هتوب قبل مااموت
ده اصبح الشعار بتاعي بعد القصه اللي هحكيولكم عليها
فمره كنت راكب الميكروباص ورايح شغلي... وكنت جالس جنب السواق وفي واحد تاني شاب عنده تقريبا 28 او 30 في الحدود دي..وركب جنب مني واصبح هو بيني وبين السواق واول ماركب وانا نزلت وقلتله علشان انا نازل قريب فانا هركب جانب الشباك وانت جنب السواق قالي ماشي بس قبل ماتنزل صحيني علشان عايز انام قلتله ماشي تحت امرك
وراح في النوم وبعديها بشويه قبل المكان اللي هنزل فيه فضلت اصحي فيه قوم ياكابتن قوم ياعم وهو ابداا رايح في النوم تماما ....
فقلت للسواق ابقى صحيه وانا بقى نزلني عايز اروح شغلي وضحكت ومشيت...
وتاني يوم ولحسن الحظ ركبت مع نفس السواق وقلتله ايه عملت ايه مع صاحبنا اللي كان نايم ده ......وفضلت اتريق عليه واقول ده كان عامل كده وكده...
فقالي اللي كان نايم ده ماكنش نايم ده كان
مات
وشوفنا بطقته ووصلنا لغايه بيته وافن امبارح
طبعاا انا وانا بسمع الكلام ده وكأني جبل واتحط على دماغي ده غير الدموع
معلش شويه نكد بس هي دي حقيقه (البني ادمين) كلمه السواق او حقيقه الانسان وعمره على الارض
وطلعت بالقصه اللي شفتها دي بضروره التوبه وماحدش عارف هيموت امتى وازاي وفين ده انا ممكن وانا بكتب الموضوع ممكن اموت او وانا بشوف ردودكم او...او... المهم اني هموت هموت وفي اي وقت بس الاهم اني افضل مستعد وجاهز في اي وقت وياريت انتم كمان تكونوا مستعدين...
واصبح شعاري هموت قبل مااموت..
وانتم كمان كده ولا ليكم راي تاني
مشاهدة صفحة طباعة الموضوع
أرسل هذا الموضوع إلى صديق
هاتوب قبل ما اموت قصة منقولة
المواضيع المتشابهه
العرض الشجري