[الناى الحزين]

نفسى ابكى

نفسى ابكى يارب فى حضنك
اكون زى يوحنا واتكئ على صدرك

او زى سمعان ابن يونا لما تاب
وقولتله ارعى خرافى بالعتاب

ابكى زى المجداليه اللى دموعها
كانت كتيره وانت كنت سامعها

نفسى اكون يارب زى اللص اليمين
اللى سرق الملكوت فى غمضه عين

اه لو اكون زى لعازر يا يسوع
اللى بكيت عليه بالدموع

او اكون سمعان القيروانى لما
شال صليبك اللى شيلته عنا

او يوسف او نيقديموس اكون انا
اللى كفانوك ودفانوك يا بختهم بالهنا

بس ما اكونش ياربى ناى حزين
تعبان بيصرخ ياربى وكله انين

المصدر: †† ارثوذكس †† - من قسم: القسم الادبي

[عماد حسنى]

رائع يا ناى اكتر من رائع بجد
ربنا يفرح قلبك ويبعد عنك اى حزن وألم
الف الف شكر على الكلمات الجميله اوى دى
ومنتظرين من الموضوعات دى كتير

[الناى الحزين]

المشاركة الأصلية كتبت بواسطة عماد حسنى رائع يا ناى اكتر من رائع بجد ربنا يفرح قلبك ويبعد عنك اى حزن وألم الف الف شكر على الكلمات الجميله اوى دى ومنتظرين من الموضوعات دى كتير

صدقنى يا عمده الرائع هو ردك وكلامك الجميل بجد دايما ردودك جميله وبتفرح كل حزين
اشكرك على ردك وربنا يفرح قلبك

[@M@R!N]

وااو
جااااااااااااامد جدا يا ناااي الشعر ده
بجد كلماته تحفه اووووووووووووووووي

نفسى اكون يارب زى اللص اليمين
اللى سرق الملكوت فى غمضه عين


عجبتني جداااااااااااا

ميرسي ليك يا ناي
ربنا يبارك حياتك

[كيرو رافت]

يا ابو الانانين يا جاااااااااااااااااااااااا امد
الله عليك يا حبيب والديك
اشوفك زى ما انا عايز قاعد على الاريكه ونت فى الحديقه
روح يا شيخ ربنا ينقذك من كل ضيقه
موضوعك هايل وكلامك جامد يا ناى
ربنا يفرح قلبك دايما يا احلى ناى فى الدنيا

[kamel]

بس ما اكونش ياربىناى حزين
تعبان بيصرخ ياربى وكله انين
أواة حبيبى الغالى
كم كلماتك تعتصر فؤادى
ندائنا لله أن يزيل همومنا
أن يفرح قلوبنا
وأن يعطيك ما ترجو
الرب يبارك حياتك كم هى كلماتك رائعة
ومناجاتك من قلب محب مملوء محبة
الرب يبارك موهبتك

[MICKEY]

عزيزي الناي لقد فهمت من كلامك انك تود ان تبكي

اوعدك عزيزي ان يوم 5/11/2008 سوف تبكي للصبح
وذلك لما سوف افعله بك

[الناى الحزين]

المشاركة الأصلية كتبت بواسطة @m@r!n وااو جااااااااااااامد جدا يا ناااي الشعر ده بجد كلماته تحفه اووووووووووووووووي نفسى اكون يارب زى اللص اليمين اللى سرق الملكوت فى غمضه عين عجبتني جداااااااااااا ميرسي ليك يا ناي ربنا يبارك حياتك

ربنا يخليكى يا احلى مارينا بجد اسعدنى جدا مرورك

شكرا يا قمر على مشاركتك
وربنا يفرح قلبك

[الناى الحزين]

المشاركة الأصلية كتبت بواسطة @m@r!n وااو جااااااااااااامد جدا يا ناااي الشعر ده بجد كلماته تحفه اووووووووووووووووي نفسى اكون يارب زى اللص اليمين اللى سرق الملكوت فى غمضه عين عجبتني جداااااااااااا ميرسي ليك يا ناي ربنا يبارك حياتك

ربنا يخليكى يا احلى مارينا بجد اسعدنى جدا مرورك

شكرا يا قمر على مشاركتك
وربنا يفرح قلبك

[الناى الحزين]

المشاركة الأصلية كتبت بواسطة كيرو رافت يا ابو الانانين يا جاااااااااااااااااااااااا امد الله عليك يا حبيب والديك اشوفك زى ما انا عايز قاعد على الاريكه ونت فى الحديقه روح يا شيخ ربنا ينقذك من كل ضيقه موضوعك هايل وكلامك جامد يا ناى ربنا يفرح قلبك دايما يا احلى ناى فى الدنيا

رافت لو سمحت طمنى على الاريكه
و بجد اشكرك من قلبى على ردك الجميل اللى اسعدنى بجد

عارف يا ابو الارفيت انا مش لسه قافل معاك الفون بس مش هتصدقنى لو قولتلك انك بجد واحشنى جدا

ربنا يفرحك يارب