[emmmy]

[quote=كيرو رافت;681101]

انا بجد نفسى ناخد الافكار الغير مكررة كلها من كل المشاركين

ونضمهم فى موضوع واحد
وبكدا بجد الفايده هاتكون اكبر واحسن
زى ما اقترحت نانا بنت الراهب الصامت
لان بجد الافكار رائعه جدا من خدام عاشوا الخدمه وواضح مدى تفانيهم ومحبتهم للخدمة


فكرة جميلة فعلا رافت انت ونانا حاضر هحاول انفذها بس هيبقى موضوع طويل طب انا هجرب مرسى يا رافت على مشاركتك الجميلة

[emmmy]

اخيرا خلصت قرايه

ياربى على الماضة معلش يا جورج تعبناك

بس انتي يا ايمي ازاي نختار احنا بين الافكار دي
ماهي كلها أفكار كويسه وممتازه كمان
طب مانا ممكن اختار واحد كاتب 4 أفكار كويسين
وواحد تاني كاتب 2 كويسن مخترهوش?!!

يعنى مش فاهمة حاجة

[emmmy]

ها يا خدام تسمحولى اشارك معاكم بقى انا اجلت مشاركتى لحد ما نختار الفائز فى المسابقة ودلوقتى متهالى اقدر اشارك معاكم بعد اذنكم طبعا

انا برغم انى خادمة مرحلة ثانوى لكن هتكلم عن مرحلة حضانة مستغربوش ومتقلوقوش هتكلم برضوا عن خدمتى صدقونى بس بصراحة انا بعشق خدمة الاطفال


اولا : احنا للاسف مش بنهتم بخدمة الاطفال من ناحية اختيار الخدام بمعنى ان الاطفال الصغيرين من وجهة نظرنا والاباء والخدام الكبار يخدموهم خدام مبتدئين لسة متخرجين من اعداد خدام او حتى ماخدوش اعداد خدام بتحصل كتير صدقونى ودة مش شرط طبعا بس فى الغالب دة اللى بيحصل
مع ان المفروض ان الاهتمام الاكبر يكون بالبذرة وان الاطفال دول هما البداية المستقبل لازم يتاسسوا صح ويتعامل معاهم خدام على اعلى مستوى من الخبرة والحكمة والصبر والحب والحنان وكل حاجة مش انا خادمة لسة بتعلم اروح اتعلم فيهم ممكن جدا اعمل حاجة من غير قصد او وعى ودة طبيعى لانى لسة معنديش خبرة تخلى الطفل ياخد موقف من الكنيسة كلها ومعرفشى اوصل صورة المسيح صح لية والطفل لما بيتعلم حاجة فى ضغرة بتفضل فى ذهنة سنين طويلة اوى
بجد بستغرب من عدم اهتمام اختيار الخدام للمرحلة دى ويقولك انكل فلان ومس فلانة لالالا خليهم لخدمة اعدادى وثانوى واجتماع الشباب
وانكل فلان كويس ومس فلانة حلوة اوى يمسكوا الاطفال كفاية ما هو معاهم بقى المبتدئين ويتعلموا من بعض
لو فرضنا حد رد عليا وقالى مفيش خدام الحصاد كتير والفعلة قليلون هقولك دى مش مشكلة الطفل ابدا دى مشكلتنا احنا والاباء لازم يكون فى اعداد خدام صح واهتمام بيهم صح وبتعليمهم وخصوصا المواد التربوية والنفسية
الطفل محتاج قبل الترنيمة وابانا الذى يحس ان الخادمة ام تانية والخادم اب تانى بصراحة انا عن نفسى مكنتش بعرف اعمل دة فى اول سنة ليا خدمة لانى كنت لسة مش عارفة حاجة
علشان انا حاسة ان فى تقصير حقيقى فى خدمة الاطفال الملايكة دول ولو اهتمينا بيهم اكتر من كدة شوية هتفرق فى المستقبل وهما كبار لانهم اتاسسوا صح وزعنا فيهم محبة المسيح والكنيسة صح ومش هيبقى فى متاعب كتيرة وصعبة لما يكبروا زى ما بنشوف دلوقتى فى بعض الخدمات والكنائس


