[SAMOOOOO]

عندى سؤال تانى ياريت نتناقش فيه

هو ان ايه ذنب يهوذا انه يخون المسيح رفم ان يسوع حزره وقاله

وكمان ايه ذنبه ان يشيل هو الخطيه فى خيانه يسوع؟

وليه ربنا اختاره بالذات ان يخون يسوع؟

وكان لازم يهوذا بالتحديد ان يخون يسوع ؟ ولا كان ممكن اى حد غيره ؟

وهل يهوذا لو عرف بعدين انه حصل كده اعتقد مكانش هيعمل كده؟

ياريت بجد نتناقش فيه الموضوع ده
عاوز اعرف الاجابه

المصدر: †† ارثوذكس †† - من قسم: سؤال وجواب

[aymonded]

عندى سؤال تانى ياريت نتناقش فيه
هو إن إيه ذنب يهوذا انه يخون المسيح رغم أن يسوع حذره وقاله
وكمان إيه ذنبه أنه يشيل هو الخطية في خيانة يسوع؟
وليه ربنا اختاره بالذات أن يخون يسوع؟
وكان لازم يهوذا بالتحديد أن يخون يسوع ؟ ولا كان ممكن أي حد غيره ؟
وهل يهوذا لو عرف بعدين انه حصل كده اعتقد مكانش هيعمل كده؟
يا ريت بجد نتناقش فيه الموضوع ده
عاوز اعرف الإجابة

سلام لنفسك يا محبوب ربنا يسوع والقديسين
* أولاً ذنب يهوذا أنه بحرية إرادته خان يسوع
وهو شال الخطية لأنه أختارها بكامل حريته والكتاب المقدس وضح أنه كان في حالة من الطمع في المال ...
ومكتوب :
لان محبة المال اصل لكل الشرور الذي إذ ابتغاه قوم ضلوا عن الإيمان و طعنوا أنفسهم بأوجاع كثيرة (1تي 6 : 10)
لتكن سيرتكم خالية من محبة المال كونوا مكتفين بما عندكم لأنه قال لا أهملك و لا أتركك (عب 13 : 5)

* ومش كان لازم يهوذا بالتحديد بس هذا ما قد حدث ...

والسؤال : وهل يهوذا لو عرف بعدين انه حصل كده اعتقد مكانش هيعمل كده؟

* إزاي نعرف إجابته ونفرض أنه مش ها يعمل كده ، لا نقدر أن نعرف ماذا سيحدث لو يهوذا أدرك خطأه أو لو مش كان مضى وخنق نفسه !!!

أقبل مني كل تقدير بمحبة
النعمة معك

[sohier]

ردك مش مقنع خلص ياريت تقراء في الموضوع دة كتير يا ايمن وميكنش ردك من الانجيل بس علشان احنا قراءنا كذا مرة لكن مش مقتنعة لاني انا كمان متعطفة جدا مع يهوذا والنهاية الماساوية بتعتة بس اكيد ربنا كان عندة حل تاني غير كدة ياريت ترد علية يا ايمن علي الاميل بتاعي

[aymonded]

المشاركة الأصلية كتبت بواسطة sohier ردك مش مقنع خلص ياريت تقراء في الموضوع دة كتير يا ايمن وميكنش ردك من الانجيل بس علشان احنا قراءنا كذا مرة لكن مش مقتنعة لاني انا كمان متعطفة جدا مع يهوذا والنهاية الماساوية بتعتة بس اكيد ربنا كان عندة حل تاني غير كدة ياريت ترد علية يا ايمن علي الاميل بتاعي

أزاي مش يكون ردي من الأنجيل فقط ويهوذا لم يذكر غير في الأنجيل ، ده رقم واحد !!!
رقم اتنين ازاي نفكر في أن الله ظالم وهو الذي غفر لصالبية !!!
وهل الله يحرك الإنسان كيف ما شاء !!!
وهل الله لا يتعاطف مع البشر ويحاول أن يرحمهم بكل الطرق !!!
لماذا دائماً نظلم الله في تفكيرنا ، وابسط الأمور لماذا الله لا ينتقم من الملحدين والمجدفين على أسمه العظيم لو كان الله ظالم ولا يتعاطف مع الإنسان !!!
ومن اين تعلمين أن الله عنده حل تاني مع أن هذا هو اختيار يهوذا الحرّ !!! وهل تعلمين كل حلول الله !!!
أشير عليكي أن تقرأي الكتاب المقدس بنظرة أعمق وأشمل من مجرد تعاطف انفعالي عاطفي وأن تتعرفي على الله كشخص حي وحضور محيي لا من أجل موضوع يهوذا إنما لمعرفته معرفة شخصية على مستوى عمله في داخل القلب ...
وأنظري لمراحم الله مع كل البشر في إطار عمله الشامل ، لأننا كثيراً ما نحكم من منطلق رؤيتنا الشخصية فقط ، والتي دائماً ما تفتقر للحكمة والمعرفة ...

