[كراكيب]

هل اللغة القبطية لغة مقدسة
بالطبع الاجابة هي نعم
اللغة القبطية لغة مقدسة
بل انها اللغة التي سوف نتكلم بها في الملكوت
ولذا فعلينا جميعا ان نتعلمها ومن لن يتعلمها فلن يستطيع المعايشة في الملكوت
رجاء ان تتعلموا وتبادروا بسرعة تعلم اللغة القبطية انتوا احرار فوق مفيش دروس تقوية ولا كورسات منتظر ارائكم

اوعي حد يصدق ان ده رايي لا خاااااااااااااالص ده راي احد الذين يطلق عليهم بطريق الخطا لفظ خادم نعم قال هذا الكلام الخال من كل الصحة
وان اريد ان اعلن رايي وهو ان اللغة القبطية ليست لغة مقدسة وزيها زي أي لغة في العالم وزيها زي اللغة العربية اللي وصفتها احد الخادمات بانها لغة دخيلة وغريبة بل واتهمت الخادم الذي يجهل باصول اللغة القبطية بانه مقصر في معرفة اهم اصول الكنيسة وهكذا وضعتها في مصاف اصول الكنيسة
بالرغم من اللغة القبطية ليست لها اية علاقة بالديانة المسيحية او بالكنيسة كل ما في الامر ان المصرييم القدماء كانوا يستخدمونها بعد اللغة اليونانية وبعد تحررهم من التقويم الروماني واستبدلوه بتقويم الشهداء
عامة هذا ليس تهجم علي اللغة فجيد ان نتمسك بما تركه لنا اجدادنا ولكن مااود ان اقوله انه لا ينبغي ان ننشر افكار خاطئة ونزرعها داخل وجدان الاطفال غير عالمين بما سيلحقهم من اضرار جسيمة
اود ان اذكر معلومة حتي لايتهمني احد بالانشقاق او اني غير ارثوذكسي انا شماس ومسئول عن اجتماع الشمامسة بالخدمة لمني افضل الصلاة باللغة العربية ولما بصلي بالقبطي غصب عني لازم افهم انا بقول ايه ومعود الاولاد في الخدمة علي كدة لكن الاهالي والشعب اللي بيبقوا قاعدين في القداس مش فاهمين حاجة اعتقد هنتحاسب عنهم
قد يرد البعض ويقول يجب ان نعلمهم
سارد رد واقعي وهو اننا نجعلهم ياتوا القداس بطلوع الروح هنعلمهم امتي وبعدين ليه نصعب عليهم المسائل ربنا بيسمعنا باي لغة المهم نبقي فاهمين وحاسين احنا بنقول ايه ولا ايه ؟

المصدر: †† ارثوذكس †† - من قسم: الموضوعات الشبابية

[Team Work®]

موضوعك رااااااااااااائع حبيبي بجد اشكرك جدا جدا جدا علية

وربنا يفرح قلبك امين

[كراكيب]

شكرا اكتر لمروروك ياهيما

[thered flower]

موضوعك جميل جدا ومهم جدا جدا جدا لان فى ناس كتييييييير بتفكر بطريقة الخادم ده
مرسيه على موضوعك الجميل ده ربنا يعوض تعب محبتك

[aymonded]

أشكرك يا احلى غالي على الموضوع مع انه مكرر
https://www.orsozox.com/forums/orsozox-t9485.html

النعمة معك

[كراكيب]

شكرا يافلور ربنا قادر يغير

[بنت الراعي]

شوف اولا ميرسي اوي بجد الموضوع جميل
بس بصراحه انا عندي راي بص بقي في الحان ووتسبحه جميله اوووي وبالقبطي ورغم اننا نكاد نكون مش فاهمينها الا اني انا عن نفسي بحبها اوي وباستمتع بها جدا وبحس لني فعلا في السماء زي ماباستمتع بالعربي مش معني كده اني موافقه علي الكلام بتاع الخادم لا طبعا لان ربنا يسمعنا باي لغه ومهم اننا نتعلم قبطي زي الانجليزي مثلا او الفرنساوي كده يعني
ربنا يعوضك ويباركك

[كراكيب]

اولا شكرا يابنت الراعي علي مرورك بس عاوز اقول ان الغاية من اللحن او الهوس او اللبش بالنسبة للتسبحة هو التسيبح يعني الصلاة
واعتقد ان مينفعش اني اصلي واكلم ربنا وانا مش فاهم انا بقول ايه
دي مش دعوة للغي اللغة القبطية بس اللي بيلاقي نفسه في اي لغة يصلي بيها

[بنت الراعي]

عندك حق
بس اللغه القبطيه جميله يعني نتعلمها زي اي لغه
ولما بنصلي بيها في القداس ده بس حيفاظا علي الهويه القبطيه بتاعتنا
ولو تركناها هاتندثر خساره تضيع لغه حلوه كده صح بس برده انت عندك حق احنا نصلي باللغه اللي نفهمها لان ربنا هايفهمنا باي لغه
ميرسي ليك وربنا يعوضك

[Stray sheep]

موضوع راااااااائع وفى غاية الأهمية
معظم الشباب للأسف بيتهاونوا بأهمية اللغة دى وبيتعلموا لغات تانية
لكن بجد يا جماعة دى أهم لغة ممكن نتعلمها كلنا لأنها أساس عقيدتنا المسيحية و أساس ألحاننا الكنسية