[ebn elmaseh]

يالى قتلت اخويا فى ليله عيد بهيه

الحق مش عليك صدقنى انت ضحيه

الحق ع اللى علمك وشربك الوحشيه

وقاللك القبط نجس مالهمش ديه

وجنتنا مافيهاش لا قبطى ولا قبطيه

كل ماتقتل منهم اكتر كل ما تعجب م الجنه حوريه

دمر احرق اهتك اقتل ماتسيبشى صبى ولا صبيه

ولو سيبته يعيش يبقى عبد ليك او جاريه

يعيش مذلول وصاغر مايدوقش طعم الحريه

لو قابلته فى طريق تضيق عليه دا مواطن درجه تانيه



صدقنى اخويا اللى قتلته زمانه بيطلب ليك طلبه قويه

زى ابوه مااعلمه ان يغفر مهما تكون اللطمه قويه

هو راح وبيتنعم بمراحم ابويه

وانت هاتفضل تتعذب فى جحيم عنف وهمجيه

بس هااقولك حاجه اسمعها انت تهمنى وغالى عليا

لو ضامن جنتك المزعومه داهيا

لو ضامن تعيش فى حضن جوريه

تعالى اقتلنى وانا نفسى راضيه

انا مش هااسكن حضن حوريه

انا هااسكن حضن فاديك وفاديا

أنا ماليش هنا مدينه باقيه دى رحلة غربه ليك وليا

دى مدينتى مدينه سماويه

مافيهاش لبن وعسل وافراح ارضيه

فيها فرح وسلام وراحه وتسبيحات الحانها شجيه

فيها ملك وشعبه بيرنم ترنيمة نصره الهيه

فيها شهدا زى اخويا واقفين فىملابس نورانيه

واقفين فى عنيهم شوق لشهداء الايام الجايه

يعنى خلاصةالقول احنا كنيسة شهدا وشهود حيه

واذا كانوا صلبوا مسيحنا فاهلا بعصورالاستشهاد الجايه

المصدر: †† ارثوذكس †† - من قسم: القسم الادبي

[youssef_fawzy2001]

كلماتك مؤثرة ........... ربنا يعزى الجميع

[emmmy]

حلوة اوى اوى اوى يا ابن المسيح
بجد رررررروعة وجميلة كلمات مؤثرة
وكلنا محتاجين نسمعها حقيقى مرسى ليك كتير

[ebn elmaseh]

المشاركة الأصلية كتبت بواسطة emmmy حلوة اوى اوى اوى يا ابن المسيح بجد رررررروعة وجميلة كلمات مؤثرة وكلنا محتاجين نسمعها حقيقى مرسى ليك كتير

ميرثى ليكى ياايمى

[marina m]

كلمات فى قمة الروعة
ميرسى خالص ابن المسيح
ربنا يباركك

[totty fruity]

كلمات جميله وفى منتهى الروعه
بجد ربنا يباركك

[ebn elmaseh]

ميرثى خالص لكل اللى بيشجعونى وربنا يعزينا كلنا

[bassem8800370]

أنا ماليش هنا مدينه باقيه دى رحلة غربه ليك وليا

دى مدينتى مدينه سماويه
كلمات جميله جدااا

[marmargogo]

كلمات رائعة بل فوق الرائعة الرب يبارك حياتك

[ebn elmaseh]

ميرثىلى التشجيع الجميل اللى انا مااستهلوش وصلوا عشانى كتير