[emmmy]

اعزائى الخدااام والخادمات
اية رايكم !! يا ترى من حقنا اننا نعترض على خادم فية عيوب معينة بنشوفها فية ونرفضة ؟؟؟
زى مثلا انة بيشرب سجاير وبقى عبد ليها وانعدمت ارداتة وثقتة فى نفسة انة يقدر يتخلص منها -
او انسان متكبر بشكل فظيع وبيحب الظهور وكلمتة تكون مسموعة حتى لو غلط !!
وهل دة ممكن يكون سبب يخلينا منسمعش منة حاجة ونقولة بتصرفتنا ورفضنا لية ولكلامة ياريت تصلح من ذاتك الاول وبعدين تيجى تعلمنا
مع العلم انة ممكن جدا يكون انسان كويس من جواة
ولكن الظروف دفعتة لدة وكان غصب عنة - والمتكبر كمان مش حاسس اساسا انة متكبر وشايف ان دة من وجهة نظرة ثقة بالنفس ؟؟
اية رايكم انهو افضل ويمكن علاجة بسهولة اكثر ؟؟
اللى بيشرب سجاير قدام المخدوم على اساس انة مكشوف ودة دليل على تلقائتة - ولا المتكبر اللى عيبة مش مكشوف اوى ومش اى حد يشوفة الا اذا تم التعامل معاة
وهل انا من حقيقى ارفض كلام ربنا من شخص مش مقتنعة بية ولا بتصرفاتة - ولا اخد منة كلمة ربنا ومليش دعوة بية هو كشخص خالص ربنا فاحص القلوب وعارف خباياها واكيييد هو اللى اختارة يكون موجود فى حقل الخدااام ؟؟
ومننساش ان مفيش حد معصوم من الخطأ - ينفع يا خدااام - عاوزة اسمعكم بجد يا ريت تشاركونى الاراء والحوار دة لانة مهم جدا

المصدر: †† ارثوذكس †† - من قسم: قسم اعداد الخدام واجتماعات الخدمة

[elphilasouf]

سؤال غريب وصعب أوي يا إيمي

بس هو بصراحه أفضل من الخادم اللي أخد شكل الملاك وهو من جواه كل فسق
ومينفش باردو يكون في خادم بيشرب سجاير أصلا
ولا فيه صفات معينه زي
شتام و كذاب و متكبر و كذا .....الخ
هتقوليلي وهو في حد مفهوش الصفات دي
هقولك اللي عاوز يخدم ويفرح قلب المسيح
لازم يفرح قلب المسيح بنفسه الاول ...


مش عتقه انتي بموضوعاتك الحلوه دي
كانت وحشاني
اللي أغلبها بيمس الخدمه
نفسي اتعلم من أهتمامك بالخدمه في كل وقت كده

[MRAMER]

بصي يا ايمي انا اينعم مش خادمه بس نفسي قوي وانشاء الله هحقق دا

انا من وجهة نظري ان الخادم مش بيبقي اي حد بيبقي ليه مواصفات معينه زي ماقال جورج كدا
مش اي حد بيقول انا هبقي خادم بيبقي لأ اب اعترافه لازم بيشجعه ع كدا ويقوله يعمل ايه وميعملش ايه

بس هنفرض انه بقا خادم وطلع فيه الصفات دي زي شرب السجاير مثلا

مش الحل اننا نحاربه ونخرجه من الخدمه او نمنعه من انه يقول كلمة ربنا او نسمع منه بالعكس دا كدا هيزيد ف عناده وهنبقي احنا كدا الخسرانين ف كل الاحوال

لكن اللي المفروض انه يحصل ان الخدام يلموا بعض ويكون معاهم امين الخدمه او كاهن ويجتمعوا ويعرفوا ازاي يخلوه يبطل الحكايه دي كأنه ف الحاله دي واحد من المخدومين مش خادم
واكيد لما الشخص دا يشوف الاهتمام دا بيه وانكوا بتجروا ورا مصلحته هيحس بغلطه وهيرجع عن اللي هو فيه

لكن لو سبتوه وامتنعتوا عن سماعه هيزيد ف عناده واصراره ع اللي هو فيه
لانك زي ما بتقولي انه ممكن يكون انسان كويس وبتاع ربنا وبيعرف يوصل كلمة ربنا للمخدومين كويس بس الشيطان اتملك منه لانه مش بيحب يسيب ولاد ربنا يبقوا ناجحين ف الخدمه

كمان لازم الصلاة تكون شغاله من اجله ومفيش مانع لو صيام كمان
"هذا الجنس لا يخرج الا بالصلاه والصوم" مفيش حاجه ممكن تستعصي ع الصلاه والصوم ابداااااا

معلش طولت عليكي بس ياريت اكون افدتك ف حاجه واني اتكلمت ف الموضوع صح وتكون وجهة نظري وصلت

ربنا يعوض تعب محبتك بجد ويكمل الخدمه بسلام ويحميها امين

[كراكيب]

