[مريان فتحي]

مشكلتي في حياتي اني با تخدع في الناس اللي بعرفهم كل ما اثق في حد القيه مش ذي ما انا باحسب علشان كد بقي ماعنديش اي ثقة في اي حد واب اعترافي مش بيساعدني ولا يرشدني في اي حاجة علشان كدة نفسيتي تعبت خالص

المصدر: †† ارثوذكس †† - من قسم: حوار من الاعماق

[رونى شاندو]

حبيبة قلبى انا عاوزاكى يكون انتى عندك ثقه فنفسك فالاول وعن تجربه شخصيه ليا بلاش عشم زايد فالناس لانى حبيتى كلهم مش زى بعض وعند المصلحه بتتغير الاطباع انتى اتعملى بلى يرضى ربنا منك ومتستنيش المقابل وخلى فى حدود بينك وبين الناس متديش كل حاجة مرة واحد الناس بتفهم الطبع دة بسذاجه اتعملى بحب وبثقه واخلاص كمان حببتى فى ناس كتيرة اكيد قريبه منك وكويسين يعنى زى ماقولتلك كلهم مش واحد عليكى انتى تكونى زكيه فمعرفه اللى قدامك وتفهميه بسرعه عشان تعرفى مع اى نوع بننعملى وربنا يديكى الفهم والارشاد وطمنينى عليكى.........

[مريان فتحي]

فعلا عندك حق في كل اللي قولته انا خلاص اتعلمت بس كان نفسي اشوف بجد ناس فيها ربنا علشان كدة كل شوية بغلط شكرا ليك علي محبتك

[emmmy]

المشكلة فيكى انتى يا ماريان
بلاش سذاجة وطيبة بلا حكمة او افراز
معلش متزعليش منى بس لازم اكون صادقة معاكى
راجعى نفسك هتلاقى ان انتى اللى محتاجة شوية حكمة وحرص

[aymonded]

سلام لشخصك المحبوب في الرب، أنا بالطبع لن أُضيف الكثير على كلام إخوتي، ولكن أحب أن ألفت نظرك لشيء مهم للغاية، أحياناً كثيرة ثقتنا في الناس بتبقى أكبر بكثير من الحجم الطبيعي التي ينبغي أن تكون فيها، لأننا نعلم أن الإنسان - مهما كان وضعه وطبعة وإخلاصه ... الخ - فهو تحت ضعف، ومن المستحيل أن يكون في حالة من الكمال طالما لازال في الجسد، فالصداقة الكاملة والتي بلا شائبة لن توجد في الأرض ولن يوجد إنسان كامل في المحبة، لأن المحبة هي الله واتساعها من اتساعه، فكلنا نأخذ المحبة على قدر قامة كل واحد ولكن لن يوجد واحد كامل فيها قط، بل سنظل نسعى للكمال ونأخذ من الله يوماً بعد يوم، وبالرغمن من ذلك فنحن معرضون للضعف والسقوط ...

وطبعاً الأهم كما قالت محبوبة يسوع الأخت إيمي، الإفراز والتمييز بين الناس، لا من جهة كمال أحد، ولكن من جهة من لهم قلب حلو فيه محبة وملامح من الله ونستاطيع أن نُقيم شركة معهم، ومع ذلك لا نظن أنه سيوجد إنسان كامل ومن المستحيل أن يُخطأ في صداقتنا أو يسقط تحت أي ضعف لأي سبب ان كان، فينبغي أن ندخل في علاقة الصداقة أو أي علاقة مع قبول ضعف الآخر مهما كان، وهذه هي الصداقة الحقيقية، والنمو فيها هو أن نُساعد بعضنا البعض لنتخلص من عيوب نفوسنا الدفينة .... أقبلي مني كل تقدير؛ النعمة معك

[مينو ابن المسيح]

سلام المسيح معاكى
اولا دة اول مشاركة ليا هنا فى الجروب المحترم والجميل
والا مكنش ليا نصيب ان انضم لية الا انهاردة
فيارب اكون اخ ليكم
انا رائى بصراحة فى الموضوع ان فعلا بقا فى حاجة غلط ؟
يا احنا الا غلط علشان احنا نصدق الناس ونتعامل بطيبة
يا اما الناس الا غلط بس صدقينى الشئ الجميل انك تدخلى ربنا فى
كل علاقاتك مع اصحابك وزميلك وكل شئ
وتصلى انا فى راجل فاضل بجد اتعلمت منة كتير جدا هو اسمة بابا سمير
بيدخل منتديات مسحية كتير وانا اتشرف ان عرفت راجل زى دة وصدقينى قالى
ان فى صلاتى اقول يارب لو الا قدامى دة صادق معايا فى حبو وكلامو وتعاملاتو معايا
قربنى منة جدا وزود الصدق دة ولكن لو كذاب ابعدو عنى فبجد لزم نعمل كدا مع كل علاقتنا مش
وربنا يحط قدام كل واحد فينا الاشخاص الا يتعملو معاة بصدق ومحبة
اذكرونى فى صلواتكم

[aymonded]

المكان كله نور بحضورك الرائع فيه يا أجمل مينو، وشكراً على مشاركتك الحلوة والمثمرة، نعمة ربنا يسوع تفيض في قلبك سلام ومسرة دائمة، كن معافاً في روح وداعة يسوع آمين، ولنُصلي بعضنا لأجل بعض...

[مينو ابن المسيح]

اشكرك يا استاذ ومرسى جدا وياريت تعتبرونى اخ ليكم وانا يشرفنى دة
اشكركم جدا وربنا يبارك فى المنتدى وفيكم