[nana222]

كل سنة و انتم طيبين و بليالي كيهك دايما مسبحين و فرحانين و متباركين

ياريت في الايام الجميلة دي نحضر و لو ليلة واحدة من الليالي اللي مليانة بركة و فرحة و احساس جميل بالسما ....جربوا و شوفوا قد ايه البركة و الفرحة اللي هاتعيشوها ..ياريت نسبح ربنا مش بس في وقت فرحتنا لكن في وقت ضيقتنا و كربنا ..زي بولس و سيلا اللي سبحوا ربنا وهما في السجن ..جربوا تسبحوا ربنا وقت الألم و شوفوا البركة الكبيرةو التعزية اللي هتاخدوها
النهاردة اخترت لكم من كتاب ( الله يدعو ) كلمات جميلة جدا ,,,
( و كاتب الكتاب ده مش شخص واحد لكن سيدتين اختارتا ان تظلا مجهولتين و ان تدعيا (مستمعتين) و تعتبران مادة الكتاب ده رسالة أعطيت لهما من المسيح الحي نفسه )
سيروا في طريقي و ثقوا بي ..حينئذ لن يستطيع أي شر أن يمسكم انني لكم حقا كما أنتم لي ..استندوا علي هذه الحقيقة اطمئنوا و هذا يعني أن توقفوا كل صراع ..و أن تقتنوا ثقة قوية ثابته بهذه الحقيقة ..
لا تتكلوا علي فقط عندما يكون صراعكم مع العالم قويا و شديدا جدا يصعب عليكم احتماله أو مواجهته بمفردكم ..و لكن عليكم أن تتكلوا أيضا علي عندما تحتاجون الي الفهم الكامل ..و عندما ترغبون أن تستشعروا الصداقة القائمة علي المحبة الرقيقة بيني و بينكم
ان العالم-عالمي المسكين- يسرع الي عندما تكون مصاعبه أكثر جدا من قدرته علي احتمالها أو عندما يعجز عن التغلب عليها بأي وسيلة أخري ..... متناسيا أو غير مدرك علي الإطلاق أنه لو كانت قد تقدمت الي تلك القلوب بنفس اللهفة و طلبتني لمجرد الرفقة و تعاملات المحبة لما نشأ الكثير من تلك الصعوبات و لكانت كل الظروف المحيطة و الحياة و السلوك قد تغيرت و قد تنقت.... حتي ان نفس هذه المشاكل ما كانت لتوجد أصلا .....
التمسوني مبكرا قبل أن تشغلكم مشاكل الحياة و متاعبها و مباهجها ..فهذا هو الطريق لكي تجدوني


حبايب المسيح ..كتير اوي فعلا بنطلب ربنا بس في وقت الشدة ..؟!! لكن ياريت علاقتنا مع ربنا تبقي اكبر من كده تبقي زي ما قال المرتل ( أما أنا فصلاة )..نطلب ربنا في كل وقت في كل موقف في الحياة نقوله... يارب ساعدنا ... يارب فهمنا .... يارب ادينا الحكمة في التصرف ..الجأ لربنا بدري بدري مش لما المشكلة توصل لقمتها ؟..و كون واثق انه هيساعدك و يسندك
لكن ماتنسوش يكون لينا خلوة يومية كل واحد فينا مع ربنا بالليل نحكي له علي كل همومنا و نشكره علي عطاياه ..و نسمع صوته في كتابه المقدس ..و كل يوم و احنا بنصلي ماننساش نذكر كل اللي طلبوا منا اننا نذكرهم في صلواتنا و تضرعاتنا اللي بنرفعها قدام رب المجد لو كان مريض ربنا يتحنن عليه و يشفيه او في حيرة ربنا يرشده او
يائس ربنا يمنحه رجاء ...و ماتنسوش وعد ربنا اللي قال ( كل ما تطلبونه في الصلاة مؤمنين تنالونه )
ياريت تجيب ورقة صغيرة و تكتب فيها اسماء كل اللي طالبين صلاتك ...و تذكرهم في صلاتك ..أو تقول

( يارب أولادك في المنتدى اللي طالبين صلاة ..ان كانوا طالبين شفاء أو تعزية أو معونة أو نجاح أو صبر في الشدة أو أطفال..حقق لهم طلباتهم ان كانت حسب ارادتك ..,,

و ان كانت بغير ارادتك ..أعطيهم الصبر ونور قلوبهم لفهم لارادتك.....و اكشف ليهم عن تدبيرك لخطة حياتهم)

و لا تنسوا الصـلاة لأجل نجــاح و استمراريـة الخدمــــة

المصدر: †† ارثوذكس †† - من قسم: التأملات الروحية والخواطر الفكرية

[نبيل نصيف جرجس]

بجد يا نانا مش عارف اقولك اية كل كلامك وتاملاتك كلها محبة وجميلة اوى يا رب نحضر ليالى كيهك بقلوبنا بس صحيبح ليالى كيهك خلاص خلصت
يلا متعوضة بس على فكرة انا حضرت 3 ليالى بس
ربنا يباركك ويحافظ عليكى

[nana222]

شكرا نبيل لمرورك الجميل