[sawsaw]

الى كل من يهاجم تماف ايرينى

طبعا كلنا عارفين طماف ايرينى والقصص الى اتقالت عليها وانها مش قديسه
فلنفترض انها مش قديسه فلنفترض انها مجرد انسانه عاديه
بس ممكن نبص للجانب الحلو فى حياتها
زى انها اول حاجه اختارت انها تكون للمسيح وبس
اختارت تعيش عروس للمسيح
اختارت حياة الفقر الاختيارى بالرغم من انها جميله ومش فقيره
هل ممكن ربنا ميحسبش ده كلو عندو
الحاجات دى لوحدها ليها اكليل عند ربنا
كفايه ان احنا فينا ناس كتير مفكرتش فى حياة الفقر الاختيارى
وانه حتى ينذر نفسه للمسيح
وكمان فى حاجه تانى
كفايه الامراض الخطيره جدا الى كانت عندها
كام عندها اكتر من نوع من انواع السرطان فى جسمها
ورحله المرض دى ابتدت معاها من سنها 20 سنه
وياريت اى مرض لا
دى سرطان وكلنا عارفين مدى خطوره هذا المرض
وكان بيصيب اغلب اعضاء جسمها
ده المرض لوحدوا صليب
ولما تستحمل الصليب ده
ربنا بيديها اكاليل فى السما
مين فينا بيستحمل حتى مجرد دور برد
الراهبه دى اتعذبت كتير بالامراض الخطيره دى
وكمان قبل نياحتها كان عندها سرطان فى الكتف
يعنى حاجات كتير اوى صعبه كانت فى حياتها
وكل الحاجات دى ليها اكاليل عند رب المجد
ومش احنا الى نحكم على حد انه مش قديس او قديس
المفروض كل واحد يبص لنفسوا ويبص لخطاياه
ويبص قد ايه هو مقصر فى حق ربنا
وقد ايه هو مقصر فى خدمه ربنا
على الاقل الام ايرينى راهبه
كانت بتصلى وبتسبح ربنا
فى مننا كتير عمرو مفكر حتى يقول ابانا الذى
اول مايصحى من النوم
هل كل ده ملهوش حساب عند ربنا
ربنا ميضيعش تعب حد ابدا
كفايه كمان خدمتها فى الدير والتعمير والانشائات
وكمان الخير فى الدير كفايه انهم
هناك بياكلوا الناس ومبيفرقوش ما بين غنى ولا فقير
ده ربنا مبينساش كوبايه ميه تديها لعطشان
فى مننا كتير بياكل كل الاكل الى نفسوا فيه قدام ناس مش لاقيه تاكل
وميفكركش حتى انه يدى حد
بلاش بقا نقعد نبص على الحاجات الوحشه بس ياريت كمان نبص على الحاجات الكويسه
ونتعلم ونستفيد مين فينا شايف نفسوا احسن من الام ايرينى
واليقاعد يعد الغلطات لام ايرينى ميشوف نفسوا يقارن نفسوا
يشوف هو وقف قدام ربنا كام ساعه من حياته
شكر ربنا كام مره فى حياتوا
المفروض نشوف نفسنا الاول ونصلحها
وملناش دعوه بحد نبص على الحلو بس
واحنا مالنا بالحاجات التانيه ناخد الى ينفعنا ونسيب الى مينفعناش
هو ده كل الى كنت عايزه اقولوا
ويارب اغفر ليا خطاياى الكثيره وارحمنى
وامسك بايدى
يارب توبنى فاتوب
وربنا يبارككم ويفرح قلوبكم يا اخواتى فى الرب يسوع.

