[MRAMER]

النوع الاول : أبجد هوز نت ... لسه بيزحف بيبى

ده بقى يا بنات تلاقوه اول مره يدخل منتدى اساسا يدخل ع التعارف هاى ازيكو انا اسمى فلان ومن المكان الفلانى وبدرس كذا وف جامعه كذا وتلاقيه ما صدق حد يعرف عنه حاجه بيقول على طول ولا كانها ماسوره معلومات واتكسرت ولم وراه بقى المعلومات ده بقى يا اما بيبقى سمع عن المنتديات والبنات اللى فيها يا اما بيجرب حظه وعاوز يتعلم بجد ويشارك ويناقش

النوع التانى : اللى بيقعد ع النت بس مش كتير ( عم المشغول )

ده بقى تلاقيه يدخل المنتدى يرد على توبيك ولا اتنين ويفضل ف المنتدى ساكت مايتحركش تبعتيله رساله فينه مش حد بيشوفه اون لاين ولا بيرد كتير ليه يقولك اصلى مش فاضى تصورى دا انا مش فاضى اهرش اساسا وياسلام لو جيتى تبعتى رساله عاوزاه يعمللك فيها عبده المهم ومايردش الا بعد يومين ويقوللك اسف كنت مشغول مش عرفت ارد .. ده بقى لو دخلتى كلمتيه ميل يقولك بعد شويه انا مش فاضى اكتب ايه رايك نكمل الكلام ف التليفون ده بقى يا تلاقيه مش حسيس ويلح انك تديهوله يا اما يقولك خلاص مش عاوزه حطينى ف التجاهل

النوع التالت : عم المقموص

اول ما تبعتيله لينك توبيك مش يرد تبعتيله رسايل مش يرد ولما ربنا ينتعه بالسلامه ويرد يقوللك انا زعلان وبيبقى حاطط ايده على كليك الزعل اى حاجه تقوليهاله بهزار يبقى جد تتريقى على حد يبقى هو يطلب منك رقمك ياسلام لو اعتذرتى انتى مش واثقه فيا يا اما يقوللك انا احترم قرارك ومش هطلبه ويتقمصلك كل شويه احلى حاجه واريح حل تعمليه فى قائمه التجاهل اريح

النوع الرابع : عم الخفه ( الظريف )

ده بقى ماتفهميش مين قاله انك دمك خفيف كل ما يكلمك يفضل يستظرف ويقوللك افيهات المطلوب منك انك تموتى على روحك من الضحك بس حاسبى يا حبيبتى كله الا اعصابك ف اريح حل ليه يحصل اخوه وتعملى اسمه ف التجاهل وتريحى نفسك

النوع الخامس : المزاجنجى

ده بقى كل شويه بحال شويه فرحان ويبسطك ويدخل المواضيع يهزر وتمام وشويه يدخل المواضيع يرد بكآبه شويه تلاقيه مجنون ف تصرفاته وشويه تلاقيه عاقل ورزين ومره واحده يقلب غلس ورخم وغتيت ومره تانيه تلاقيه امور ولطيف واتجننتى خالص ف الحكايه يعنى مش ناقصه هبل وجنان اعمليه زى اخواته ف التجاهل وريحى نفسك

النوع السادس : اللزقه

ده بقى كل ما تدخلى المنتدى تلاقيه راشق ف بروفايلك انتى ف الموضوع ده ليه ؟ بعتلك رساله ياسلام لو مش رديتى ف ساعتها انتى كنتى بتعملى ايه ؟ الواد ده باعتلك لينك ليه وياسلام لو قالك افتحى ميل وقعدتى فتره لغايه ما فتحتى ليه انتى كنتى فين ؟ اه ماهو الموضوع الفلانى اهم من موضوعى طبعا مش ناقصه خنقه اعمليه ف قايمه التجاهل وارتاحى وشوفى المنتدى براحتك

النوع السابع : عم الناصح

ده بقى نهارك مش باينله ملامح لو بعتي لواحد او واحده تهزرى معاها وتقوليلها حاجه يعلقلك ويديكى حكم ومواعظ لا وفيه عروض خاصه اتكلمى كلمه تاخدى عليها 60 نصيحه هديه وياااااه لو عملتى توبيك ف الصور ولا عملتى توقيع جديد يقوللك عارفه لا خدى الصوره دى احسن واشبعى منه حكم بقى اقولك حل حلو اوى اعمليه ف قايمه التجاهل هو كمان مع اخواته

النوع الثامن : الحبيب ( بيحب على روحه )

