ربنا بيقول يا ابنى اعطنى قلبك ، قلبك اهم من جهدك ، و اهم من ارادتك ، المهم ان القلب يتجه لله ومهما كان العمل صغيراً فهو مقبول عند الله لانه بيتعمل بقلب
انت ربنا لايطالبك بالكثير ، انما يطالبك بالقلب ، بالعمق ، بالحب
من عمق القلب ، من عمق العاطفة ، من عمق الايمان ، من عمق الثقة ، من عمق التعب اللى انا فيه !
عايز تصل للكمال ؟؟ اعطى عمقاً لربنا ،، اعطيله عمق الفكر وانت بتتأمل وانت بتصلى ..
اعطيله عمق القلب وانت بتقدم عواطفك لربنا ..
صدقونى عمل واحد ساعات بيصل بيه الانسان للملكوت ان كان من العُمق ودليل على الحب العظيم اللى فى القلب ..
ياريت يكون ليك عمق فى الكلام ، عمق فى الحب ، عمق فى الخدمة ، عمق فى العبادة ، عمق فى الفهم ،،، لاتكن سطحيا فى حياتك !!
ادخل الى الاعماق ..