تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



المنتدى العام المنتدى العام خاص بالمواضيع التى ليست لها تصنيف

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


حكـايـة جـــواز

حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية منى ارسانيوس
منى ارسانيوس
ارثوذكسي صانع
منى ارسانيوس غير متواجد حالياً
 
رقم العضوية : 762
تاريخ التسجيل : Jun 2007
مكان الإقامة :
عدد المشاركات : 472
عدد النقاط : 10
قوة التقييم : منى ارسانيوس is on a distinguished road
حكـايـة جـــواز

كُتب : [ 07-11-2007 - 11:25 AM ]


حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !



ميزو تتجوزيني ؟
سمسمه ـ أفندم ؟
ميزو ـ بقولك تتجوزيني ؟
سمسمه ـ !!!!!
ميزو ـ تتجوزيني ؟
سمسمه ـ لا !
ميزو ـ ليه ؟
سمسمه ـ بصراحة كدة شكلك مش عاجبني ..
ميزو ـ إزاي يعني ؟
سمسمه ـ يعني .. أصل أنا ليا مواصفات معينة لفارس أحلامي .
ميزو ـ مواصفات معينة ؟ .. هو انتي هتتجوزي عربية ؟
سمسمه ـ لا ! .. بصراحة كدة .. إنت مش فارس أحلامي اللي باتمناه !


*****

ميزو ـ تتجوزيني ؟
سمسمه ـ إيه ده ؟ شكلك اتغير !
ميزو ـ إيه رأيك ؟
سمسمه ـ واو .. شعرك بقة ناعم ! .. دي باروكة ؟
ميزو ـ أيوة
سمسمه ـ ودي عدسات خضراء ؟
ميزو ـ أيوة
سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
ميزو ـ مين عباس كيج ده ؟
سمسمه ـ عباس ؟!! ياي .. إيه عباس دي ؟ اسمه نيكولاس ..
ميزو ـ مين نيكولاس ده ؟
سمسمه ـ بقة مالكشي في السيما وجاي تكلمني ؟ .. ياي !


*****

ميزو ـ تتجوزيني ؟
سمسمه ـ انت لسة ليك عين تكلمني ؟
ميزو ـ أيوة .. أنا عرفت مين بنكرياس كيج ده
سمسمه ـ أولاً : اسمه نيكولاس كيج ..
ميزو ـ أيوة أيوة .. كنت هاقول اسمه صح .. بس اختصرته .. ده ممثل
سمسمه ـ ممثل إيه ؟
ميزو ـ ممثل أمريكاوي
سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش
دونكي
ميزو ـ دونكي دي تبقى شتيمة ؟
سمسمه ـ أوف كورس


*****

ميزو ـ تتجوزيني ؟
سمسمه ـ عندك عربية موديل كام ؟
ميزو ـ موديل دي تبقى شتيمة ؟


*****

ميزو ـ تتجوزيني ؟
سمسمه ـ قوللي الأول .. حاطط أنهي نغمة في الموبايل بتاعك ؟
ميزو ـ نغمة دي تبقى شتيمة ؟


*****

ميزو ـ تتجوزيني ؟
سمسمه ـ ما قلتليش .. إنت بتشتغل إيه ؟
ميزو ـ أنا -بلا فخر- عاطل
سمسمه ـ عاطل ؟ .. ياي ! ..
ميزو ـ مش أحسن من اللي ما بيشتغلش ؟
سمسمه ـ لا
ميزو ـ يعني مش هتتجوزيني ؟
سمسمه ـ لا يا ميزو
ميزو ـ كدة أنا أزعل
سمسمه ـ ما تزعلش يا بابا .. خليك فريش
ميزو ـ ماشي .. ماشي .. بس قوليلي ..
سمسمه ـ إيه ؟
ميزو ـ فريش دي تبقى شتيمة ؟


*****

ميزو ـ تتجوزيني ؟
سمسمه ـ لقيت شغل ؟
ميزو ـ أيوة طبعًا .. سنتين وأنا بادور .. أخيرًا لقيت ..
سمسمه ـ وإيه هو ؟
ميزو ـ سواق تاكسي .
سمسمه ـ ياي ! .. مش مكسوف وانت بتقولها ؟
ميزو ـ فيها إيه ؟ العمل شرف .. وكلها كام سنة وأجمع مبلغ كويس ..
سمسمه ـ شرف ؟ جتك القرف !


