[aymonded]

[ فانتخبوا أيها الإخوة سبعة رجال منكم مشهوداً لهم ومملؤين من الروح القدس وحكمة فنقيمهم على هذه الحاجة ... فحسن هذا القول أمام كل الجمهور فاختاروا استفانوس رجلاً مملؤاًٍ من الايمان والروح القدس وفيلبس وبروخورس ونيكانور وتيمون وبرميناس ونيقولاوس دخيلا انطاكيا ] (أعمال 6: 3 - 5)

سيظل كلامي وكلامك يا محبوب الله الحلو (بيتر) نظري لن يُطبق منه حرف واحد في أي مكان ولا أي كنيسة اليوم ، لأن للأسف الخدام اللي المفروض يكونوا محبين لله عائشين بالإنجيل الحي والنابض فيهم روح وحياة ولهم روح التمييز والإفراز ، في حالة من الأنيميا الروحية في ضعف الإيمان وانعدام الرؤية وعدم فهم مشيئة الله ورؤية الكنيسة كجسد المسيح الحي المرتبط ببعضه البعض بكل الأجيال ، لذلك يفكرون في الحل البشري على مستوى الضعف ، ولا يريدون ان يرتقوا لمستوى الروح ويعودوا في غنى القديسين ومجد الكنيسة الأول ، لأنهم لا يرون بالإيمان قوة الله العامله في كرمه ، لأنهم فاقدين أي ثقة في أن الله يستطيع ان يعيد مجد الكنيسة في قمة عظمتها ، لذلك لا يستطيعون أن يتفقوا مع روح الإنجيل والرسل والآباء في الاختيار حسب مسرة مشيئة الله ، فالثقة في الله معدومة ، والأذن صُمَّت عن أن تسمع صوت الروح ولم يعد أحد يقول : [ لأنه قد رأى الروح القدس ونحن ] (أعمال 15: 28) ، ولم يعد أحد يسمع صوت الروح القدس الذي يدعو وحده للخدمة وليس آخر سواه : [ وبينما هم يخدمون الرب ويصومون قال الروح القدس افرزوا لي برنابا وشاول للعمل الذي دعوتهما إليه ] (اع 13 : 2)

[aymonded]

محبوبة الله ، أختي الحلوة / إيمي
أنا مش زعلان منك نهائياً وإطلاقاً ومش باتكلم عليكي خالص بجد
وايه اللي يزعلني منك بس ، أنا زعلان حقيقي على حال الكنائس وضعف الاختيار وهزلان الخدمة
وأن كثيرين لايوجد عندهم الإيمان الحي النابض بالحياة، ولم يعد أحد يسمع صوت الروح القدس
ولكن منك انت لم ولن أزعل قط بل ونهائياً، ثم من امتى وانا بازعل من حد أساساً
النعمة تفرح قلبك وتهبك سلاماً آمين

[emmmy]