دى كانت مجرد وجهة نظر شخصية بصراحة حسيت انى عايزة اقولها وافضفض بيها معاكم واتناقش فيها معاكم


انا هتكلم تانى واكمل كلامى انتظرونى

[emmmy]

انا جيت تانى اهو


البذرة يعنى الطفل فى السن المبكر عايز كل ابداع مننا وحرص وفهم فى التعامل معاة اصعب خدمة هى خدمة الاطفال صدقونى
اولا الطفل عايز منك تزل لمستواة متكلموش بلغتك انت حاول تكلمة بلغتة هو لغة البساطة والسذاجة والصداقة وحتى الكلام المكسر بس مش تريقة علية اوعى يحس انك بتتريق علية دة ممكن يخلية ينفر منك تماما
ثانيا لو انت خادم لسة ماسك المرحلة واول مرة تتعرف على الاطفال متسرعشى فى انك تداعبة او تشيلة اديلة فرصة يتامل فيك ويطمن ليك وياخد عليك ويحس بيك وخصوصا لو كنت بالنسبة لة فيك حاجة غريبة زى اللحية مثلا وهو مش متعود يشوف بابا ذقنة كبيرة فانت بالنسبة لة هتكون مخيف وغريب حاول الاول تفهم اسلوب التعامل معاة صح على حسب شخصيتة وتربيتة
-- افتكر مرة فى بداية خدمتى مسكت سن صغير خمس سنين واول ما دخلت الفصل كنت جديدة بالنسبة لهم فلفت نظرى طفل شقى اوى من قبل ما اعرف طباعة ولا اسلوب تربيتة ولا كان لسة ليا معاهم تجارب وعمال يلعب فى الكنيسة ودخل الهيكل وساب اخواتة قاعدين برة فى الكورس فانا اضايقت جدا فدخلت وراة وقلت وبعدين يا ابنى فى اية تعالى نقعقد برة اقعقد هادى علشان يسوع يحبك وعلشان اديلك حاجة حلوة عارفين عمل اية ؟
نزل بعز ما عندة وضربنى بالالم وعن شرط كان الم مؤلم بجد مش هنقول بقى دا طفل وايدة ضغيرة لا خالص الالم كان بجد صدقونى دة حصل ههههههههه
انا طبعا كان جوايا كمية غضب مالهاش حدود وهو خاف جدا واتلبش مكانة وفضلت حوالى دقيقتين بصة لة نظرة عتاب ونشكر ربنا انى مسكت نفسى ومضربتوش وقولتلة طب اطلع بقى قدامى وطلع طبعا انا عمرى ما هنسى الدرس دة ابدا ابدا فى حياتى الالم علم على خدى درس جميل منة اتعلمت ان الطفل لازم تصاحبة اوى وتحبة وتفهم ظروفة وطريقة تربيتة وبعدين ندخل بقى فى ابانا الذى واجيوس واقعقد ساكت
ثالثا الطفل بيفهم لغة الملامح اكتر من لغة الكلام والنظرات اكتر من معانى الالفاظ يعنى متعقدشى تتكلم تتكلم وتطلب منة يقعقد متكتف يسمع منك وبس حاول تستخدم حواسك وانت بتكلمة اكتر من عقلك ومعلوماتك الطفل بيحب جدا جدا الحركات والصور وانة يشاركك فى الدرس
بلاش الموضوعات اللى ميقدرشى يستوعبها فى السن المبكر دة ولو امكن يبقى تديلة لمحة بس او عناوين بمعنى
لو فرضنا وحضرنا درس يعقوب وغيرة اخواتة متحكيش ان يوسف كان بيحب باباة وبيسمع كلامة وبابا بيحبة وعلشان كدة اخواتى كانوا بيكرهوة و---- الخ
