[zaza2006]

غريبةالناس كل الناس

وراء كل وش بتلس من تانى وش

ويقولة وش خشب وش حديد والف وش وش

وش فية رتوش واحسايس مبيزهروش

وحاجات لو تعيش او تموت مبيفرقوش

معك ومعايا شى والحقيقة شى عجيب

ازى القلب الى يحب يتولد الكرة فية

وازى رغم الوداعة نخفى بركان غضب

ولما نفرح نطير فى السماء لفوق السحاب

وفى لحظة الحزن يكسرنا ونستخبا وراء الف باب وباب

والغريب والعجيب نرجع وننسا الى كان ولا كانة كان

نرسم بسمة وضحكتنا تعلا تكسر ببان

ونزين وشوشنا ونرجع نلبس وش الانسان

غريبة الناس كل الناس

وراء كل وش فى الف وش وللحقيقة متعرفش

مساء الفل على احلى اعضاء

ده ميعاد اللقاء الثامن لبرنامج الوجه الاخر

حلقة النهاردة حلقة جميلة مبطلتش فيها ضحك

هو بجد شخصية جميلة وعاقل جدا ومثقف جدا

ومن اول الاعضاء اللى شدت انتباهي فالمنتدى فبداية دخولى

العضو

elphilasouf

اسم على مسمى

اهلا وسهلا بيك يا جورج منور برنامجنا المتواضع نحب فالبداية نتعرف عليك اكتر

الوجه الاخر: الاسم؟

جورج:جورج نبيل

الوجه الاخر: سنك؟





جورج: 20 سنه من يدوبك كام يوم

الوجه الاخر: كل سنة وانت طيب يا جميل

وياترى ايه هى هوايتك؟

جورج:بحب الكومبيوتر ( في أعمال المونتاج والتصميمات ع اد ماقدر يعني ) والانترنت ( ارثوذكس ) والبال الرايق و القراءه ( في العلوم الدينيه والكهربا و الرويات الي ليها معاني ... ) واحب أتفرج ع أفلام الأنمي المدبلجه بالعاميه المصريه ...... ممممم وحاجات كتير كفايا كده







الوجه الاخر: ايه هو مؤهلك؟





جورج:ههههههههههههههههههه يادي النيله

ابرنتيه لسا طازه حته هو بيعادل دبلوم صنايع

الوجه الاخر: هههههه يا عينى كلنا لها

لو طلبنا منك امنية تقولنا ايه؟

جورج:طيب طيب نقول

ادوق ربنا وأقول مع داوود ذوقو وأنظروا ما أطيب الرب

الوجه الاخر: مين مثل جورج الاعلي؟





جورج:هما كتير بس انا بحب أتعلم الحاجات الكويسه من الناس عمتا ..

الوجه الاخر: ايه هى صفات شخصية جورج؟





جورج:قولوا هادي .. واني شايف اني مجنون

متهور ..... حكيم سعات ... منفعل جدا سعات

الوجه الاخر: ايه هي صفات شريكة حياتك؟





جورج:تكون متوافقه معايا في النواحي الروحيه والجسديه والنفسيه والاجتماعيه والفكريه و كل ما اخره يه

الوجه الاخر: ايه هو الحلم اللى كان نفسك تحققه وفشلت؟





جورج:مفيش حاجه أسمها مستحيل بعد خبر موبنيل

الوجه الاخر: هههههههه ياربى على اللماضة

هل انت شايف انك ليك اكتر من وجه؟

جورج:كنت حاسس ان ليا وش ع النت دمه خفيف ورغاي و حكيم ومتزن و فله يعني ... و وش خارجي عكسه خالص دمه تقيل و صامت و كسوفه ... لكن دلوقتي حاسس ان الاتنين واحد

