[كراكيب]

انا بحبك
انا عارف انك يمكن مستغرب ( ة ) من كلامي بس بجد انا حسيت ده من ساعة مابدأت أتكلم معاك حسيت إني مرتاحة قوي وإني بطلع كل حاجة من جوايا من غير مااقصد اقول حاجات واخبي حاجات
هي قالت كدة وهو راح غلط وقال
وانا كمان بحيك
وكان انا بحبك دي كلمة سهل
انا بحبك من وجهة نظري هي اصعب واهم واخطر كلمتين ممكن يطلعوا من الواحد لانهم بيحددوا مصيره ومصير غيره ف حاجات كتيرة
لكن للاسف ناس كتيرة بتقولها وهي مش متاكدة منها
والغريب ان اليومين دول بقي في كمان بنات بتقول كدة يعني كنا زمان نلاقي الولد هو اللي قالها وجري زي ما عمر الحريري ماكان بيعمل او يقولها ف اغنية زي ماعبد الحليم ماكان بيعمل او يبعت ف جواب زي ماحسن يوسف كان بيعمل او ينفضلها زي ماانا مابعمل
لكن ان البنت تيجي تقولله ف دي جديدة بس موجودة
المهم اللي عاوز اقوله انك لازم تفكر قوي قبل ماترد عليها ب وانا كمان
وف نفس الوقت لو واثق انك بتحبها وينفع انك تحب ف الوقت ده يبقي مفيش مشاكل بس برده اتقل شوية
وبكرة تندم لو قلتها وانت مش حاسسها
ويارب الناس كلها تحب الناس كلها

المصدر: †† ارثوذكس †† - من قسم: الموضوعات الشبابية