ده بقى يقول ايه يدخللك جرى على قسم المشاكل ف الحل او كلام ف الحب يا جماعه الحقونى انا حواليا كتير الكل بيحبنى الكل معجب بيا شوشو وتوتو وسوسو حتى فوفو بتموت فيا ف الكليه الكل بيجرى ورايا وياااااه لو كلمت واحده تموت فيا المصيبه بقى اول ما هتدخلى تكلميه او تتعرفى عليه يفهم على طول انك بتموتى ف دباديبه وعاشقه جماله وجمال عينيه ولو قولتيله اى حاجه هيفهم انك معجبه بيه وهتموتى عليه ماهو اصل مش بمزاجك هتحبيه يعنى هتحبيه طبعا عارفه نصيحتى شطوووووووره مع اخواته على طول

النوع التاسع : فرحان بجماله

ده بقى اول ما تدخلى بروفايله تلاقى صورته ف كل حته ف الصوره الرمزيه والشخصيه والتوقيع وكل حاجه صوره وذنب عليكى وعلى اللى خلفوكى لو دخلتيله تتفرجى على صورته اى حاجه تنزل باسمه على طول صورته ويااااه لو كلمتيه ميل تلاقيه كل شويه يفتح كام للهوا وذنب عليكى تتفرجى عليه كله الا اعصابك يا حبيبه قلبى يحصل اخواته على طول ف قايمه التجاهل وتخلصى

النوع العاشر : حوارنجى

ده بقى يدخل قسم السياسه يقوللك ده حرام اللى بيتعمل ده انا لو بايدى حاجه كنت خليت بابى يظبطهم يدخللك على قسم السيارات يقوللك العربيه دى انا كانت عندى بس جبت الاحدث كانوا هيموتوا عليها ف الجامعه يدخللك الكوره يقوللك الماتش اللى ف كوالالمبور ده انا روحته وكان مهازل وخدى من الحوارات والتهتيش ده كتيييير

النوع الحادى عشر : المستفز

ده بقى تلاقيه قاعد ع المنتدى من ساعه ما اتولد درس واشتغل وخطب واجوز وخلف وعياله خلفو وهو قاعد بيتعرف على البنات وكل ما يكلم واحده يقنعها انه عنده 20 سنه ولسه عاوز عروسه ويحور عليها قصه حياته عارفه بقى ده لو دخلتيله عملتى عضويه جديده هتلاقيه داخللك وحور عليكى قصه متلفه تماما يعنى هتسمعى كل يوم قصه شكل طبعا اريح حل قايمه التجاهل موجوده



احنا قلنا اننا بنهزر يعنى مفيش زعل
ههههههههههههههههههههههههه هههه

منقوووووووووووووووووووووو ول

المصدر: †† ارثوذكس †† - من قسم: الضحك والفرفشة

[sadjohn]

في انواع كتير متذكرتش

و كدا حرااااام

دايما بتبصوا علي الاسود

و متشفوش الابيض

زي واحد رسم دايرة سودا علي ورقة بيضا
و سأل صاحبه شايف ايه

قاله دايرة سودا

حرام في ابيض كتيير

بس الكلام دا صح
في منهم كتيير

و خصوصا في جروبات الفيس بوك

[MRAMER]

مرسي يا جون ع ردك ع الموضوع

وانا معاك زي ما في الكويس في الوحش
بس الموضوع دا كنوع من انواع الدعابه والهزار ومقصدش بيه حد

ربنا يعوض تعب محبتك

[TITO_BEST]

هههههههههههههههههه

احم احم انا بقي تشكيلة من دة كلة

[bent syadna]

ههههههههههههههههههههههه
كدة يا مرمر هتطحطي في البلاك ليست خلي بالك
بس فعلا في شباب كدة

[new.marina]

[MRAMER]

المشاركة الأصلية كتبت بواسطة tito_best هههههههههههههههههه احم احم انا بقي تشكيلة من دة كلة

ههههههههههههههههه
انت شايف كدا
لا بس انت طيب يا عم بعيد عن المواضيع دي هههههههههههه
مرسي ع ردك وربنا يعوض تعب محبتك

[MRAMER]

المشاركة الأصلية كتبت بواسطة bent syadna ههههههههههههههههههههههه كدة يا مرمر هتطحطي في البلاك ليست خلي بالك بس فعلا في شباب كدة

هههههههههههههههه ولا يهمك يا ستي بلاك بلاك انا راضيه

مرسي يا قمر ع ردك الجميل دا ربنا يعوض تعب محبتك

[MRAMER]

المشاركة الأصلية كتبت بواسطة new.marina

مرسي يا سكر ع ردك الروعه دا
ربنا يعوض تعب محبتك

[soso-simsim]

اه فعلا زى ما فى الوحش فى الحلو بس عيبنا اننا دايما بنبص دايما على الجزء الفارخ لو بصينا للجزء المليان هايبقى احسن حبتين بس حلوة يامرمر فعلا الحاجات الى ذكرتيها موجودة بالفعل فى منتديات كتير بس انا اول مرة اعرف كل دى الانواع دول كتير اوى يعنى كده الحلوين قليل اوى على العموم ربنا يعوضك ياقمر