[mjhoba]

انا خلصت بكالريوس ومرتبط بقالى 3 سنين وبحبها اوى وهى بتحبنى اوى ومش شايف غيرها وانا لسه قدامى جيش وعاوز اشتغل شغلانة حلوة الكلام ده هياخد وقت عشان اتقدملها وانا محترم وانا بصراحة عاوز اسالكوا هى بيجيلها عرسان وبتحصل مشاكل ان هى بترفض انا اعمل ايه وهى تعمل ايه واحنا لسه قدامنا شوية عقبال لما اتقدم اعمل اييييييييييه انا مش بايدى اى حاجة ولا هى مش عارف بجد حد يقولى يساعدنى

المصدر: †† ارثوذكس †† - من قسم: الموضوعات الشبابية

[modo]

بص انا معرفش اوي في الحاجات دي بس هاقول رايي

طيب هو مينفعش حد يساعدكو يعني والدها او والدك؟

انت قولت ان انت بتحبها ومش تقدر تسيبها بس مش ترضي ان يحصلها مشاكل بسببك يعني انت قدامك سنة جيش و حوالي تلات نين عشان تشتغل وتجيب فلوس ومكن اكتر فمتعلقهاش معاك وربنا لو عايز الموضوع دة يكمل هايحل الموضوع و هيتدخل لو الحكاية فيها خير ليكو

اسفة طولت عليك

[menalouka]

لكل شئ تحت السماء وقت
وبعدين اللى بيسمح بيه ربنا فى السماء بيكون على الأرض
خلى إتكالك على ربنا
وسيب ربنا يتدخل ويتصرف

[نانا3]

بص انا مش عايزه ازعلك بس مش عايزه برضه اخدعك انا كان لى تجربه زى دى بالظبط بس كانت الظروف اقوى مننا والحياة كانت شديده علينا والبت ظروفها مش زى الولد وعريس ورا عريس وبترفض يبقى فيه سبب ويقعدوا يدورو على الاسباب والبنت بتتعب نفسيا وبتبقى محتا رة بين الطرفين حبيبها واهلها ولو كنت بتحبها متتدخلش الجيش واشتغل وكون فلوس واخطبها دلوقت واكيد ربنا هيقف معاك

[Shosei]

حاول تكلم حد من اهلها بااباها الافضل واشرح ظروفك خد خطوة ايجابية اكيد هيقدر ظروف الشباب

[ايفا نبيل رمزى]

انا في رايي انك تكلم حد من عندها ولتها مثلا او والدها وتشرح ظروفك واحوالك وبعدين انت ليه ماااشتغلتش من زمان ولو محدش موافق من عندها وانت مقدرتش تعملها حاجة بصلها كاخت مش حبيبة واعتبرها اختك ولو بتحبها بجد هتسيبها علي اسوء الظروف ربنا معاك ويديك وابقي طمنا عليك اتمني انك تكون مبسوط

[hany1982]

انا من رأييى لو انتوا فعلاً بتحبوا بعض ومتمسكين ببعض لأخر لحظه فلازم تتقدملها وأكيد أهلها لما يشوفوها مرتبطه بيك هيوافقوا ويحاولوا يساعدوك بس انتى المفروض يكون عندك الجديه فى الموضوع وتطلب من ربنا يساعدك ويرشدك وهى كمان وربنا معاكوا

[مريم2009]

انا مش عارفه اقول ايه ...بس ممكن تحكي لاب الاعتراف وهو يقولك الحل
وصلي من قلبك...... واذكرني في صلاتك

[...The Queen]

أنا عايزة أقولك أنى كنت فى نفس الموقف بالظبط بس لما هو أتقدملى وأهلى شافوا مدى تمسكى بيه أضطروا يوافقوا وهو كمان كان جد جدا وبذل أقصى ماعنده واشكر ربنا دلوقتى كل الأمور هديت وفرحنا بعد أسبوعين صدقنى لو أجتهدت ربنا مش هيسيبكوا أبدا بسأهم حاجة أنك تكلم اللى عندها فى البيت عشان على الأقل تثبت حسن النيه وكمان متكنش هيه قدام أهلها لوحدها ربنا يوفقكم وبجد هصلى عشانكم لأنى حاسه باللى أنتوا فيه أوى وثق تماما أن "ماجمعه الله لايفرقه إنسان "