عرض القصة بالتفاصيل دى تدمر الطفل وتديلة دروس غلط مدى الحياة
لان الطفل بيتاثر ويتفاعل مع الاحداث ويتخيلها ويعيشها دة بالاضافة ان ذاكرتة حديد مش بينسى اى حاجة يسمعها وعلشان كدة دايما يقوللنا حفظ طفلك ومش مهم الفهم دلوقتى بس الحفظ لانة فى السن دة بيحفظ اكتر من الكبار
رابعا مفيش مانع طبعا اكيد ولازم تعمل فقرة لعب فى مدارس الاحد العب معاة مثلا ترتيب الصور او المكعبات او الالوان او او العاب ممكن تكون موجودة بصفة مستمرة فى الدولاب بتاع الخدمة اللعب بينمى ذكاء طفلك اولا وبيقربة منك ثانيا وبينمى نفسيتة كمان
خامسا الطفل بيقلدك فى كل حاجة حاول توصل رسالتك مش بالكلام لكن بالعمل طفلك هيشوف انت واقف ازاى فى الصلاة وهيقف زيك هيشوفك بتحضر القداس هيحضر زيك بيشوفك بتقول صدقنى هيعمل زيك ويصدقك لما تقولة متحلفشى صدقونى انا جة عليا فترة من الزمن كنت كنت تعبانة روحيا اوى وبدات ابعد شوية لاسباب وساعتها حسيت ان المخدومين بداوا يتغيروا مش بيسمعوا كلامى ومش عايزين يسمعوا الدرس ومش فاهمين حاجة مع ان دة مش بالعادة روحت لاب اعترافى وانا زعلانة قالى المشكلة فيكى انتى يا بنتى علشان الاطفال بيشوفوا المسيح فيكى لكن انتى دلوقتى روحياتك فى النازل وهما حاسين بدة ودة كمان كان درس لا يمكن انساة
بص يا خادم اوعى اوعى تفكر انك ممكن تمثل الخادم المثالى قدام ابنك وبرة تبقى شيطان الطفل بيحس برسالة الرب يسوع عن طريقك بالروح القدس العامل فيك بيحس اذا كنت صادق ولا كذاب
احذر الاستهانة بعقيلة الطفل واحساسة
سادسا الطفل خيالة واسع اوعى تقولة انت كذاب الطفل ميعرفشى يعنى اية كذب اساسا لو جة وحكى لك قصة من خيالة اسمعها واوهمة انك مصدقة وصحح لة اى مفهوم تلقية غلط هيقبل منك دة بسهولة وكملها معاة كمان وشوفلها نهاية سعيدة وحلوة هيتعود انة يفتح لك قلبة ولما يقدر يميز الكذب من الخيال هيكون متعود على انة يتكلم معاك وتقدر تساعدة لما تعرف كل اللى جواة
سابعا فى فرق كبير اوى من ان الطفل يسمع كلامك علشان خايف منك او من حرمانة من الحاجة الحلوة او انك تكسفة قدام اخواتة ومن انة يسمع كلامك علشان بيحبك حاول تصادقة دة مهمة جدا ودة يتحقق عن طريق الافتقاد الافتقاد الافتقاد انا بكررها كتير الخدمة يعنى افتقاد
ثامنا احذر من التحيز بين المخدومين لان دة هيخلية طفل عداونى يكرهك ويكرة الطفل اللى انت بتحبة اكتر منة وممكن جدا يؤذية لانك غير عادل فى حبك للكل وفى معاملتك للكل
