[nona queen]

لسه ذى ما انا
آسفة يارب على العنوان اسفة على تظاهرى بالقوة والعنفوان اسفة على تضيعى لوقتك وانت بتسمعنى بحنان
بجد اسفة على كل اللى فات اسفة انى بفتكرك بس فى الازمات اسفة لان صلاتى كلها طلبات
سامحنى اسفة على وعودى كلها يارب اسفة ياريتنى نفذتها بجد اسفة على حياتى كلها
النهاردة يارب انا هطلب طلب كمان بس استن ده غير كل بتوع زمان
ده ضرورى تسمعنى فيه ده ضرورى تلبيه
عايزة يارب ارجع معاك عايزة اكون جنبك قدامك او وراك
عايزة تمسكنى مسكة قوية عايزة اكون مع الجنود السمائية عايزة اقرب واقرب ليك عايزة اشوفك فى وتشوفنى فيك
نفسى يارب امتلى بالروح نفسى اكون جنبك منين ماتروح
بجد نفسى ونفسى ونفسى سامعنى يارب ولا لسه زعلان
ولا انت مش مصدق انى حقيقى ندمان
يس جرب تجينى فى نفس العنوان هتلاقى شخص تانى غير اللى كان زمان
شخص محتاج بجد للرب الحنان
انا هستنى ومش هاتعب من الانتظار هاستنى تانى وتالت لغاية ما يتم الانتصار
على فكرة مش ناوية اقبل اى اعذار

المصدر: †† ارثوذكس †† - من قسم: التأملات الروحية والخواطر الفكرية

[نبيل نصيف جرجس]

محادثة قلب نادم يكلم ابية بكل ندم على كل ما نفعلة بجد جميلة اوى ربنا يباركك

[zaza2006]

بجد كلام جميل اوى ربنا يقبل توبتنا
ارحمنى يارب انا الخاطىء

[الناى الحزين]

النهاردة يارب انا هطلب طلب كمان بس استن ده غير كل بتوع زمان
ده ضرورى تسمعنى فيه ده ضرورى تلبيه
عايزة يارب ارجع معاك عايزة اكون جنبك قدامك او وراك
عايزة تمسكنى مسكة قوية عايزة اكون مع الجنود السمائية عايزة اقرب واقرب ليك عايزة اشوفك فى وتشوفنى فيك

شكرا يا نانا على الموضوع الجميل
ربنا يفرح قلبك

[nana222]

ميرسى على الموضوع الرائع جدا جدا
ربنا يعوض تعب محبتك

[nona queen]

ميرسى كتير لمروركم الجميل وكلامكم الرائع
ربنا يباركك فى محبتكم