[la tristeza y el dolor]

اخواتى , فى البدايه قلبى هيموت و يطمن ع كل واحد فيكم , ياااااااارب تكونوا كلكم بخير , انا حابب اصلى , بس صلاه موش عاديه صلاه موش علشان ترفع عننا هم و ضيق الاحداث الجاريه , لكن صلاه تهبنا نعمه تسليم حياتنا لاراده ربنا , صلاه تسبح ربنا و تشكره دايما على اراده ( من غير خوف من اى شىء جاى ) متخافوش يا اخواتى من اى حاجه جايه , متقولوش هنعمل ايه لو , لو , لو , لو
ربنا اللى بيسمح بدا , ربنا هو اللى بيرسملنا ادق تفاصيل اصغر واحد فينا , معنى كدا ان هو اللى بيحدد مصيرنا فى البلد دى , لازم منصليش و نقول يارب خلى دا او متمسكش دا الحكم , لكن لازم نصلى و نقول يارب خلى قلوبنا مسلمه ليك حتى فى اضيق و اكثر الظروف حزن , انا فى بدايه الامر كنت بصلى و بقول يارب خلى فلان و بلاش تمسك فلان ,
طيب ربنا هيدى شعب العراق اكاليل احسن مننا ؟

ربنا عادل و على اد ما هنتماسك فى حياتنا على اد ما هيكافئنا فى ابديتنا !
متخافوش يا اخواتى اوعوا تقولوا عاوزين دا او خايفين من دا ,
ربنا هو اللى بيحط دا او دا , دى حياه اولاده و هو اللى بيرسمها






ياربى و الهى و مخلصى يسوع المسيح , اشكرك يارب يسوع ع كل شىء
احمدك من كل قلبى , يا رب اغفر اثامى و اخطائى , اوهبنى نعمه يارب تغلب كل مخاوف قلبى , ادينى قلب جديد يسلم لاارادتك , يخضع لمشيئتك و هو واثق انك قادر ع كل شىء و ليك حكمتك فى كل شىء ,
حافظ على اخواتى فى كل مصر , يااااااااارب يسوع اظهر مجدك للعالم

اااااااامين .

المصدر: †† ارثوذكس †† - من قسم: الصلوات وطلبات الصلاة

[zaza2006]

امين يا بندق يارب حقيقي احنا فى ايام صعبة وشفنا حاجات كتير قاسية
بس لتكن ارادتك يارب انت اختار لينا الخير والصالح وحافظ على شعبك
وعلى كل اخواتنا ويعم السلام مش بس في مصر فى كل انحاء العالم

[elphilasouf]

ربنا يفتح قلوبنا لندرك حكمته من هذه الأيام ،
نصلي كل حين

[aymonded]

ميراث المسيح الحي القائم من الأموات يملأ قلبك مع الجميع فرحاً
لأنه هو من أعطانا سلاماً لا يتزعزع أمام المخاطر والضيقات
سلامي أعطيكم سلامي أترك لكم ، ليس كما يعطيكم العالم أعطيكم أنا
لا تضطرب قلوبكم ولا تجزع ... ها أنا معكم كل الأيام وإلى انقضاء الدهر
وكل ما يحدث يحدث حقيقي للخير والله يمد يده للجميع ويحفظ الكل في روح التقوى
وهبنا الله جميعاً أن نحيا في ثبات الإيمان الحي مملوئين من نور الله وفيض سلامة وملء نعمته
أقبل مني كل حب وتقدير لشخصك الغالي يا أجمل أخ حلو لنا
النعمة تملأ قلبك سلام ومسرة آمين

[emmmy]

عندك حق يا بندق
ربنا يدينا اننا نعيش حياة التسليم
ومنخافشى من اى حاجة خااالص لانة
معانا كل الايام والى انقضاء الدهر امين -- ربنا موجود

[twaty]

امين
فعلا الصلاة هى السلاح الوحيد لينا
ميرسى ليك وربنا يعدى الازمة دى على خير
لتكن مشيئتك يارب
وربنا يحافظ على اولادة فى كل مكان

[صلاح الناسك]

لتكن يدك لخلاصى لأنى اشتقت لوصاياك . صلاة رائعة ربنا يباركك اخى الحبيب وربنا يطمننا على بعض