*****

ميزو ـ تتجوزيني ؟
سمسمه ـ جمعت مبلغ كويس ؟
ميزو ـ طبعًا .. مبلغ كبير جدًا ..
سمسمه ـ قد إيه يعني ؟
ميزو ـ ألف جنيه
سمسمه ـ نعم ؟!!! .. ألف جنيه دول تروح تسرح بيهم ببطاطا ..
ميزو ـ يعني موافقة ؟
سمسمه ـ روح اتنيل .


*****

ميزو ـ تتجوزيني ؟
سمسمه ـ عندك شقة ؟
ميزو ـ طبعًا .. أودة على السطوح ..
سمسمه ـ نعم ؟!! ..
ميزو ـ إيه المشكلة ؟! .. أحسن ما ننام في الشارع !
سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ميزو ـ طيب .. كلها كام سنة وأجيبلك أحسن شقة في الدنيا .
سمسمه ـ وهتجيبها في جاردن سيتي ولا في الزمالك ؟
ميزو ـ لا .. في الأهلي .. هيهع هيهع هيهع !


*****

( بعد سنوات) :

ميزو ـ تتجوزيني ؟
سمسمه ـ جبت الشقة ؟
ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكن المهم إنها جات ..
سمسمه ـ فانتاستيك
ميزو ـ بس الشقة ناقصة حاجة .
سمسمه ـ إيه هي ؟
ميزو ـ مفيهاش حمام !
سمسمه ـ امشي من قدامي ! .. مش طايقاك !


*****

ميزو ـ تتجوزيني ؟
سمسمه ـ إنت تاني ؟
ميزو ـ جبتلك حمّام إنما إيه
سمسمه ـ خليه ينفعك
ميزو ـ ليه بس ؟ .. ده ينفع لينا احنا الاتنين
سمسمه ـ وأنا مالي ؟
ميزو ـ مش عاجبك .. مش مشكلة .. أكتبه باسمك


*****

(بعد سنين) ..

ميزو ـ هتتجوزيني ولا أولع فيكي ؟
سمسمه ـ ومالك محروق كدة ؟
ميزو ـ حكايتنا طولت قوي .. طولت أكتر من اللازم
سمسمه ـ أوكي .. بس ممكن أعرف حاجة ؟
ميزو ـ إيه ؟
سمسمه ـ إنت ليه متمسك بيا أوي كدة يا مزمز ؟
ميزو ـ أصل .. أصل ..
سمسمه ـ أصل إيه ؟
ميزو ـ أصل أنا بحُبك (بضم الحاء) !
سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
وبعدين خليك روش وقول : I love you
ميزو ـ ماشي .. بس قوليلي ..
سمسمه ـ نعم ؟
ميزو ـ روش دي تبقى شتيمة ؟


*****

ميزو ـ تتجوزيني ؟
سمسمه ـ بصراحة .. في حاجة كنت عاوزة أقولهالك من زمااااااان يا ميزو .
ميزو ـ إيه ؟
سمسمه ـ أنا بصراحة .. مش شايفة إن في حد في العالم يستاهلني
ميزو ـ يا سلام ! .. ليه ؟
سمسمه ـ عشان أنا جميلة .. خفيفة الدم .. رشيقة .. رقيقة ..
ميزو ـ رقيقة ؟! .. ده انت بدأتي تقشفي
سمسمه ـ فشر !
ميزو ـ فوقي لنفسك .. العمر بيجري ..
سمسمه ـ أنا مصرة على رأيي
ميزو ـ يعني إيه ؟
سمسمه ـ يعني اقطع معايا
ميزو ـ بعد كل السنين دي ؟! .. بعد كل الحب ده ؟!!
سمسمه ـ بلاش تراجيديا من فضلك
ميزو ـ ماشي .. بس قبل ما أمشي عاوز أسألك سؤال واحد بس ..
سمسمه ـ إيه هو ؟
ميزو ـ تراجيديا دي تبقى شتيمة ؟


*****

( بعد سنوات ) ..

