أسمى : احب احتفظ بيه لعدم البلبله
كنيسه : الانبا تكلا هيمانوت الحبشى باشمون
محافظه : المنوفيه - أشمون
الاباء الكهنه : ابونا أغاثون - أبونا هيمانوت
الموضوع : مشكله ممكن تقولوا كانت اول درجه فى انى اخرج من المسيحيه
حاليا : انا مسيحى قدام الكنيسه فقط لكن بعض الاصدقاء يعلمون انى لا انتمى الى الكنيسه غير بالظاهر كالاسم والصليب وهكذا وهذا موضوع وقت .
الحاله : شاب متزوج وعندى اولاد
القصه........
ابتدت لما كنت شماس فى الكنيسه وملتزم بالصلاه مع الراهب ابونا صرابامون البراموسى ولا يملئ قلبى غير المسيح الى ان غادر ابونا صرابامون البراموسى مذبح الانبا تكلا ليأتى ابونا اغاثون ثم ابونا هيمانوت .
من وقت ومن وموقف لاخر ابتديت اقل من ذهابى الى الكنيسه لحد ما وصلت لدرجه انى مش باروح غير فى المناسبات ( افراح - عزاء ) وهذا حالى من 4 الى 5 سنوات منهم 3 سنين لا اتناول ولا يدخل بيتنا اب كاهن من الاثنين غير لصلاه تبريك المنازل وهذا على بقيت جيرانى فى الشارع لست وحدى وعلى فكره انا مش هاقول انا انسان لست خاطئ لا انا كلى خطايا وهذا من البعد عن الكنيسه والافتقاد وعدم الاهتمام بالراعيه الانبا بنيامين يعرفنى ويعرف اسرتى كامله ليس لنا اى مشاكل مع الكنيسه او مع غيرها احنا اسره عاديه جدا بعدت عن الكنيسه درجه درجه لحد ما وصلت انها قربت تنسى انها مسيحيه ولا نعلم اى شئ فى الكتاب المقدس او عن حياه المسيح . الان انا مهتم بيبتى واولادى ومشروعى وناجح الحمد لله فقط يعنى انسان لا يعرف طريق الله مجرد شاب من اب ومن ام مسيحيه لهذا فهو مسيحى .
النتيجه :
ابتعدت عن المسيح لدرجه انى فقدت المسيح واتجهت الى طريق اخر ودين اخر لمجرد الاهتمام والشرح وفعلا انا عرفت كتير جدا فى الدين اللى هاسلكه اكتر ما كنت مسيحى وساعدنى فى كده اصدقائى واحبائى المهتمين بى وبعض من الاصدقاء يعلم انى عند ظروف معينه ومؤقته هاغادر المسيحيه انا وزوجتى واولادى .
ليه كتبت .....
1-
انا بحب كل المسيحين اللى فى اشمون واكيد الكل هايعرف انا مين اول لما يتم التغير وياريت محدش يزعل منى دى حياتى وحيات اسرتى واحنا اللى هنتحاسب عليها مش اى حد تانى وعمرى ما هاكون سبب لاى احراج لو هاسيب اشمون واعيش فى اى بلد تاني محدش يعرفنى فيها انا واسرتى
2-
تقولوا للدكتور عاطف والدكتور رافت الكنيسه خسرتكم بجد كانوا هما اصحاب الاهتمام والافتقاد والاقتراب من البعيد بدون مقابل او انتذار كلمه شكر من اى احد .وما يزعلوش منى .
3-
( ابونا اغاثون - ابونا هيمانوت ) ربنا يسامحكم
4-
الانبا بنيامين مش عارف بس اكيد انت فى صوره تانيه بتوصلك عن معامله بعض الكهنه
5-
علشان الخدام والكهنه يعرفوا ان اى انسان بيبعد عن الكنيسه سهل جدا ينسها
واخيرا
انا مش عايز حد يزعل منى وعارف ان فى ناس كتير هاتعلق بكلام مش كويس او البوست يتشال بحاله
بس صدقونى لما ابقى فى دين لو باطل وفاهموا وبيتنفذ احسن لما ابقى فى دين لا افقه فيه شئ
سلامى لكم جميعا انا مش هادخل تانى على الاكونت ده علشان محدش ينتظر منى اى رد على اى رساله .
ياريت لو هاتشيل البوست خد منه نسخه واديها للانبا بنيامين او سيبه لانه هايبقى امانه فى رقبتك لانى مش هاكتب الكلام ده تانى .
مشاهدة صفحة طباعة الموضوع
أرسل هذا الموضوع إلى صديق
مغادر طريق المسيح
العرض الشجري
