[عماد حسنى]

دموعنا

يارب دموعنا اليك بتنادى 00 وانت بتقول انتوا ولادى
ولادك غدروا بيهم المجرمين 00 ولادك ياربى اللى ليك مخلصين

ياربى تعالى انت وحاكم 00 تعالى لولادك أحكم وأقضى
عشمنا لا يمكن يكون فى محاكم 00 ولا شعارات وكلام بيعدى

ياربى دموعنا ماليا عينينا 00 والحزن مالينا بيقطع فينا
الظلم بيكتر أوى حوالينا 00 محتاجين عدلك تعالى نجينا

ياربى ولادك سبونا وراحوا 00 مش قادرين على بعادهم
بس عندك هما ارتاحوا 00 تعالى وعزينا على فراقهم

تعالى وخد ياربى بحقنا 00 من اللى استحلوا لنفوسهم دمنا
من اللى بيموتوا ولادنا 00 وقتلوا بغدرهم زهور عمرنا

تعالى لأم أبنها راح 00 وريها عدلك علشان ترتاح
وريها غلاوه ابنها أيه 00 ماهو أبنك وأنت فاديه

ياربى ولادك ماتوا خيانه 00 ماتوا وهما اد الامانه
ماتوا ياربى وشايلين أسمك 00 ماتوا وهما هدفهم شخصك

ياربى أبداً مش هتنسانا 00 ولا هنقضى العمر حزانا
مهما العالم يتحدانا 00 صليبك لينا كل منانا

مهما يحابوا ويقوموا علينا 00 مهما هايخدوا ما تملك ايدينا
أصل وطنا بينده علينا 00 واحنا رجانا فى سماك يا فادينا

الغربه مرار وكله هلاك 00 صابرين فيها بنتبع خطاك
انت ياربى كل حياتنا 00 فى السما والارض احنا معاك

المصدر: †† ارثوذكس †† - من قسم: القسم الادبي

[سامح نبيل]

كلمات جميل
جدا جدا جدا
ياشاعرنا
الجميل
وربنا يبارك
حياتك

[كيرو رافت]

ياربى دموعنا ماليا عينينا 00 والحزن مالينا بيقطع فينا
الظلم بيكتر أوى حوالينا 00 محتاجين عدلك تعالى نجينا

ياااااااااااااااااااااه يا عمده على الجمالوالحلاوة
جمال هذه الابيات نابع انها بتمثل حاله موش مجرد قواله
احساسك الرائع الموجود فى الكلمات والعمق فى العبارات
خلانى بحسها من كل قلبى واحبها مع انها زودت جوايا همى
على الحق اللى ضاع وشبابنا اللى مات بدون اى زنب
لكن ماذا نفعل انثور انغضب ونحطم الدنيا ام نرضى بما هو كائن ونسكت الضمائر
شكرا ليك يا احلى عمدة فى الدنيا كلها

[M@@@NOOOO]

بجد كلمات تحفه ومعانى جباااااااااااااااااااااار ه
وجت فى وقتها اوى ياعمده
فعلا شباب كتير ضاع عمرهم وفعلا ملهمش زنبهم
بس كل اللى ممكن اقوله ان ربنا يرحمنا جميعاااااااا
ميرسى ليك كتير اوى اوى ياعمده على الكلام الجميل ده
وربنا يبارك حياتك

[sabryhanna]

يامبدع ياعماد ياابو الاحساس
كلمات فيها احساس عاااالي
الرب يبارك حياتك

[وردة حزينة]

ياربى دموعنا ماليا عينينا 00 والحزن مالينا بيقطع فينا
الظلم بيكتر أوى حوالينا 00 محتاجين عدلك تعالى نجينا

رائع ياعماد كلماتك مستنى بجد واثرت فيا جدا
ميرسى كتير ليك يااجمل شاعر فى الدنيا

[عماد حسنى]

المشاركة الأصلية كتبت بواسطة سامح نبيل كلمات جميل جدا جدا جدا ياشاعرنا الجميل وربنا يبارك حياتك

شكرا جدا جدا يا
سامح
على مشاركتك الرائعه
ربنا يخليك ويباركك

[عماد حسنى]

المشاركة الأصلية كتبت بواسطة كيرو رافت ياربى دموعنا ماليا عينينا 00 والحزن مالينا بيقطع فينا الظلم بيكتر أوى حوالينا 00 محتاجين عدلك تعالى نجينا ياااااااااااااااااااااه يا عمده على الجمالوالحلاوة جمال هذه الابيات نابع انها بتمثل حاله موش مجرد قواله احساسك الرائع الموجود فى الكلمات والعمق فى العبارات خلانى بحسها من كل قلبى واحبها مع انها زودت جوايا همى على الحق اللى ضاع وشبابنا اللى مات بدون اى زنب لكن ماذا نفعل انثور انغضب ونحطم الدنيا ام نرضى بما هو كائن ونسكت الضمائر شكرا ليك يا احلى عمدة فى الدنيا كلها

شكرا ليك انت يا كيرو
على كلام الجميل اوى ده
على احساس
على محبتك
انا حاولت وياريت اكون قدرت اكتب ولو حرف واحد من اللى جوايا من اللى بنعيشه
ربنا يحافظ على كل اولاده فى كل الدنيا
الف الف شكر يا جميل
ربنا يخليك ويكون معاك

[عماد حسنى]

المشاركة الأصلية كتبت بواسطة m@@@noooo بجد كلمات تحفه ومعانى جباااااااااااااااااااااار ه وجت فى وقتها اوى ياعمده فعلا شباب كتير ضاع عمرهم وفعلا ملهمش زنبهم بس كل اللى ممكن اقوله ان ربنا يرحمنا جميعاااااااا ميرسى ليك كتير اوى اوى ياعمده على الكلام الجميل ده وربنا يبارك حياتك

صدقنى يا مانووو
الموقف صعب اوى علينا
لو الواحد تابع بس الاحداث من باب المتابعه مش اكتر هايكتب اكتر من كده
ربنا مع اولاده يحافظ عليهم ويحميهم
شكرا جدا جدا يا جميل
علفى مشاركتك الرائعه الجميله
ربنا يحافظ عليك ويكون معاك

[عماد حسنى]

المشاركة الأصلية كتبت بواسطة sabryhanna يامبدع ياعماد ياابو الاحساس كلمات فيها احساس عاااالي الرب يبارك حياتك

شكرا جدا جدا يا صبرى
وصدقنى ياريت اقدر اكتب كويس فى الموضوع ده بالاخص
لانه مش مجرد احساس
دى حاله وكلنا عايشين فيها وشايفنها
ربنا يرحم
ويحافظ على كل اولاده فى كل مكان
الف شكر يا جميل على محبتك ونورك اللى مالى الموضوع
ربنا معاك ويباركك