انا جايبلكم أكلة تانى .. وربنا يستر بقى ..!!!
احنا طبعآ مش بنأكل لحمة وفراخ كل يوم أكيد مش ممكن
أكيد فى يوم أو يومين فى الإسبوع بنريح على الاقل حتى الاربع والجمعة كدة كدة صيام
المهم بقى :
أكلة النهاردة قرص بيض باللحمة المفرومة
المقادير :
1- ربع كيلو لحمة مفرومة او اقل
2- بصلة صغير مفرومة
3- بقدونس وشبت مخروط ناعم
4- ملعقتين عصير طماطم
5- ملح وفلفل .. وتوابل اخرى تناسم اللحمة اذا حبيبتى
هنجيب بصلة صغيرة ونبشرها ونشوحها على النار فى سمن تدى لون اصفر فاتح اوعى تقليها يا بنتى منك ليها لأ مجرد تقلبتين لمدة دقيقتين وبعدين نضيف عليها اللحمة المفرومة حتة صغيرة وليكن أقل من ربع كيلو ونشوحها حلو مع البصلة لحد ما تستوى ومعاها ملح وفلفل اسود وتوابل اللحمة اللى بتحبيها ولما تستوى حطى ملعقتين عصير طماطم ولما تنشف حطى بقدونس وشبت مخروط ناعم ولما تنشف برضوا اطفى بقى
وهاتى وعاء واكسرى البيض واضربية بشوكة وليكن مثلآ 5 او 6 بيضات اضربى البيض كويس وحطية على اللحمة بعد ما تبرد خالص وقلبى كويس .. وهاتى صينية وادهنيها سمن او زيت ابيض وحطى الخلطة بتاعتك ودخليها الفرن على نار متوسطة من فوق ومن تحت لمدة 10 او 15 دقيقة بالكتير تابعيها لحد ما تلاقى الوش احمر وبالهناء والشفاء
ومعاها طبعآ خيار وطماطم وجرجير . يلا جربوا وقوليلى
قرص بيض باللحمة
المواضيع المتشابهه
العرض الشجري