[مادونا نبيل]

الست ماريا...... وامثالها الشعبية

كان فى مجنون فى ميدان عابدين .. ماريا راحت معاة مستشفى المجانين.. اول ما دخل المستشفى راح جرى على عنبر خمسة وعشرين .. وراح مطلع زمارة كبيرة بتعمل صوت طخين ..وقال لصحابة المجانين..انا جيت لكم يا حبايبى يا حلوين

ماريا بتبص فى العنبر لقت ناس بتصرخ بحرارة ..وتقول النهاردة هنحتفل بوسائل النقل الجبارة ..بقت ناس عاملة دور موتوسيكلات والى عامل بسكلتة والى عامل طيارة ..وناس واقفة فى طابور طويل وكل واحد ماسك صفارة ..ويقولوا وسع للقطر السريع الى مبيقفش فى اشارة ..واتنين واقفين فوق بعضيهم زى العمارة ..ويقولوا اصلنا عملنا صاروخ وهنطيرة بدوبارة ..ونطلع بية الماريخ ونلف هناك حارة حارة ..وماريا بتلف فى العنبر طلعلها المجنون صاحبنا ابو زمارة .. وقلها عنــــدك
لازم تتفرجى على اقوى افلام الاثارة ..ماريا بتبص لقت ناس لابسة لبس بحارة.. وقاعدين على دكة ويقولى هى دى سفينة تاتتنك الجبارة.. احنا هنعمل حفلة ونعزم فيها الفار والفارة والفرخة النقارة والديك الى بيدن فوق السحارة.. وواحد كان عمال يدلق مية عليهم وكأنهم فى هرم سقارة..وكل ما ماريا تسأل هى اية العبارة ؟؟ يطلعلها المجنون صاحبنا ابو زمارة ويقولها العبارة فى الشكارة

هو صحيح المنظر يخلى الواحد يفطس على نفسة من الضحك ويجيلة هيستريا.. لكن اكيد الست ماريا اتعلمت درس مية مية .. ان العقل دة من عند ربنا هدية .. لازم نشكرة علية باكر وعشية.. وننمية بالقراية المفيدة والهوايات المسلية

ماريا بقت تقول يا سلام يا ولاد دة العقل زينة وكمان وردة
وعلى راى المثل "الصحة تاج على رؤوس الاصحاء لا يراة الا المرضى"

المصدر: †† ارثوذكس †† - من قسم: الضحك والفرفشة

[شربل]

العقل زينه ربنا يسترها على عقلى قرب يطيرررررررررر
ههههههههههههههههههههههههه هههههههههه
موضوع فيه عبرة
ربنا يباركك
ربنا يباركك

[جانيت سمير]

ماشى يا مادونا
مالقتيش غير ماريا ماشى صدقينى لاخليها ترد عليكى

[bobosa]

ههههههههه بس دا مثل ولا زجل
على العموم هو موضوع جمييييييييييييييييل ورائع
ربنا يعوضك

[!! Coptic Lion !!]

موضوع رائع يا دونا
فيه معاني كبيره اوي
تستهالي عليه احلي تقيم

[واحدة من البنات]

حلو يا دونا ميرسى ياقمر