[جانو]

ليه الجرح مالينى
ليه الدمع مالى عينى
حزينة ليه يانفسى كده
تعبانة من جوايا
كلمة بحبك سهله تقولهالى
بس صعب احس بيها
وانا مجروحة منك جرح كبير
جرحتنى ليه ياغالى
ده انا كنت معاك بسهر الليالى
وكنت انام واحلم بيك
كان قلبى دايما شاريك
بس انت بعتنى بأرخص تمن
ليه شمت فيا الزمن
خليتنى اعيش معاك كل لحظة فرحة وسعادة
خليتنى احس انى فوق كل مادة
حرام عليك كل ده
جرحتنى ليه الجرح ده
اول ماقولتلى بحبك مش عارفة اوصفلك احساسى بالكلمة
كد ايه انا طرت من الفرحة
وحسيت احساس يفوق الكلام
بنيت معاك احلى الاحلام
وصحيتنى من نومى على اوهام
اوهام مالهاش حدودو
سيبتنى ليه وسط الموت
انا اللى كان قلبى كله ليك
وكنت بعمرى كله افديك
عايز تبعد عنى ليه
انت فاكر ان ببعدك عنى هتحيينى
ولا فاكر ان ببعدك عنى هتنسينى
اقولك ايه اكتر من كده

اقولك ارجعلى ونشف دمعتى
ولا اقولك انسانى وسيبنى فى حسرتى
خلاص احساسى مات من بعدك
انا ماليش حياة من بعدك
معنديش كلام تانى اقوله
غير انك حاول تفكر مرة فى اللى عملته
ولو حسيت بيا فى يوم
يلا متتأخرش وقوم
قولى انك هترجعلى
وانك فعلا محتاجلى

المصدر: †† ارثوذكس †† - من قسم: القسم الادبي