او ممكن نقول النت أظهر فيا صفات جديده

الوجه الاخر: ايه الكلمة اللى نفسك تحذفها من قامو س حياتك؟





جورج:انا ممكن أحزف القاموس كله واسيب كلمه الحب

الوجه الاخر:جورج ديما مبتسم وبيضحك هل هو ده فعلا اللى جواك ولا جواك شىء تانى؟؟


جورج:لا في الغالب لما ميكونش عليا ضغط بكون مبتسم وبضحك وبهزر

الوجه الاخر: جورج مفتقد شخص فحياتك وياترى مين الشخص ده؟





جورج:حقيقي مفتقد ناس كتير بس بعرف أتعود ع الحياه من غيرهم

الوجه الاخر: ايه اكتر نصيحة جورج بيعمل بيها فى حياته؟





جورج:بحاول أنظم وقتي كويس وابل ما اوعظ حد أكون واعظ نفسي الاول

الوجه الاخر: جورج انسان بشوش ودمه خفيف ايه اكتر موقف مضحك حصلك؟

؟





جورج:انا فاكر بقي انتي كمان

الوجه الاخر: تعال اضربنى قلمين ياض

ايه اكتر حاجة عملتها فحياتك تفتخر بيها؟؟

جورج:في حاجات كتير اوي بس انا معملتش حاجه ربنا بجد الى كان بيعمل

الوجه الاخر: فى حد فحياة جورج ندم انه عرفه وياترى ايه سبب ندمك؟



جورج:ههههههههههههههههه انا ندمان اني عرفت ناس كتير مش عشان هما ضروني عشان انا الى سببت ليهم ضرر ... بس يعني اهو الواحد اتعلم منهم كتير

الوجه الاخر: ايه هو حلمك الفترة اللى جايه؟





جورج:عاوز ازبط حياتي لفتره مابعد التخرج .. وأكمل درستي .. ولسا الجيش و.. والخدمه .. يييي شغلانه

الوجه الاخر: هل شعرت في يوم من الأيام أنك سبب في تعاسة شخص معين أو شخص انت بتحبه ؟؟





جورج:هههههههههه اه ياختي يالهوي عليكي

دي أسئله دي

الوجه الاخر: ايون مش عجبك ولا ايه

اذكر أهم 5 اشياء او اشخاص في حياتك ...؟

جورج:

الكنيسه
الصلاه
أهلي
اصدقائي
ارثوذكس

الوجه الاخر: لو حبيت تقول كلمة ل منتدنا تقول ايه؟؟





جورج:قول ارثوذكس أثر فيا كتير جداااااا يعني ممكن نقول عدل في حياتي حاجات كتير للاحسن

اقوله شكراا

الوجه الاخر: تقول ايه لبرنامجنا ؟



جورج:أقوله انت كنت فين انا مكنتش اعرفك.

انا كنت لسا بفكر في برنامج زيه عشان عاوز اعرف الاعضاء ببعض بس كويس طلع موجود

لاني حاسس ان اعضاء كتير مش عارفين بعض وانا حتي معرفش ناس كتير ومحتاجين نعمل تعارف بشكل أوسع .. بس ربنا يستر بقي

الوجه الاخر :ميرسى اوى ياجورج بجد حلقة جميلة جدا وانت شخصية جميلة وعاقلة اتمنى لك كل خير ونشوفك ديما مبسوط وتحقق كل احلامك

ولو اى عضو حابب يوجه سؤال ل جورج يتفضل وهو هيجاوب عليكم

الحلقة دى قربنا شوية من شخصية جورج انتظرونا الحلقة

القادمة مع عضو جديد نعرف عنه اكتر واكتر
اتمنى تكون الحلقة عجبتكم

لو اى عضو حابب يكون ضيف معانا فالبرنامج يبعتلنا رسالة

مع تحيات

zaza2006
magdy totti

المصدر: †† ارثوذكس †† - من قسم: الموضوعات الشبابية

[dodielpop]

بجد حلقة جميلة وفعلا اتعرفنا علي جورج اكتر

[miro_rook]

جورج تعرف انك من اسبب استمرار في ارثوذكس
لان روحك جميله جدا
وكمان الموقف الرخم اللي عملته معايا اول مره انزل فيها موضوع
ههههههههه

بس بجد انا بحب جورج
وكنت حلقه مش بطله
هههههههه

بس نفسي اسئلك سوال

انت من جالك فكره انك تسمي نفسك فيلسوف هل كان ليه علاقه بموقف؟

وبجد ربنا يعوض نهي ومجدي علي تعبهم في اعداد الحلقات الجميله

[princess marmora]