ميزو ـ تتجوشيني ؟
سمسمه ـ إيه ؟
ميزو ـ تتجوشييينييييييي ؟
سمسمه ـ إنت مين ؟
ميزو ـ أنا حبيبك يا هبلة .. البشي النضارة عشان تشوفيني
سمسمه ـ طيب شاعدني عشان ألاقي النضارة
ميزو ـ آهي على الترابيزة قدامك
سمسمه ـ فين ؟!!
ميزو ـ لا دي نظارتي أنا
سمسمه ـ أيوة لقيتها ..
ميزو ـ البشيها بقة
سمسمه ـ ططييبب
ميزو ـ عينيكي فوق شوية يا سماسم .. ده بقك ..
سمسمه ـ طيب لبشهالي إنت
ميزو ـ عقبال ما البشك الدبلة
سمسمه ـ ما تكشفنيش يا ميشو بقي .. كنت بتقول إيه بقى ؟
ميزو ـ كنت بقول تتجوشششيييينيييييي ؟
سمسمه ـ أكوشك ؟ .. إزاي ؟
ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه دي شتيمة ؟
ميزو لاااااء .. بقولك تتجوشيني ؟
سمسمه ـ آه !! .. أجوشك
ميزو ـ بالضااااابط .. هاه ؟
سمسمه ـ شيبني أفكر
ميزو ـ أشيبك تفكري ؟! .. ده انت هتموتي خلاش !
سمسمه ـ لا .. شيبني أفكر بش
ميزو ـ ربنا يوفقك
سمسمه ـ إيه ؟
ميزو ـ ربنا يوفقك
سمسمه ـ بتقول إيه ؟
ميزو ـ ربنا ياخدك


*****

(على فراش الموت) :

ميزو ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ .. كوح كوح .. يني ؟
سمسمه ـ مش شامعة
ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
سمسمه ـ أجوش مين ؟!!!
ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
سمسمه ـ إيه ؟ ..
ميزو ـ لا .. كوح .. أبدًا .. كوح .. كنت … كح كح .. بأكح
سمسمه ـ كنت بتكح ؟!!!! .. شلامتك .. ما قلتليش ليه ؟
ميزو ـ هو .. كوح .. إنتي .. لشة .. عارفـ .. ـة .. كوح كوح
سمسمه ـ بتقول إيه ؟
ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
سمسمه ـ أجوشك ؟!! .. طب بش خد الدوا الأول
ميزو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
سمسمه ـ أيوة يا حاج .. موافقة .. موافقة إنك تتكوشني ..
ميزو ـ أخيـ….كوح كوح ..راااااً !! .. كوح كوح .. كدة أموت .. كوح ..
كوح .. وأنا .. كوح .. مطمئن ومرتاح .. الودااا .. كوح ..ع ع ع ع
سمسمه ـ يا حاج .. يا حاج ..
لاااااااااااااااااااااااا ااااا !!
******************************
يـاطـالـب الـبـنـت أطـلـبـها مـن راجـل
إن غلطه يوم أو مالت ترد على الراجل
أوعاك تحط إيدك فى إيد خسيس مش راجل
لو جبته يحكم مابينكوا حكمه ماهوش عادل
قالـوها أهل زمان دى حـكمه متأصلـه
قالوا الرجوله أدب على العلم متفضله
وعمر قليل الأصل مايطلع فى يوم راجل
وعجبي



رد مع إقتباس
Sponsored Links
بياناتي
 رقم المشاركة : ( 2 )
minabobos
ارثوذكسي ذهبي
رقم العضوية : 2197
تاريخ التسجيل : Sep 2007
مكان الإقامة : فـــ قلب بابا يسوع ـــــ
عدد المشاركات : 9,794
عدد النقاط : 21

minabobos غير متواجد حالياً

افتراضي

كُتب : [ 01-09-2008 - 01:19 AM ]


موضوع هايل يا منى
ربنا يبارك حياتك


رد مع إقتباس
بياناتي
 رقم المشاركة : ( 3 )
جرجس رمزي
ارثوذكسي متألق
رقم العضوية : 10572
تاريخ التسجيل : Dec 2007
مكان الإقامة :
عدد المشاركات : 709
عدد النقاط : 10

جرجس رمزي غير متواجد حالياً

افتراضي

كُتب : [ 01-11-2008 - 11:41 PM ]


هههههههههههههههههه موضوعك حلو ومضحك
بس له هدف حلو أوووووووووووووووووووووووو ووي
شكراا جدا جدااااااااااااااااااااااا ااااااااااااااااااااااااا اااا


رد مع إقتباس
بياناتي
 رقم المشاركة : ( 4 )
منى ارسانيوس
ارثوذكسي صانع
رقم العضوية : 762
تاريخ التسجيل : Jun 2007
مكان الإقامة :
عدد المشاركات : 472
عدد النقاط : 10