المصدر: †† ارثوذكس †† - من قسم: الموضوعات الشبابية

[sawsaw]

يا خبر ابيض ولا حتى مشاركه واحده
الموضوع معجبش حد خالص
ده محدش فكر يبص فيه
ده مفيش غير مشاهده واحده
وكمان مردتش

[geko_1990]

عندك حق
( الخشبة التي في عينك اولا ً )

[sawsaw]

مرسى كتير على مرورك الى فرحنى ونور موضوعى
ربنا يباركك ويفرح قلبك

[الناى الحزين]

ويارب اغفر ليا خطاياى الكثيره وارحمنى
وامسك بايدى
يارب توبنى فاتوب

موضوع ملفت للنظر بس محدش اخد ةلباله يا سوسنه
بس بصراحه انا مسمعتش عنه قبل كدا
مين شكك فى قداسه الام ايرينى دى معروف عنها انها قديسه
ربنا ينفعنا ببركاتها
وشكرا على الموضوع يا سوسنه

[sawsaw]

مرسى كتير على مرورك يا ناى ربما يباركك ويفرح قلبك
بالنسبه للناس الى شككت فى قداسه الام الايرينى
ناس كتييييييييييييييييير اوى
وطلعوا عليها كلام مش حلو كتير
والغريب ان الناس دول اساقفه
ومقالات فى مجله الكرازه
حجات كتيره اوى يا ناى من يوم الام الايرنى اتنيحت
ده فى ناس كتير كمان بتشكك فى قداسه ابونا فانوس بتاع البحر الاحمر فى دير الانبا بولا
الى هو كل اكله بيضيف عليه جاز لو انسان عادى ميستحملمش ويموت
بردو الناس دى اساقفه
فوق ده كلو فى ناس بتشكك فى قداسه البابا كيرلس السادس
بعد كتب المعجزات الى ملهاش عدد فى كل بيت
ربنا يرحمنا من عدو الخير

[zaza2006]

فعلا فى نا س كتير شككت فى انها تكون قديسة

بركة صلاوتها تكون معانا دى قديسة عظيمة

[شمعة]

مرسى ياقمر على التوضيح
لزم يكون فى كدة دة شغل الشيطان
يعنى الشيطان يتفرج علينا واحنا بنقول انة غلبت الشيطان
استحالة دة يولع فى نفسة

لكن عندى تعليق بسيط اوى ويارب مش يضايقك
الى هو كل اكله بيضيف عليه جاز لو انسان عادى ميستحملمش ويموت


طبعا ابونا فانوس قديس ورائع
لكن هل انتى متاكدة من المعلومة دة هو مش غريب علية
انة يعمل كدة
لكن فية ناس بسيطة اوى ممكن تقول علية كدة
عشان تزود من حبة فى قلبنا رغم انة مش ناقص
لاننا كلنابنحبة
مرسى خالص ياقمر

[kottah_sh]

يا جماعه الناس دى قديسين ومنقدرش نشكك
فى قداستهم ولا عظمتهم
ودا فعلا عمل الشيطان

[sawsaw]

المشاركة الأصلية كتبت بواسطة شمعة مرسى ياقمر على التوضيح لزم يكون فى كدة دة شغل الشيطان يعنى الشيطان يتفرج علينا واحنا بنقول انة غلبت الشيطان استحالة دة يولع فى نفسة لكن عندى تعليق بسيط اوى ويارب مش يضايقك الى هو كل اكله بيضيف عليه جاز لو انسان عادى ميستحملمش ويموت طبعا ابونا فانوس قديس ورائع لكن هل انتى متاكدة من المعلومة دة هو مش غريب علية انة يعمل كدة لكن فية ناس بسيطة اوى ممكن تقول علية كدة عشان تزود من حبة فى قلبنا رغم انة مش ناقص لاننا كلنابنحبة مرسى خالص ياقمر

لا يا حببتى متقلقيش انا متاكده تماما من المعلومه دى
لان المعلومه دى قالهالى راهب عايش معاه
وزائد ان بابا كان درسوا بيوجعوا قالو مضمضوا بسولار
او جاز فبنسال الراهب ده
قالنا ان كل اكله بالسولار والجاز
دى معلومه اكيده ميه فى الميه