الموضوع منقول للاهميه من مصدر موثوق منه
اخواتي
حصل حاجة غريبة جدا من يومين لبنت معانا في الكنيسة
القصة ان البنت كانت نازلة مع امها عشان بتجيب حاجة الجهاز بتاعها وهي راكبة الميكروباص
كان في راجل مثبت نظرة عليها فهي كانت بتبص كل شوية علية عاوزة تعرف بيبص قوي لية كدة
لحد ما فجأة امها سمعت الراجل بيقولها تعالي معايا راحت قامت ومشيت معاة من غير تفكير
امها قعدت تنادي عليها والبنت ولا هي هنا
راحت مسكتها وضربتها جامد بالقلم البنت فاقت مرة واحدة وكانها كانت في غيبوبة
والراجل نزل جري من العربية
الام سألت بنتها انتي لية مشيتي معاة البنت استغربت من كلام امها وقالتلها انا ممشتش مع حد
وحكيت الام لبنتها علي اللي حصل والبنت بتقول انا مفيش حاجة من دي حلصت يا ماما
المهم بعد الاستنتاج عرفنا ان دة تنويم مغناطيسي
الموضوع دة صدقوني حصل بجد مش كلام وخلاص ومع واحدة انا عارفها يعني مش مجرد كلام سمعتة
خلي بالكوا يا بنات حتي لو مش مصدقين انتهبوا لنفسكم كويس
وربنا قادر ان يبعد المصايب اللي كل يوم نسمع عنها
صلواتكم