[اللة يرعانى]

موضوع مهم جدا جداا

اية الى بيحصل دا وبنسمع عنو طبعا كلنا عرفين بموضوع التحرش للبنات فى شوارع زمن اتغير ولا ناس هى الى اتغيرت
موضوع مش سهل دلوقتى بنات بقت بتخرج وهى خيفة

ياترى اية سبب انى يخلى ولد يقول لبنت كلمة جرحة ليها

البنت دى ممكن تكون اختو او ولدتو
لية زعلها بكلام مينفعش انها تسمعو
ياترى العيب فى بنت
ولد
ولا ظروف الى احنا فيها من بطالة وارتفاع اسعار

لازم كلنا كبنات وشباب نتكلم فى موضوع دا
سوال لكل
ولد
وبنت

اية السبب انى يخلى ولد يتعرض للبنت فى شارع ويضيقها...

ربنا يحافظ على ولادو

المصدر: †† ارثوذكس †† - من قسم: الموضوعات الشبابية

[Team Work®]

بصراحة مش عارف ارد اقول اية بس باب النقاش مفتوح ونحب نسمع الاراء

[kottah_sh]

الولد بيعمل كده
من باب التسليه
او الفراغ
او الرجوله
شايف نفسه لو عمل كده يبقى كبر وبقى راجل
الاسباب كلها مش مبرر علشان يعمل كده
ميرسى ياجيله على الموضوع اللذيذ ده
وياريت نسمع باقى الاراء

[minabobos]

انا مش عارف لية الناس بتعمل كده
يمكن العيب ان الكل بعد عن ربنا والكنيسه
ومحدش مهتم اوى كده لية
ربنا يستر علينا
ويبعدنا عن الشر

[ماروجيرافك]

بصراحه انا شايف ان المشكله مش بس في اخلاق الشاب او لبس البنت
لمشكله ايضا في المجتمع بمعني ان لو مثلا الشباب لو لهم ثقافه متقدمه وعمل مفيد .
صدقوني هيبقي معظم الشباب تفكرهم هيتغير مع وجود طبعا امثال لعدم الاخلاق
وبالنسبه برده للبنت انا شايف انها لازم تراعي شويه في طريقه لبسها مش عشان الناس بس
لانها صوره المسيح علي الارض (بس برضو مش هتسلمو من المعاكسات للاسف)

[Nana_English]

المشاركة الأصلية كتبت بواسطة kottah_sh الولد بيعمل كده من باب التسليه او الفراغ او الرجوله شايف نفسه لو عمل كده يبقى كبر وبقى راجل الاسباب كلها مش مبرر علشان يعمل كده ميرسى ياجيله على الموضوع اللذيذ ده وياريت نسمع باقى الاراء

لأ سورى أنا احتج
دى مش رجولة ده احساس بالنقص والعجز من ظروف اقتصادية او اجتماعية او نفسية... الخ
لكن مش رجووووولة خالص
الرجل بيكون قوى وبيقدر يضبط نفسه وبيكون عنده احساس حقيقى برجولته مش مجرد تعويض ودى حيلة دفاعية بيلجأ ليها الشخص لتعويض نقص ما
ميرررررررررررسى جدآ على الموضوع
God bless u

[Malak sokar]

انا بردو نفسي اعرف مستنين الاجابة منكو
وطبعا الموضوع مافهوش اي نوع من الرجولة
هههههههههههههههههههههههه

[شمعة]

موضوع صعب اوى
وعايز كلام كتير
بجد الى بيحصل دة صعب على الكل
صعب ان الولد يشعر بالنقص وانة لا يملك شى
لا يملك عمل ياخد وقتة ولا مال ولا حتى امراة تحبة ويحبة

بيهرب من الظروف انة يرخم على بنت فى الشارع
بس اكيد اكيد
لو الشاب دة اتخرج وقدر يشوف المستقبل قدامة مفتوح هيعمل كدة لا طبعا ؟

بس بجد دة تفريغ طاقة
بس بردة دة مش صح لكن اكيد فية حاجة وصلتة للشر دة
استحالة يكون هو كدة وحش
فية شى خلاة يوصل للمرحلة المرة دة
بجد لاشخاص دول مجتاجين ايد ربنا
وصلوات كل الى يشوف حالى زى دة
وربنا قادر على التغير
وفى لاول ولاخر باب التوبة مفتوح للكل
وكل من غفر لة اكثر يحب اكثر
ربنا يقبلنا كلنا
دة راى مش عارفة لية بس دة احساسى بيهم

[kottah_sh]

يا جماعه انا مش بقول ان دى رجوله
لكن هوه مفكر انى دى رجوله
وطبعا المعاكسه ملهاش اى صله بالرجوله نهائى
وميرسى يا جماعه على الردود

[حنين سنين]

هو فعلا نقص عندهم وكمان بيرجع للتنشئه الاجتماعيه اللى عايشين فيها
وتعاليم لكنيسه كمان بتفرق كتيررررررررررر
لكن دايما ربنايحافظ على اولاده وويحميهم