[white angel]

أنا فلان دا لما شفته حسيت أنى نفسى أصاحبه راجل وشهم وجذاب ووسيم ومهندم ومحترم جدا جداً ومتدين كمان و و و و من الأخر باااااااشا.......بس المشكلة أنى مش عارف أصاحبه ومش عارف ليه مش عارف أصاحبه ........







*لكل واحد فى الدنيا مدخل كل واحد فى الدنيا أى واحد مدخل مفتاح والمفتاح دا فى أيد اللى معاه المعلومات فركز أوى فى المعلومات دى:-

1_الأنطباع الأول, مهم جدا جدا وغالبا بيفضل راكز فى الذهن حاول بقدر الإمكان أنه يكون متميز.

2-النظر فى عينه بود , ليها أثر السحر غمض عينك وتخيل معى مشهدك وانت تتحدث إليه وعينك تضحك فى حين أنك فى مشهد أخر تتحدث وأنت تنظر خلفه أو لا تنظر إلى عينيه خوفا من الارتباك أواواوا....أكيد الاولى هتسيب أنطباع هايل ومتنساش بود (eye contact).

3-أظهر الشوق والبسمة الصادقة عند ملاقاته(genuin smile):فعندما تراه تقف فورا وتتجه له وتشد على يديه ولا تترك يده حتى يتركها هو

4_لا تتعالى أو تتكبر عليه فالبعض يستخدم هذه الطريقة أعتقادا منه ان الشخص سينجذب إليه إذا تركه هو بتعالى او تكبر (ولا أخفى عليكم سرا هذه الطريقة تنجح ولكن مع الأشخاص المهمشين وعديمى الشخصية ولا أعتقد ان أحدكم يريد التعرف بهم).

5_الإطراء عليه دون تكلف أو مزايده كالإطراء على ملابسه أو تقول له مثلا على بطريقة ودية ومازحة فى نفس الوقت(أخبار سموك أيه يا باشا) , ولو كان حد معاك عرفهم ببعض إذا ما كانش اللقاء عابر يعنى لو هتقعدم مع بعض عرفهم ببعض لكى تكسر الثليج فى هذه الجلسة .

6_لا تتلفت وانت تصافحه وانظر مباشرة له بكامل جسدك.

7-حاول تعمل تحريات ....أيوة تحريات عن الشخص دا أسأل بيحب أيه بيكره أيه بيلعب رياضة ولا لأ ولو بيلعب بيلعب أيه وفين مين أعز أصدقاءه ساكن فين كل دى تفاصيل هتفيدك أوى بعدين.

8_حضر موضوع معين تكلمه فيه قبل ما تقف معاه يعنى مثلا اللى أنا عايز أصاحبه دا بيحب .....مممم.....كمال الأجسام مثلا يبقى تفتح موضوع كمال الأجسام دا بطريقة غير مباشرة وتكون حضرت طبعا عنه معلومات كفايه عشان متبقاش قاعد معاه ولا مؤاخذة بطيخة , معلومات بقى من كتب من النت من واحد صاحبك كدا ....تبتدى بقى تسأله فى الموضوع اللى هو مهتم بيه دا وتبينله انك مهتم بيه انت كمان.

9_ إياااك إياك إياك تبقى ثرثاااار لو الطبع دا فيك أعمل (Back) للصفحة دى أو كل اللى انت قريته دا ملهوش لازمة, بالمناسبة الثرثار مبيعرفش انه ثرثار فهتعرف نفسك لما تلاقيك كل لما تيجى تتكلم اللى قدامك بيرد عليك بإقتضاب يعنى مش معنى الثرثرة الكلام الكتير السريع لأ معناها الكلام الكتير الفاضى التفه فى معظم الأحيان لدرجة تخلى اللى قدامك يعد الثوانى لما تقوم .

10_مظهرك ودى كان المفروض أذكرها مع الانطباع الأول والمظهر مهم جدا مش شرط لبس غالى أو مستورد بس شرط النظافة والذوق فى اللبس يعنى ملاقيش واحد جاى لابسلى اخضر فى أخضر ويقولى دا جاى من باريس أقولك لا دا جاى من الأناية,شعرك دايما متسرح وأبوس أيدك بلاش الجيل لو حكمت أوى أستخدم كريم دايما ملمع جزمتك ولو كوتشى يبقى بتغسله ,وخاليك فاكر وشك دا هو مظهرك مرايتك أهتم بيه أغسل سنانك أعمل مسكات مش عيب ولا حرام أشرب ماء كتير عشان الرطوبة فى الوش
بس خليك فاكر بلاش تبقى متكلف فى لبسك.
__________________

المصدر: †† ارثوذكس †† - من قسم: الموضوعات الشبابية

[Team Work®]

اشكرك جدا جدا جدا جدا يا نودى بجد على الموضوع وهو حلو مش وحش بجد جميل

اهلا بيك معانا فى الموقع وربنا معاك

[minabobos]

اشكرك جدا ع الموضوع
وفعلا ف معلومات استفدت منها
ربنا يباركك

[مادوناممدوح]

موضوع جاااامد جداااااااااااااااااا

[nrmo]

ميرسى جدا على المعلومات الجميله دى

[اللة يرعانى]

شكرا على موضوعك الرائع

[جوسى]

موضوعك جميل و فوق الرائع و شكرا على المعلومات الحلوة دى
ربنا معاكى و فى انتظار المزيد

[yasmin0]

موضوع رائع ومعلومات رائعه ... ميرسي الرب يسوع يبارك حياتك

[melanora]

ميرسي اوي اوي اوي علي الموضوع الجميل ده