بجد بجد حلقه جميله اوي اوي وانا معرفش جورج لكن واضح انه شخصيه لذيذه اوي وميرسي لتعبك ومجهودك الرائع يا نها وربنا يعوضك يا قمر ,,

اذكرونا في صلواتكم

[MRAMER]

لالالالالالالالالالا
حلقة رائعة

تصدقي يا نهي اول ما لقيتك بتقولي انا مبطلتش ضحك في الحلقة دي قلت من قبل ما اقرا الاسم انه فيلو بجد
بس شخصية رائعة جدا جدا واحلي حاجة فيه انه طموح ومرح واجتماعي جدا جدا
ربنا معاه ويساعدة ويدبرله حياته
ويعوض تعب محبتك انتي يا قمر ومجدي

[كرستين صفوت]

كل سنه وانت طيب ياجورج وعبال 100 سنه.
انا الصراحه كنت فاكره انى فيلو شخصيه جاده لكن طلع غير كده خالص. ههههههههه. يعنى بقصد شخصيه متوازنه بيحب الضحك وكمان مثقف وجاد.بجد انا مبسوطه انى أتعرفت على فيلو أكتر وهو من الشخصيات المميزه فى أرثو. تحياتى ليك جورج ولنهى كمان.شكرا على تعبك.
سؤالى بقى لجورج . نفسك لما تخلص دراستك.تعمل ايه؟ تسافر بره مصر ولا قدامك شغل حابب تعمله و لاأيه؟؟؟؟؟؟؟؟؟؟

[كرستين صفوت]

كل سنه وانت طيب ياجورج. وعبال 1000000000000000سنه.
بصراحه فيلو شخصيه مؤثره فى أرثو خالص . وكنت فكراه جاد لأبعد الحدود لكن طلع شخصيه متوازنه بيحب الهزار ودمه خفيف وأكيد مثقف وعايش حايته صح صح.
سؤالى ليك جورج....... إن شاء الله لما تتخرج نفسك تشتغل ايه؟ وهل نفسك تسافر بره مصر؟ يلا ربنا معاك ويوفئك.شكرااا ليك وبجد كانت حلقه جميله.
وشكرا لنهى على تعبك.

[nermos1982]

جورج:كنت حاسس ان ليا وش ع النت دمه خفيف ورغاي و حكيم ومتزن و فله يعني ... و وش خارجي عكسه خالص دمه تقيل و صامت و كسوفه ... لكن دلوقتي حاسس ان الاتنين واحد

مين ده اللى بيتكسف ياد؟

[emmmy]

جورج لا مش ممكن اخيرا دى فرصتى الذهبية علشان اخلص طارى منك ازيك يا لماضة عامل اية
بجد حقيقى جورج من اروع شخصيات ارثوذكس حقيقى مرح ومتزن فى نفس الوقت مفيش حاجة بتغظنى منة غير لما اكلمة يقولى سعتك محسسنى اننا فى شركة مقاولات هنا

قولى بقى يا احلى لماضة
* مين اقرب شخصيات ليك هنا المنتدى ؟
* وفى حد انت مش بتحب تفكيرة ومش بتحب ترد على موضوعاتة اوعى تقول انا يا جورج هههههه دا انا اختك؟
* بتحب الاختلاط فى كنيستك وتحب لما تطلع رحلة او مؤتمر يبقى ولاد وبنات ولا ولاد بس ال يعنى بتنكسف ها انو احسن ؟


فى حاجة كمان اخيرة يا جورج انت بتقول
جورج:بحاول أنظم وقتي كويس وابل ما اوعظ حد أكون واعظ نفسي الاولاسمها وقبل يا جورج مش وابل ربنا يرزقك بنرمين هى اللى هتطلع فيك كل اللى بتعملة فيا انا لك يوم يا ظالم

[nermos1982]

وابل


ما هذه الكلمة يا اخ جورج؟ هل هو وابل من الرصاص ام وابل من ماذا؟
ولو تقصد ابل بتتكتب كده " قبل"
هى دى اخرة التعليم المجانى اللى مودينا فى داهية