تاسعا الطفل لو فقد الثقة فيك لا يمكن تقدر تستردها اوعى تكذب علية ولما توعدة بشئ لازم تنفذة متقولوش هنعمل حاجة ومتعملهاش متقولوش هنتقابل فى المكان الفلانى ومتجيش خلية يتعلم منك ان كلمتة تبقى مسئولية هو قدها
عاشرا شجعة على ابسط الامور التشجيع دة مفتاح دهب بيفتح كل الابواب افتكر كنت مخدومة فى اعداى وخدمنى خادم رائع فوق الوصف وكان يقولنا قول لنفسك انت شاطر قول لنفسك انت مبدع بس بشرط فى نفس الوقت تحتفظ بوداعتك واتضاعك عارفين التشجيع دة خلى اخويا يخترع سخان بقالب طوب احمر صدقونى وساعتها قولت لة حلو اوى هاتة بقى قالى لا دة اللى يستحقة انكل فلان لانة هو السبب فية وحاجات كتير عملنا اعمال فنية كتير جميلة كنت بعمل صورة كبيرة بورق الشمعدان رائعة ودخلنا بيها المهرجان وكسبنا بسبب التشجيع دة من الخادم
التشجيع جميل ولما بتشجع حد بتكون صاحب فضل علية هو بيفتكرة ليك مدى الحياة بدليل انى لسة فاكرة الانكل بتاعى مع ان مر سنين كتير اوى
اخر حاجة اياك اياك اياك تخوفة من ربنا وتقولة هتروح النار او ربنا هيزعل منك او ربنا مش هيحبك لو عملت كدة اياك من هذة التعبيرات لاتجعل صورة اللة مخيفة للطفل وانة واقف لة بالمرصاد بيراقبة ويعاقبة
فى مرة روحت لطفلة البيت ودخلت علشان افتقدها وسال عنها لقيت مامتها متضايقة منها ومن اعمالها ومن كذبها عليها فى كل حاجة فهديت الام ودخلت للبنت قعقدت معاها لوحدنا صدقونى بامانة شوفت منظر يصعب لقيت البنت مرعوبة وخايفة تصورت انها خايفة من مامتها فاخدتها فى حضنى وقولت لها مالك يا حبيبتى انتى خايفة من ماما قالت لا يا مس انا خايفة من بابا يسوع ومش عارفة انام استغربت اوى سالتها لية بتقولى كدة قالت علشان هيودينى النار ويحرقنى ويعذبنى ومش هيحبنى ولا يجبلى حاجات حلوة و وووو الخ
قولت لها اية دة مين اللى علمك الكلام دة مين اللى قالك كدة يا حبيبتى قالت لى ماما فطبعا انا كنت فى حالة صعبة قدام مشاعر طفلة رقيقة مدمرة تخيلوا انتوا بقى الموقف وصعوبتة وبشاعتة
رفعت قلبى لربنا وطلبت معونتة فى ساعتها واخدت البنت فى احضانى وقد ما قدرت صلحت الموقف اللى مش عارفة اوصفة دة وكلمتها وطمنتها وجبتلها امثلة حية ثبت حنان ومحبة ربنا
وطلعت كلمت الام وعملت اللى قدرنى علية ربنا
المهم كل دة علشان اقولكم ولادكم واطفالكم بذرة وعجينة فى ايدكم ربنا هيحاسبنا عليها لو زرعناها صح فى ارض صالحة هتدى ثمر جميل لو اهملناها وزرعناها فى اى ارض هتيجى لحد نصف الطريق وتدبل من اقل شوية رياح وعواصف