أقبلي مني كل احترام وتقدير يا محبوبة الله ، النعمة معك كل حين

[بنت الراعي]

كلام الاستاذ ايمن طبعا صح
بس عايزه اقولك حاجه يا سامو
ربنا مااخترش يهوذا بالذات للمهمه دي بالعكس ده يهوذا هو اللي
اختار لنفسه ده زي ماقال الاستاذ ايمن بكامل ارادته وحده
ورغم كده كان ممكن ربنا يقبله زي ماقبل توبة بطرس الرسول بس هو ماتابش ده قطع الامل والرحمه في ربنا وانتحر وكمان ربنا حذره مش لانه لازم لا لان معرفة الله الغير محدوده لا تتدخل في ارادة الانسان المحدوده
ميرسي ليك يا سامو وشكرا استاذ ايمن علي التوضيح

[love is the key]

بعد الكلام الكبير دا مقدرش اقول حاجة

بس ان سمحتولى اضيف نقطه ... ان القصة مثل ما الانسان يخطى
هناك من ياتى الي الشيطان ويجربه فينثاق له وهناك من يبتعد عن افكار الشيطان
والدليل على ان يهوذا لم يكن قابل للمسيح رغم انه كان مع الرسل في كل وقت
ان وقت ما غسل المسيح ارل التلاميذ قال لهم انتم الان طاهرين ولكن ليس كلكم
لان يهوذا كان يفكر في الخيانه وسمح لفكر الشيطان ان يدخله
ايضا هو الحال مع بطرس ... ولكن
الفرق هنا ان معلمنا بطرس طرد الشيطان وندم .. ام يهوذا مضى حزين وشنق نفسه


اذكروني في صلواتكم

[SAMOOOOO]

شكرا لكلامك يا استاذ ايمن انت وبنت الراعى و لفزاكيى

يعنى يهوذا مكنش معروف انه هو اللى هيخون المسيح قبل ما يتولد ؟

[aymonded]

سلام لنفسك يا محبوب ربنا يسوع
كل شيء عريان ومكشوف أمام الله ، ولكن الله لا يكتب للإنسان مصير بمعنى أنه يحركه نحو أي اتجاه ، بل أعطاه الحرية الكاملة وأن يختار بين حياتين يا إما الحياة يا الموت ، ولكن فكرنا لا يقدر أن يستوعب كيف يعرف الله كل الأشياء وينطق بها ويكشفها ، وفي نفس الوقت يكشف عن مصير إنسان سيضل أو يتوه عن طريق الحق ويهلك ـ وفي نفس الوقت تربكنا كيف يكون الإنسان حرّ له الاختيار والله يكشف أنه مقيد بشرّ !!!

مش معنى أن النبوات كشفت عن خيانة ستحدث من يهوذا يبقى الله عينه من قبل أن يولد أن يكون سبب الخيانة وتسليم يسوع للموت !!!

الخلط الحادث عندنا بسبب قدرة الله المتسعة ومحدودية فكرنا وطبعنا الإنساني الضعيف ...

أقبل مني كل تقدير بمحبة
النعمة معك

[بنت الراعي]

طبعا كان معروف يا سامو لكن
معرفة الله السابقه للحدث لا تتدخل مع ارادة الانسان
يعني ربنا كان عارف بس مش هو فرض عليه يعمل كده
ومع محبته حاول يحذره اثناء الفصح لكن يهوذا ما سمعش غير لصوت الشيطان والمال بس
يعني هو اللي اختار لنفسه ده
ميرسي ليك يا سامو ويارب اكون وضحت الجزء ده ليك ولو في حاجه غلط اكيد استاذ ايمن هايرد

[بنت الراعي]

يا سلام اهه استاذ ايمن رد الحمد لله
بس انا ما شوفتش الرد غير بعد ماكتبت
الرد بتاعي
ميرسي استاذ ايمن وربنا يعوضك