بما اني خادم ومغرور هههههههه
لالا نتكلم جد شوية اعتقد ان المفروض اب الاعتراف هو اللي يقرر ده يعني احنا كخدام لازم نبقي متأكدين انه مواظب ع الإعتراف والمفروض ان اب اعترافه يكون مرشد روحي وفاهم يعني ايه خدمة ويفهمه بقي الفرق بين الغرور والثقة بالنفس ويديله تدريب عشان السجاير

[ماروجيرافك]

شوفي يا ايمي الموضوع ليس موضوع شر سجائر مثلا او ما شبه لا
بس الخادم المفروض انه بيكون قدوه للمخدومين وبيشوفوا في كل شئ جميل
مينفعش انه يكون خادم ويلفظ بلألفاظ لا تليق ويقول للمخدومين مثلا لا تشتم
ده مثلا طبعا لا اكثر
وانا اري من وجهه نظري المتواضعه ان الي عاوز يكون خادم يبقي يحاول في الاول انه يتخدم من اب اعترافه من بعض الخدام الكبار وطبعا ان وجد فصل لاعداد الخدام في الكنيسة يكون افضل ويكون في رقابه مش مجرد محاضرات واسئلة لا لازم يكون في اعداد حقيقي للخادم لان هو ده االي من خلاله المخدومين هيتعرفوا علي ربنا وتعاليمه

وبما ان محدش جاوبك غلي سؤالك بظيط احب اقولك من واجبك ومسؤليتك عن المخدومين لما تلاقي شخصية زي دي ممكن بطريقة بسيطة ومن غير ادانة تقولي للأب الكاهن المسؤال عن الخدمة وصدقني هتلاقي عارف وهو هيصرف

الرب يباركم ويثمر في خدمتكم

[elphilasouf]

مشكله الخدام اليوم أنهم مش روحيين ومعندهمش أدني علاقه حيه مع ربنا
ودي أكبر مشكله ممكن توقع وتدمر أي كنيسه

[aymonded]

سلام من رب المجد والحياة

أولاً: يا أحبائي انتبهوا وصححوا رؤتكم للخدمة وعمل الله الذي أن أخذه أحد من موضع آخر غير الطريق الصحيح المرسوم من الله فأنه يُدان، أو يحيا خارج مشيئة الله المعلنة في الكتاب المقدس أن كان لا يُدرك هذا قط، فليس كل واحد له الخدمة ولا تأتي بدعوة الناس ولا مجرد سمع خبر منهم أو أخذ أمر بالخدمة حتى ولو من كاهن، لابد من أن الله يدعو أولاً دعوة مسموعة في القلب، ها أنذا أرسلني، والله يعطي رسالة بوعي في قلب الإنسان وضميره الطاهر بالروح القدس، أن تاب الإنسان وتمرس في حياة التوبة والتلامس مع الله في النور ...

ثانياً: هناك فرق شاسع بين الضعف والسقوط في أي خطية لأن لن يوجد من هو معصوم، وبين من هو حياته في الشر والفساد، أي طبيعته قديمة بحسب شهوات قلبه المنقاد بذهنه المظلم من نور الله !!!

فالموضوع مش موضوع شكل على قدر ما هو حالة قلب، فهل الخادم يعرف الله ويحيا معه ونوره أشرق في قلبه وسطع في ذهنه وأخذ رسالة من الله ليُتممها فرآها فيه أبيه الروحي فانطلق يخدم بقوة الله، أم أنه لم يعرف الله كشخص حي وحضور مُحيي ولم يبصر نوره ولم يسمع صوته، وخدمته أتت بسبب ترشيح الناس وتزكية أب اعترافه بدون صوت واضح من الله ومحمل من مواهب الروح القدس !!!

ومن المستحيل واحد يعرف الرب ويحيا معه وأخذ منه إرسالية ويبقى متكبر لأنه مكتوب: يقاوم الله المستكبرين أما المتواضعين فيعطيهم نعمة !!!

كيف يتفق الروح القدس مع الكبرياء هذا مستحيل قط، فلو هناك ضعف ما، أي تعثر في الطريق، أو سقوط بسبب عدم الانتباه أو في عدم تدبير أو بسبب المشاركة مع شخص شرير لا يعرف الرب لأن أي شركة بين الظلمة والنور، لأن اشتراكنا مع من لم يعرف الرب ممكن أن يسقطنا في خطايا لا نصدق إننا نسقط فيها !!! ولكن من يضعف يقوم فوراً نافضاً أوجاع الموت طالباً الرب منه قلبه ولا عصمة لأحد في ذلك مهما ما كان إنسان روحي جبار وعظيم...