[emmmy]

اية يا جماعة انتوا نمتوا لية هو دة اتفقنا فين المناقشة فى اقتراحاتكم طيب نبدا بجورج ونسالة انت اختارت تركز اوى على شخصية الخادم لية يا جورج
اصحوا يا خدام متنموش

[emmmy]

دى مشاركة اتبعتتلى من باتريشيا نجمة المستقبل فى عالم الخدام جبنها علشان نتعلم منها كلنا
اشكرك حقيقى يا سكرة ربنا يعوضك

انا اسفة جدا بجد انت كان فاصل
معلش انا جيت متاخر اوى
اولا : احنا عندينا فى الاجتماع بيعملولنا قداس اول كل شهر وبعدها بناكل اكل بسيط اوى زى مثلا الفول والطعمية وبنعد نهزر والمسات بيهزروا معنا يعنى بيكون يوم جامد جدا
وفى حاجة بيعملولنا وزنات كل مانعمل حاجة كويسة بناخد على قدها الوزنات وبعد فطرة طويلة بيعملو معرض هو احنا بيجيبولنا حجات غالية لان ابونة مساعدهم بس ممكن انتى تجيبى حجات بسيطة بس يكون الحجات دى مش معاهم
ثانيا : فى فقرات لذيذة ممكن هما يعملوها زى المسرحيات ومفهاش تكلفة لان هما اكيد هيكون معاهم الملانس اللى هيستعملوهة وتتعرض فى الجتماع هتكون حاجة حلوة اوى
وممكن تشتركوا فى المهرجنات والكرولات للناس اللى مش متعلمة الحجات دى هتخليهم يشتركوا فى حجات كتيير دا غير انهم هيحسو انهم بيعملوا حاجة
ثالثا : انا وكل اصحابى بنحب كلنا الرحلات
بس انا مش عرفة الحكاية دى هتنفع عندك ولا لأ انا اسفة
رابعا : هى الفقرة اللى قلتلك عليها بتاعة الخالة نوسة عملتيها احنا خلاص هنعملها قريب بس دى بجد فقرة جمدة مووووووت
خامسا : فى حاجة حلوة اوى انا لسة مقلتش للمسات عليها وهى عبارة عن تنبهو فى الاسبوع دة مثلا على البنات انكم هتعملوا فقرة الاسبوع اللى جيى كل البنات ديجى وتكون عملة مقلب يعنى تجيب بصلة مثلا وتحطها فى ورق كثيير وتلفها فى ورقة ملونة فى الاخر ومش بصلة بس مقالب كتيييييير يعنى
وتلموهم من البنات وتحطوهم فى شوال وتلخبطوهم
وفى الاخر الاجتماع تعدو على كل بنت وتخلوها تاخد وحدة ويفتحوها بقى هتكون حاجة لذيذة اوى
سادسا : حفلة بنت الملك فكراها دى حفلة جمدا مووووووووووت
وعلى فكرة كل الحجات دى تنفع مع فتيان اعدادى
وفى حاجة للفتيان يكون فى فقرة تتكلم على حورات مختلفة مثل المعاكسات
اوعدك اول ما تجينى فكرة او حاجة شوفتها فى الجتماع هقولك عليها وعلى فكرة انا كان عندى الف فكرة بس بعد المتحانات كلو ضاع
بس ممكن سؤال
هو ايه نظام الجتماع عندك
وفى فلوس تقدرى تعملى بيها حجات ولا لأ

[emmmy]

انا اسفة جدا بجد انت كان فاصل
معلش انا جيت متاخر اوى

معلش المهم انك جيتى يا عسل اهلا بيكى

اولا : احنا عندينا فى الاجتماع بيعملولنا قداس اول كل شهر وبعدها بناكل اكل بسيط اوى زى مثلا الفول والطعمية وبنعد نهزر والمسات بيهزروا معنا يعنى بيكون يوم جامد جدا

اة يا حبيبتى دى فكرة جميلة واحنا كمان بنعملها كل فترة لازم وانا بجبلهم بسكوت وعصير مش فول وطعمية لانى بعلمهم مياكلوش اكل جاهز من برة ابدا بصراحة هههههههه

وفى حاجة بيعملولنا وزنات كل مانعمل حاجة كويسة بناخد على قدها الوزنات وبعد فطرة طويلة بيعملو معرض هو احنا بيجيبولنا حجات غالية لان ابونة مساعدهم بس ممكن انتى تجيبى حجات بسيطة بس يكون الحجات دى مش معاهم

قصدك معرض صفات دة بنسمية عندنا معرض صفات بس انا مش بعملة لان العدد عندى قليل جدا للاسف فمش هينفع

ثانيا : فى فقرات لذيذة ممكن هما يعملوها زى المسرحيات ومفهاش تكلفة لان هما اكيد هيكون معاهم الملانس اللى هيستعملوهة وتتعرض فى الجتماع هتكون حاجة حلوة اوى
وممكن تشتركوا فى المهرجنات والكرولات للناس اللى مش متعلمة الحجات دى هتخليهم يشتركوا فى حجات كتيير دا غير انهم هيحسو انهم بيعملوا حاجة