المشاركة الأصلية كتبت بواسطة dr.pero متشكر ليكي بس لس فاضلى مادة، اذكريني فى صلاتك ههههههه لا طبعاً .. مش للدرجه دى يعني ، مرسي ليكي. العفو وربنا يارب ويوفقك فى حياتك كلها انا مقولتش رأيي فى الاول عشان بصراحة هو ملوش لازمة .. مفيش رايى ملوش لازمة يا بيتر كل رايئ لية لازمة ويحترم ويقدر كمان مهما كان بسيط او ملوش فعالية شديدة فهو بيوضح اكيد حاجات كتير يعنى مش ممكن أبداً يطبق ... لأنه مختلف شوية .. ... هيطبق يا بيتر اكيد حتى لو بنسبة ضئيلة جدا فهو برضوا مكسب مش خسارة وطوبى لمن لة اذان للسمع اللى هقوله ميخصش فقط اختيار أمين الخدمة انما يخص اختيار: خادم أو كاهن او اسقف او اى درجة خدمة روحية. كلهم خدام فى حقل كبير الاختلاف فى الدرجات بس لكم الهدف واحد لينا كلنا بما إن: الخدمة القوية والمثمرة تحتاج لقلب مملوء بالروح وقلب يحب المسيح (حب حقيقي مش نص كم)، ويستطيع ان يرعى خراف المسيح ويحبها كنفسه، وهذا نادراً ما وجد هناك آلاف الشكاوى تقريباً فى كل كنيسة ضد بعض الخدام أو آمناءهم بسبب سوء تصرف او مظهر غير لائق او تكاسل فى الافتقاد او تهاون و فتور فى روح الخدمة بص يا بيتر انا ليا تعليق على رقم 2 دة انا دايما ارفض الكلام فى مشاكل الكنيسة والاباء والخدام واعلان المشاكل دى خصوصا على صفحات النت للسبب دة فعلا وحتى لما بتمر عليا لحظة ضعف وبنسى وبتكلم انا فيها برجع اندم على كلامى لانة بيفتح العيون وبيكشف كتير بيخلى الناس تأخد موقف من الكنيسة والاباء تخيل لو مفيش نت ولا دش ولا وسائل اعلام مفتوحة اوى كدة كنت انت وانا هنعرف حاجة من البلاوى اللى بتحصل فى الخدمة والكنيسة والعالم بصفة عامة لا خالص هيبقى عالمنا صغير ومحدود ومشاكلنا محدودة ونظرتنا محدودة والبابا كيرلس اللى بتضرب بية المثل دايما فى كلامك كان فى على ايامة مشاكل كتير بس احنا معرفنهاش ومحستناش بيها لان مكنشى فى وسيلة لدة أغلب الاطفال والمراهقين والشباب قد أتموا جميع مراحل مدارس الأحد، ثم انتقلوا لإجتماعات الشباب والخريجين .. ولا يزالوا لم يعرفوا الله معرفة شخصية ولم يختبروا العلاقة الشخصية العميقة معه وبما ان فاقد الشئ لا يعطيه .. أى وبكل صراحة .. الكثير بل أغلب الخدام وآمناء الخدمة لم يدخلوا الى العمق الروحى الكافى (( على المستوى الشخصى لقد تعاملت فى 3 انواع خدمة مختلفة فى كنيستين منفصلتين، ولم أجد سوى خادم او اثنين فقط هم من اختبروا علاقة عميقة مع الله)) بالاثنين اللى شفتهم دول والاثنين اللى انا شفتهم انا كمان اذا يبقى فى امل وكنيستنا بخير لاوم نعيش الاحساس لشان منضعش وبما ان الحال كما هو عليه وانه لا جديد فى المستوى الروحى للخدمة سواء فى اوقات الاضطهاد و الازمات (مثل الآن) او أوقات الراحة والهدوء (مثل من قبل) فهذه النقاط إنما تشير الى نتيجة وحيدة وسبب وحيد ... النتيجة هى فشل الخدمة (فشل نسبي وليس ذريع لأن يد الله تعمل مهما كانت الظروف والنتائج) بينما السبب الوحيد هو سوء الاختيار ، نتيجة الفعلة قليلون جداا ومن يتم اختيارهم هم ليسوا بفعلة حقيقيون! ولكى نعرف الفعلة الحقيقيون ونقارنهم بالباقى .. لدينا مثال صارخ لواحد من أقوى آمناء الخدمة فى القرن ال21، القمص القديس بيشوى كامل .. انظروا وارجعوا الى سيرته العطرة وكيف كانت خدمته نارية بمعنى الكلمة قبل ان يصبح كاهناً ... ثم الاعظم، انظروا كيف تم اختياره ليكون كاهناً رغم عشقه للرهبنة و التوحد ... انه القديس البابا كيرلس السادس .. وهذا مثال قوى يوضح ما اريد ان اقوله من كل حديثي وهو ان افضل من يختار الفعلة (أى الخدام بمختلف ادوارهم واماكنهم) هو الله نفسه، صاحب الكرم .. وليس الخدام ... ولا الاساقفة بمجهودهم الشخصى .. لولا وجود البابا كيرلس لخسرت الكنيسة واحداً من أعظم خدامها واقواهم على الاطلاق ,, وللعلم ان البابا بمجرد رؤيته له وضع يده عليه وأصر بشدة ان يثنيه عن فكرة الرهبنة وهذا يوضح ان الاختيار كان اختيار سماوى قبل ان يكون بشري .. اذن .. الملخص، ان من عليه ان يختار يجب ان يكون انسان قديس .. لأن الله هيكون اختار على لسانه .. وهو ده المطلوب ,, واذا لم يتوفر .. يبقى على كهنة الكنيسة وخدامها الكبار ان يخصصوا فترة اسبوع مثلاً للصوم والصلاة القلبية حتى يرشدهم الله لمن هو آمين على الخدمة (وده فى المشمش وعمرى ما فحياتى سمعت ان اطبق) مع العلم ان الصيام ليس مجرد امتناع عن الطعام انما هو بقدر الامكان امتناع عن الحياة الارضية لينتصر الروح على الجسد .. وفى النهاية، إن آمين الخدمة الصالح، يستطيع ان يثمر صالحين .. ويستطيع بنعمة المسيح ان ينهض بالخدمة .. اما ما يحدث على أرض الواقع .. فهو شئ يرثي له .. آسف للاطالة

لا ابدا مفيش اطالة ولا حاجة
شكرا على وجودك الرائع يا بيتر

[emmmy]

سيظل كلامي وكلامك يا محبوب الله الحلو (بيتر) نظري لن يُطبق منه حرف واحد في أي مكان ولا أي كنيسة اليوم ،



