[sangorg]

امسك ايد يسوع ومتخفش لانه عارف الطريق
مهما كان الطريق كان غامض مش معروف فيه عوائق كتيره فيه معطلات فيه شهوات
ولكن ايده هتسحبك من كل خطر من صعب من كل ضيق هو عارف كل حيل ابليس
وعارف تدبيراته وعارف الاعيبه علشان كده هو هيسحبك ويبعدك
وبأيديه هيغطى عينيك علشان متتشدش لاى مغريات
نتخيل اى واحد فينا بعد ما اتعود يمسك ايد يسوع وسابها سهل جدا انه يتوه فى العالم
وكل ما فيه وينساق وتجرفه الامواج ولا يجد من منجى اللى هيسيب ايده هيعمل زى الابن الضال اللى تاه ساب ايد ابوه وبيت ابوه والعز والبركه وجرفه تيار العالم وخده شمال ويمين وبهدله الى ان رجع الى بيت ابوه ومسك ايد ابوه من جديد
احب اقول لكم مفيش احسن ولا اجمل من نتمسك بيسوع ونحط ايدينا فى ايديه لانه هو اللى بيحرك الكون كله بلمسه من ايديه
يالا نمسك فى الايد الى بتحرك العالم كله ايد يسوع لان حياتنا فيه مضمونه
بدونه لا شئ مضمون

المصدر: †† ارثوذكس †† - من قسم: التأملات الروحية والخواطر الفكرية

[نورالمنتدى]

ميرسى خالص على الموضوع الجميل وربنا يفرح قلبك

[نبيل نصيف جرجس]

اكيد اللى بيمسك ايد ابوة مش يهمة اى شىء بالطريق

[وردة حزينة]

ياعدراء على جمال الموضوع
بجد عندك حق للى يسيب ايديه بيتوه بجد
الف شكر لحضرتك

[nana222]

ميرسى على الموضوع الرائع جدا جدا
ربنا يعوض تعب محبتك

[zaza2006]

موضوع جميل اوى
وفعلا مفيش احلى من انى امسك فى ايد ربنا عمرى
لا هتوه ولا هبعد
ميرسى كتير لحضرتك