ممكن فكرة حلوة

ثالثا : انا وكل اصحابى بنحب كلنا الرحلات
بس انا مش عرفة الحكاية دى هتنفع عندك ولا لأ انا اسفة
اسفة على اية يا روح قلبى احنا بنطلع رحلات كتير وفى احسن الاماكن مش ابونا مش مقصر معانا خالص فى الموضوع دة

رابعا : هى الفقرة اللى قلتلك عليها بتاعة الخالة نوسة عملتيها احنا خلاص هنعملها قريب بس دى بجد فقرة جمدة مووووووت

بصراحة لا مع انى فرحت بالفكرة بس مش عارفة انفذها لانى مش عارفة هى هتحتاج ملابس معينة تقريبا مش كدة

خامسا : فى حاجة حلوة اوى انا لسة مقلتش للمسات عليها وهى عبارة عن تنبهو فى الاسبوع دة مثلا على البنات انكم هتعملوا فقرة الاسبوع اللى جيى كل البنات ديجى وتكون عملة مقلب يعنى تجيب بصلة مثلا وتحطها فى ورق كثيير وتلفها فى ورقة ملونة فى الاخر ومش بصلة بس مقالب كتيييييير يعنى
وتلموهم من البنات وتحطوهم فى شوال وتلخبطوهم
وفى الاخر الاجتماع تعدو على كل بنت وتخلوها تاخد وحدة ويفتحوها بقى هتكون حاجة لذيذة اوى

هههههههههه انتى شقية اوى

سادسا : حفلة بنت الملك فكراها دى حفلة جمدا مووووووووووت
وعلى فكرة كل الحجات دى تنفع مع فتيان اعدادى
وفى حاجة للفتيان يكون فى فقرة تتكلم على حورات مختلفة مثل المعاكسات

اة دى اسمها موضوعات ثقافية انا فعلا بعملها وهما بيحبوها جدا وبيطلبوها دايما منى حتى لو مرة معملتهاش يسالوا عنها فقرة حلوة ومفيدة جدا برافوا عليكى يا عفريتة انتى شاطرة اوى

اوعدك اول ما تجينى فكرة او حاجة شوفتها فى الجتماع هقولك عليها وعلى فكرة انا كان عندى الف فكرة بس بعد المتحانات كلو ضاع
طيب انا مستنياكى اهو خلصى امتحانات وركزى وقوللنا افكارك العبقرية يا عسل مرسى ليكى اوى بجد
بس ممكن سؤال
هو ايه نظام الجتماع عندك
نظام الاجتماع عندى يا ستى غالبا يعنى بيبقى
ترانيم
صلاة على حسب الساعة غروب مثلا
موضوع ثقافى ومعلومات عامة
اسئلة روحية وفوازير ودردشة وبونبون لازم هههههههه
واخيرا الموضوع الروحى وتعليق علية من المخدومين فى الاخر
والصلاة وتوزيع الحاجة الحلوة بس



وفى فلوس تقدرى تعملى بيها حجات ولا لأ

ههههههههه
اة عندى فلوس نشكر ربنا خير ربنا عمرة ما يخلص ابدا
اقولك على حاجة تبقى تعمليها فى المستقبل لما تبقى خادمة
انا مسئولة عن الصندوق ومعايا فلوس الخدمة بتاعت خدمتى كلها عارفة اول ما اخدتها عملت اية قولت لة بص بقى يارب الفلوس دى بتاعتك انت وبتاعت بناتك انا هحطها فى المحفظة ومش هعدها ابدا مش عايزة اعرف هما كام ماليش دعوة هما كام انا هاخد منها اللى انا عاوزاة لبناتك ومخدومينك وهجبلهم كل اللى هما عاوزينة وانت بارك وانا كلى ايمان بيك وببركتك يارب
وصديقى الفلوس عمرها ما خلصت منى وعمرى ما طلبت من حد فلوس خالص خير ربنا بيزيد بالايمان شوفتى بقى ربنا حلو ازاى يا حبيبى
ربنا معاكى ويفرحك دايما يارب