لا يا استاذ ايمن مش للدرجة دى
ربنا لية شهودة فى كل مكان وزمان اكيد
اسمع يا استاذ ايمن
اية رايك فى شخصية ابونا ابراهيم ابو الاباء واول البطاركة العظام ؟؟
اية رايك فى مكانتة فى الكتاب المقدس ؟؟
ابراهيم فى يوم الايام حصلت عندة مجاعة فقام راح مصر هو وسارة زوجتة ولما شافها ابيمالك عجبتة ونالت اعجابة وسال ابراهيم عنها فقالة دى اختى - ابراهيم كدب على ابيمالك لان سارة فى الوقت دة كانت زوجتة
ولما ربنا حذر ابيمالك من الشر ولمس سارة زوجة اعظم رجال اللة
ابيمالم عاتب ابراهيم وقالة لماذا فعلت هذا بى
بص بقى رد ابراهيم اللى هو بيبقى ردنا احنا كتير !!!
قالة لانى تصورت انة لا يوجد خوف اللة لهذا الشعب - مع ان ابيمالك لما حكى كلام ربنا للشعب يقول الكتاب المقدس فوقع عليهم خوفا عظيما

[aymonded]

سلام لنفسك يا محبوبة الله الحلوة ، طبعاً مش قصدي كده خالص ، وليس عندي روح يأس ولا إحباط إطلاقاً ، ولكني أتكلم عن الغالبية العظمى والظاهرة وسمة الخدمة عموماً في هذه الأيام الأخيرة ، واصبح الخدام الذين لهم آذان يسمعون بها صوت الروح في داخلهم في شُحٍ شديد وأقل من اقل القليل من يسمع لهم أو يصغي بقلبه لما ينطق الروح القدس به على أفواههم ويتعلم ، فأقل من أقل القليل لهم خبرة وحياة عميقة مع الله ، ونادراً جداً جداً ما نجد الخدمة عموماً تتحرك بموجب الروح القدس ، أو أحد يقول اختار الروح القدس ونحن ، أو أحد سمع صوت الروح يقول افرزوا لي فلان وفلان !!! وهذا هو المقصود من كلامي عموماً ، ومش مقصود ان لا يوجد ولا واحد قط ، لأن الله يستحيل يترك نفسه بلا شاهد ولو حتى كان واحد ، لأن الله في كل زمان ومكان له شهود بالروح والحق ، رغم من أنهم قطيع صغير جدااااااااا !!! النعمة معك

[emmmy]

انا عارفة قصدك على فكرة كويس بس وضحت المعنى لاى حد ممكن يقرا التعليق علشان محدش يأخدها حجة للبعد والاحباط والنظرة اليأسة من كل حاجة ويحس انة خلاص مفيش حاجة حلوة فى حياتنا اشمعنى هو اللى هيبقى حلو والكلام بقولة لنفسى قبل اى حد ياريت كلنا نبدأ بنفسنا ويكون لينا علاقة حية وحقيقية مع شخص الرب يسوع
اشكرك استاذ ايمن على حوارك الاكثر من رائع ربنا يثمر خدمتك
وخليك متابع معانا لو اى حد قال حاجة جديدة من فضلك واتمنى يكون الموضوع سبب افادة لينا كلنا

[emmmy]

انا عارفة قصدك على فكرة كويس بس وضحت المعنى لاى حد ممكن يقرا التعليق علشان محدش يأخدها حجة للبعد والاحباط والنظرة اليأسة من كل حاجة ويحس انة خلاص مفيش حاجة حلوة فى حياتنا اشمعنى هو اللى هيبقى حلو والكلام بقولة لنفسى قبل اى حد ياريت كلنا نبدأ بنفسنا ويكون لينا علاقة حية وحقيقية مع شخص الرب يسوع علشان فى ناس بتتلكك فى علاقتها بربنا وبتخلق لنفسها اعذار مش مقبولة بالمرة
اشكرك استاذ ايمن على حوارك الاكثر من رائع ربنا يثمر خدمتك
وخليك متابع معانا لو اى حد قال حاجة جديدة من فضلك واتمنى يكون الموضوع سبب افادة لينا كلنا

[aymonded]

صح تعليقك جداً وكلامك يا محبوبة الله وأكيد انا متابع ، واحب اقول لكل واحد يضع حجة انه لم يعد أحد يهتم فلن تقف عليه هو أيضاً : أن الأمر منوط به هو شخصياً لأنه بيساهم يا إما في إضافة خبرة وقوة حياة وشركة وخدمة صالحة حسب الحق ، يا إما يُساهم في الضعف وفقدان المسيرة الصالحة في الحق وشركة المحبة وسماع صوت الروح ....

النعمة معك ومع الجميع آمين فآمين