى عليها
ربنا يباركك ويفرح قلبك ويحافظ على بيوتنا بيوت ربنا
شكرا يا كيرو على موضوعك الحلو ده

[keroo82]

ميرسى ليك يا عمدة على مرورك
ربنا يحافظ عليا ويرجعلنا قداسة البابا سالم

[Malak sokar]

بجد جميل اوووووووووي ياكيرو ياجامد
ربنا يعطيك نعمة وبركة

[keroo82]

ميرسى ليكى يا صافى يا عسل
ربنا يباركك

[nermos1982]

بجد بجد كلمات رائعة يا كيرو .ربنا يحافظ على كنيستنا وعلى ولادها
ربنا يعوضك يا كيرو ويكون معاك دايما

[keroo82]

ميرسى ليكى يا نرمين على مرورك
ربنا يباركك

[zaza2006]

الله موضوع جميل اوى يا كيرو ربنا يعوضك

[كيرو رافت]

كنيستناماهيّاش سور ولا دورة ميّه ونور يتهدوا وتصبح بور فى زمان ابليس مغلـوب

أصل عروسة المسيح مش محتاجه لتصاريح علشان يعلى التسبيح وهتافهـا للمصلـوب

إبليس هنعلن هزيمتك وفى مصرهاتكون نهايتك يرجع لكل قبطى حقه اللى كان مسلوب

الله يا كيرو بجدالله عليك
دايما كدا مواضيعك كلها جبارة مليانه استنارة
دايما فى الحق جرئ
بحب بجد كل مواضيعك لانك دايما بتناقش اللى وصلنا ليه
من غير خوف
ربنا يخليك للمنتدى يا كيرووو
وتفضل دايما ممتعنا بمواضيعك الجامدة جدا
ربنا يبارك حياتك ويوفقك فى حياتك

[غدا افضل]

موضوعك رائع يا كيرووو وربنا يحافظ على شعبه واولاده القطيع الصغير ميرسى ليك