[emmmy]

القرار :

-اشمعنى انا وزنتى وحيدة ---- وغيرى ياخد وزنتين
ياريتها كانت حتى مفيدة ---- كنت ربحت منها اتنين

ما يكونش عملك بس كلام ---- دا بالاعذار تضيع الاعمار
قلبك لو فية ملك السلام ---- ما تقسى عليك حرب الافكار

- لية قلبك شايف ما للناس ---- اشكر الهك على معاك
الشكر يملاك من الاحساس ---- بالبركة -- وتزيد ويااااك

- الحسبة مش وزنة واتنين ---- العبرة قلبك اية جواة
وشوف يسوع من قلبك فين ---- دا النعمة دايما من عطاياة

- دا لو ملك يسوع على قلبك ---- يا فرحتك يا سعدك يا هناك
تستكتر وزنتك على نفسك ---- وتبقى ارضك هى سماك

- وزنة وحيدة لو تراعيها ----- تفرح بثمار خمس وزنات
تفيد الناس ونفسك بيها ----- وتنال من اللة التطويبات

- كنيستك لما كانت فى ازمة ---- نقل المقطم دة الاثبات
سمعان خراز وحيد الوزنة ---- مجد يسوع رب القوات

-

المصدر: †† ارثوذكس †† - من قسم: قسم الترانيم المكتوبة

[kiro0oalex]

واااااااااااااااااااااااو
اد ايه الكلمات جااااااااامده اووووووى
فعلا ما احلى عطياك يا يسوع
ثانكس ايمى
تم التثبيت

[emmmy]

مرسى يا كيرلس ربنا يخليك ياااارب
اشكرك حقيقى على تشجيعك
الجميل دة

[كراكيب]

• ترنية جميلة قوي
• عاوزين لحن بقي
• شكرا ياايمي

[emmmy]

اللحن هتلاقية عند ابونا زكريا عبد النور
راعى كنيستنا يا ميلاد اسمعها منة روعة بجد
ومرسى لمروك الجميل ربنا يباركك