[نيرو12]

بتحب ؟ اه بحب
بتحب مين ؟ بحب البنت كتكوتة
هى عندها كام سنة ؟22
وهى بتحبك ؟ اسكت يابنى دى بتموت فى دباديبى
ازاى؟ كل ما بتشوفنى تقولى بحبك
كده على طول ؟ طبعا صحبك روش برضه
لا ماهو باين
اهلها يعرفوا ؟ لا طبعا
ليه ؟ ممممممممممم مش عارف
يمكن علشان كده غلط ؟ لا طبعا
طيب ليه ؟ جهل بعيد عنك
طيب واخرتها ؟ اخرة ايه
اخرة الحب ده ؟ ادينا بنتسلا
بتتسلا ؟ ايوة
يعنى مش ناوى تتجوزها ؟ هههههه اتجوز مين يا عم انا لاقى اكل
طيب بتحبها ليه ؟ مش عارف انا بحبها اه لكن جواز لا
ليه ؟ يمكن علشان لسة بدرى وصعب اكون اسرة دلوقتى
طيب بتحبها ليه ؟ يابنى اصل انتا مش فاهم طالما دخلت الجامعة لازم يبقى عندك الجيرل فرند بتعتك
وده مهم ؟ طبعا لاننا لازم نواكب العصر ونعيش اللحظة
طيب مانتا كده ممكن تحطم البنت وتصدمها ؟ ايه يا عم الدراما دى لا مش كده خالص
طيب ازاى ؟ هو يومين وهتنسى وانا هقولها ان غصب عنى
غصب عنك ازاى ؟ ماهو انا حتى لو رحت اتقدملها اهلها مش هيوافقوا غير لما اغلص دراسة واشتغل وخلنى بقى حد لاقى شغل اليومين دول
يعنى انتا بتحبها وممكن تسبها فى اى وقت من غير ما تعمل حساب لمشاعرها ؟
مانا قلتلك يومين وهتنسى وهى هتتجوز وخلاص
بس دا ميمنعش انك هتجرحها ؟ اجرح مين ياعم الدنيا كلها كده هو انتا هتصلح الكون
عندك حق انا مش هصلح الكون ؟ سلام بقى علشان البنت بتعتى جاية اهى
اتفضل وربنا موجود


هو ده حب شباب الجامعات
اختى انتى غالية جدا عند ربنا فمترخصيش نفسك مع واحد كل همه انه عاوز يتسلى
خليك غالية فى نظرك واوعى تنساقى خلف كلام ليس له اى فائدة
فكرى ان الشاب ده
اولا بيحبنى ليه ؟
واخرة الحب ؟
وهل هو جاد؟
بدل من ان تندمى على كل لحظة قضيتيها مع شاب مستهتر لا يعرف شيى عن المسؤلية
وستكونى انتى الخاسرة الوحيد فى وقت لن يفيد فيه ندم

المصدر: †† ارثوذكس †† - من قسم: الموضوعات الشبابية

[Shosei]

صح جداااااااااااااا لازم تفكر الف مرة نشكر ربنا ايام المعهد مكنتش بعبر حد ولا ادى فرصة انى حد يكلمنى اصلا

[بنت الراهب الصامت]

انا كمان رائى ان مش اى حد يقوللك كلمه حلوه تصدقيه او حتى بيقولك بحبك لان مفيش حب حقيقى الا للمتزوجين لكن حب الجامعه ده لعب عيال وكل بنت لازم تـخد بالها كويس انه حب تسالى وربنا يسترها

[cat girl]

كتكوته دى انا ؟ هههههههههههه . طيب بتحبها ليه ؟ يابنى اصل انتا مش فاهم طالما دخلت الجامعة لازم يبقى عندك الجيرل فرند بتعتك.....والله انا اعرف ناس عايشه من غير حب ولا حاجه وعايشه والحمدلله . قولى يا رب وخليكى مع الله

[SAMOOOOO]

حب الجامعه اغلبه تسليه فعلا
لان الولد مش بيكون ناضج ولا حتى حاسس بالمسئوليه

ربنا يحافظ عليكم

[kemo]

أنتوا عندكم حق فى كل كلمة أنتوا قولتوها .. الحياة مع المسيح أفضل شىء ............

[kamer14]

موضوع مهم فعلا بس لسة بدرى على الجامحه

[نيرو12]

شكرا على الاضفات الجميله وميرسى لمروركم
جدااااااااااااااااااااااا اااااااااااااااااااااااا

[lolaemo]

موضوع جميل وصح طبعا مفيش حب فى السن الصغير خالص مش بيبقى حب

[روفــــا]

هو الحب موجود فى كل وقت ولاى حد بس اللى يكون بصدق واللى بيحب بيكون عارف معنى الحب ويكون عارف انه جاهز لمسئولية زى دى يبقى ميمنعش انه يحب
موضوع جميل ورائع