أما لو شخص ما الخطية حياته، أو حتى عنده أخلاق ممتازة ولكنه لا يعرف الرب وليس له شركة معه على مستوى اللمس من جهة كلمة الحياة وتذوق عميق للحق ومعرفة الله كنور مشرق في قلبه وذهنه بالنعمة، فأن خدمته ستصير باطل لها مظهر رائع وهمي لا يوجد فيه الله والكلمة تخرج منه ميتة لا روح فيها حتى لو حفظ الكتاب المقدس كله وفسره وشرحه شرحاً سليماً وله كل المعارف الروحية واللاهوتية الصحيحة، فالله لو كان خارجاً عنه وغير متواجد في داخله فباطلة هي خدمته والمخدومين سيضلون حتماً عن معرفة الله وسيعرفون الكتب من جهة العلم والمعرفة والعلم ينفخ ويوصل لكبرياء القلب الذي هو سقطة الشيطان، لذلك الكبرياء يرفض تماماً من أمام الله، وهناك فرق بين الفريسي الذي قام بكل واجباته وبين الخاطي المتكل على الله بانكسار القلب طالباً منه الثوب السماوي ليستر عريه... أرجو أن أكون وضحت جوانب الموضوع الذي لم يتحدث فيها أحد... النعمة معك

[aymonded]

المشاركة الأصلية كتبت بواسطة elphilasouf مشكله الخدام اليوم أنهم مش روحيين ومعندهمش أدني علاقه حيه مع ربنا ودي أكبر مشكله ممكن توقع وتدمر أي كنيسه

هذا هو الكلام المظبوط
وأحب اقول لك يا مارو لو فلاح عنده أرض بور غير منتجة ولا يوجد فيها أشجار حيه والأرض محروقة وكلها أشواك، فاتى هذا الفلاح وأحضر شجرة يابسة وقد تجمدت وتحجرت مع الأيام والسنين وزرعها في أرضة وقال لابد أن تثمر فلأجملها بالثمار وأحضر ثمار طازجة ولصقها فيها وفرح بشكلها، وبعد أيام ليست بكثيرة وجد أن الثمر يبس بل فسد وظهر فيه الدود وأصابته عفونه، لأنه أصبح ميت لا تصله ماء الحياة والغذاء من جذر الشجرة، لأن الشجرة بلا جذور تمتص الماء والغذاء من التربة الصالحة...

فماذا ينفع الإنسان الذي تدرب من الخارج على أنه يبطل شكل الخطية والقلب من الداخل فاسد لا يوجد فيه الله ولا يمتص عصارة الحياة من رب المجد الذي هو الكرمة الحقيقية وكل من يثبت فيه ينقيه ليأتي بثمر، فالثمار أي الأعمال الخارجية لا تأتي من الخارج بلصقها في الإنسان وتدريب النفس مثل علم النفس لأن هذا يدرب الشخص كيف يكون إنسان سوي، وليس إنسان الله الذي يشع فيه نوره السماوي، ويحيا وصية الله لأن وصية الله لا يقدر أن ينفذها الإنسان بقدارتة البشرية الضعيفة لابد من أن الروح القدس هو الذي يعطية القوة لفعلها بموافقة إرادته التي تحررت بنعمة الله ...
فالتداريب الإنسانية لا تحرر الإنسان وتعطية نور الله، لأن نور الله هو إشراق النعمة في القلب والذهن معاً، كما هو مكتوب: ففتح ذهنهم ليفهموا الكتب...

فصدقني الخدام لا يحتاجوا تدريب على أنهم يكفوا عن الكبرياء ولا السجائر ولا اي خطية، بل يحتاجون للنور أن يشرق في قلوبهم فتتبدد الظلمة، لأنه يستحيل على إنسان ما أن يُلاشي الظلمة أن لم يُشرق النور فتتبدد... والرب هو نور النفس لا نستحضره إنما هو من يأتي ليغير النفس ويجدد الإنسان... النعمة معكم آمين

[ماروجيرافك]

فعلا يا استاذ ايمن وانا عندما قلت يجب ان يكون الخادم قد اخذ نوع من التدريب من اب الاعتراف او فصل اعداد خدمة لم اقصد فقط التدريب علي كيفية الخدمه بل التدريب الروحي السليم النابع من الجوهر
لان فاقد الشئ لايمكن ان يعطي ولو اعطا لم يجني ثمره
الرب يباركم ويثمر في خدمتكم

[aymonded]

بالظبط يا أجمل أخ حلو، لأن المشكلة مش مشكلة ضعف لأننا كلنا بنضعف ومعرضين أن نسقط، المشكلة الحقيقية من الذي أخذ من الله ومن الذي لم يأخذ، لأن الذي لم يأخذ فليس له أن يخدم بقوة الله بل من عند ذاته واختراع فكره البعيد عن مقاصد الله، اما من أخذ فله العطية من الله، وهو من يعمل لأنها عطية روحه القدوس، والتداريب الروحية لا تنفع من لم يعرف طريق النور والحق، مثل الذي في القبر ميت لا يحتاج لطعام أو تحرك عضلات جسده لكي لا تضمر لأنه ميت، بل يلزمة أولاً أن يقوم من الموت لكي ينفعه الطعام وتدريب الجسد، النعمة معك كل حين