[جناح المسيح]

راجع تترجانى

ممكن بس تقولى حبيبى ليه قلت هتنسانى وقلت هتتحدانى
وبعد ما قلت كلامك كله راجع تترجانى وتبكى دموع علشانى

تفتكر انى انا بعد ده كله ممكن ارجع تانى واديك كل حنانى
بس خلاص ما هى خلصت يعنى فعلا كل اوهامى اتهدمت ويا احلامى

تفتكر انى انا ممكن افكر ان ارجعلك تانى لا يا حبيبى انسانى
خد احلامك والغى كلامك واوعى تفكر ممكن افكر فيك ولو ثوانى

ابعد قلبك عنى خلاص ما بقيتش بفكر فيك ولا عايز لياليك
ولا عايزك ترجع تانى فى يوم ولا عايزك تبكى تقول مظلوم
ولا عايز اشوف عنيك

ابعد زى ما خليت قلبى يبعد كده مجروح يالا حبيبى ما تروح
ابعد وامشى خلاص ما بقيتشى ليا لقلبى الروح

فاكرنى بقول يا حبيبى كلام وخلاص بعديها هروق يالا حبيبى ما تفوق
ده انا لا انا عايز اقرب منك ولا محتاج للشوق خد بقى كاسك دوق

دوق المُر فى كاسك زى ما كنت بدوقه زمان ايوه لسه كمان
لسه هقول يا حبيبى واكمل ساكت ليه وقلقان ايوه انا قلبى اتخان

ايوه عرفت م اللى شوفك واللى حكولى عليك يوميها انا هنت عليك
وراجع بعد ده كله تقولى بحبك وبموت فيك ما فهمت كدب عنيك

وزى ما هنت عليك يا حبيبى لازم برضه تهون
هبعد عنك ولا هاجى جنبك وزى ما خنت هخون

ممكن بس تقولى حبيبى ليه قلت هتنسانى وقلت هتتحدانى
وبعد ما قلت كلامك كله راجع تترجانى وتبكى دموع علشانى

من تاليفى
اذكرونى فى صلاتكم
انطونيوس جرجس

المصدر: †† ارثوذكس †† - من قسم: القسم الادبي

[كيرو رافت]

طيب اقول ايه ولا اعمل ايه فى كلماتك الرائعه دى

فعلا بجد من غير مجامله كلماتك غايه فى الروعه والجمال يا تونى

هايل بجد تسلم ايدك يا تونى

[جناح المسيح]

المشاركة الأصلية كتبت بواسطة كيرو رافت طيب اقول ايه ولا اعمل ايه فى كلماتك الرائعه دى فعلا بجد من غير مجامله كلماتك غايه فى الروعه والجمال يا تونى هايل بجد تسلم ايدك يا تونى

متشكر خالص مالص يا كيرو
على كلامك الجميل اووى ده
ومرورك حقيقى بيسعدنى

اذكرنى فى صلاتك
انطونيوس جرجس

[عماد حسنى]

رائع بجد بجد اسلوب يا انطونيوس
اسلوبك وكلماتك جميله بجد بجد
مستنين المزيد والمزيد ياانطونيوس

[جناح المسيح]

المشاركة الأصلية كتبت بواسطة عماد حسنى رائع بجد بجد اسلوب يا انطونيوس اسلوبك وكلماتك جميله بجد بجد مستنين المزيد والمزيد ياانطونيوس

متشكر خالص مالص يا عماد
على كلامك الجميل اووى ده
ومرورك حقيقى بيسعدنى

اذكرنى فى صلاتك
انطونيوس جرجس

[جناح المسيح]

هل من ردود اخرى...............

[nermos1982]

وزى ما هنت عليك يا حبيبى لازم برضه تهون
هبعد عنك ولا هاجى جنبك وزى ما خنت هخون




ممكن بس تقولى حبيبى ليه قلت هتنسانى وقلت هتتحدانى
وبعد ما قلت كلامك كله راجع تترجانى وتبكى دموع علشانى

كلماتك بجد جميلة اوى يا انطونيوس. ربنا يفرح قلبك ويكون معاك

[جناح المسيح]

المشاركة الأصلية كتبت بواسطة nermos1982 وزى ما هنت عليك يا حبيبى لازم برضه تهون هبعد عنك ولا هاجى جنبك وزى ما خنت هخون ممكن بس تقولى حبيبى ليه قلت هتنسانى وقلت هتتحدانى وبعد ما قلت كلامك كله راجع تترجانى وتبكى دموع علشانى كلماتك بجد جميلة اوى يا انطونيوس. ربنا يفرح قلبك ويكون معاك

متشكر خالص مالص يا نيرموس
على كلامك الجميل اووى ده
ومرورك حقيقى بيسعدنى

اذكرينى فى صلاتك
انطونيوس جرجس

[samerco75]

كلامك جميل وشعرك خطير واحساسك نبيل

[جناح المسيح]

المشاركة الأصلية كتبت بواسطة samerco75 كلامك جميل وشعرك خطير واحساسك نبيل

متشكر خالص مالص يا سميركو75
على كلامك الجميل اووى ده
ومرورك حقيقى بيسعدنى

اذكرنى فى صلاتك
انطونيوس جرجس