منى ارسانيوس غير متواجد حالياً

افتراضي رد: حكـايـة جـــواز

كُتب : [ 02-05-2008 - 11:18 PM ]


شكرا جدا لمروركم


رد مع إقتباس
بياناتي
 رقم المشاركة : ( 5 )
شربل
ارثوذكسي متقدم
رقم العضوية : 1567
تاريخ التسجيل : Aug 2007
مكان الإقامة :
عدد المشاركات : 315
عدد النقاط : 10

شربل غير متواجد حالياً

افتراضي رد: حكـايـة جـــواز

كُتب : [ 02-06-2008 - 05:43 PM ]


يـاطـالـب الـبـنـت أطـلـبـها مـن راجـل
إن غلطه يوم أو مالت ترد على الراجل
أوعاك تحط إيدك فى إيد خسيس مش راجل
لو جبته يحكم مابينكوا حكمه ماهوش عادل
قالـوها أهل زمان دى حـكمه متأصلـه
قالوا الرجوله أدب على العلم متفضله
وعمر قليل الأصل مايطلع فى يوم راجل
وعجبي

حكمه جميله اووى عجبتنى جدااااااا
ربنا يباركك

رد مع إقتباس
بياناتي
 رقم المشاركة : ( 6 )
اللة يرعانى
ربنا موجود
رقم العضوية : 161
تاريخ التسجيل : May 2007
مكان الإقامة :
عدد المشاركات : 8,210
عدد النقاط : 10

اللة يرعانى غير متواجد حالياً

افتراضي رد: حكـايـة جـــواز

كُتب : [ 02-06-2008 - 07:27 PM ]


موضوع جميل اوى وقصة حلو وليها هدف شكرا ليكى


رد مع إقتباس
بياناتي
 رقم المشاركة : ( 7 )
Team Work®
ارثوذكسي ذهبي
رقم العضوية : 2
تاريخ التسجيل : Oct 2008
مكان الإقامة :
عدد المشاركات : 15,720
عدد النقاط : 34

Team Work® غير متواجد حالياً

افتراضي رد: حكـايـة جـــواز

كُتب : [ 02-07-2008 - 12:42 PM ]


ههههههههههههههه

لا تعليق


رد مع إقتباس
بياناتي
 رقم المشاركة : ( 8 )
maro2
ارثوذكسي شغال
رقم العضوية : 14642
تاريخ التسجيل : Feb 2008
مكان الإقامة :
عدد المشاركات : 68
عدد النقاط : 10

maro2 غير متواجد حالياً

افتراضي رد: حكـايـة جـــواز

كُتب : [ 02-08-2008 - 10:11 PM ]


ههههههههههههههههه
قصه جميله اوى
مرسى كتييييييييييير ليكى(منى)


رد مع إقتباس
بياناتي
 رقم المشاركة : ( 9 )
فله
ارثوذكسي متقدم
رقم العضوية : 11272
تاريخ التسجيل : Jan 2008
مكان الإقامة :
عدد المشاركات : 243
عدد النقاط : 10

فله غير متواجد حالياً

افتراضي رد: حكـايـة جـــواز

كُتب : [ 02-08-2008 - 10:15 PM ]


هههههههههههه
حلوه يا ميزووووووووو


رد مع إقتباس
بياناتي
 رقم المشاركة : ( 10 )
nrmo
ارثوذكسي برونزى
رقم العضوية : 655
تاريخ التسجيل : Jun 2007
مكان الإقامة :
عدد المشاركات : 3,151
عدد النقاط : 10

nrmo غير متواجد حالياً

افتراضي رد: حكـايـة جـــواز

كُتب : [ 02-08-2008 - 10:42 PM ]


هههههههههههههههههههه
ميرسى جدا على الموضوع الجميل ده


رد مع إقتباس

اضافة رد

مواقع النشر (المفضلة)

الكلمات الدلالية (Tags)
!!!!, ., love, شباب, شكرا, ده, بابا, بتقولها, حبيبته, حاجة, حلو, اسمه, الدنيا, الحب, الجميل, العالم, العمر, العمل, الزمالك, السنين, الموضوع, الموت, اللازم, اوى, رد, ربنا, رأيك, جدا, جميل, جميلة, أفراح, عشان, على, سؤال, سنوات, سنين, تبقى, تعليق, size, معايا, موضوع, قالوا, لازم, للشباب, لنفسك, هدف, واحد, وانت, كبير, فيها

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 10:59 AM.