[منيمو]

...طعم السعادة...
خيال حلم ولا واقع اليم
حب و مودة ولا غدر سنين
لامتى هنفضل حاسين بانين
و لامتى الفرحة هتفضل جنين
نفسى اعرف طعمها
نفسى افهم يعنى اية اسمها
عاوزة اعرف هل هتيجى فى وقتها..!!
ولا الواحد هيفضل حزين؟
نفسى اعرف يعنى اية طعم السعادة
لو حد جربها يفهمنى يا سادة
قولولى
قولولى عشان اشرب ع نفسى قهوة سادة
انا مش بحسد اللى شاربينها سكر زيادة
انا بس نفسى يوصفولى معنى اسمها
و اية شكلها....و هل صح اللى بيتقال عنها؟
متستغربوش.....انا اصلى مجربتهاش
كان نفسى اشوفها و مشفتهاش
كان نفسى اعيشها و معشتهاش
لو هتيجى انا مستنية..
و لو مش جايةخلاص بلاش

انااسفة ع الحزن متزعلوش يا احلى اخوات بس استحملونى و قولوا رايكوا

المصدر: †† ارثوذكس †† - من قسم: القسم الادبي

[منيمو]

اية يا جماعة فين مشاركتكوا

[كيرو رافت]

انا موش عارف اقول ايه على الكلمات الرائعه دى
مهما قولت او اتكلمت موش هاقدر اوفيكى حقك
بجد كلمات فى العمق كلمات فى منتهى القوة والروعه حتى وان كانت حزينه زى مابتقولى
هايل بجد يا متيمو تسلم ايدك

[شنوده جرجس]

أنا بقى اللى هأرد عليكى يأ أجمل منيمو

إنتى لسة سنك صغير ليه يا بنتى شايفة الدنيا بنظارة سوده وإنتى بتقولى فى كلامك

نفسى اعرف يعنى اية طعم السعادة
لو حد جربها يفهمنى يا سادة
قولولى

أنا بقى أقول لك إن السعادة والفرح الحقيقى هما فى المسيح فالإرتباط بالمسيح هو منبع السعادة الحقيقية والبعد عنه هو كل ما ذكرتيه

فكيف نحزن والآية تقول(إفرحوا بالرب فى كل حين وأقول أيضاً إفرحوا )

لاحظى إن الفرح مذكور مرتين فى أول وآخر الآية للتأكيد وحتى ينبغى كذلك أن نفرح وقت التجارب والضيقات( إحسبوه كل فرح يا إخوتى حينما تقعوا فى تجارب متعددة )

كان نفسى اشوفها و مشفتهاش
كان نفسى اعيشها و معشتهاش
لو هتيجى انا مستنية..
و لو مش جايةخلاص بلاش

تشوفى الفرحة وتعيشيها بإرتباطك بأبوكى السماوى بالصلاة وبقراءة الكتاب المقدس وبالترانيم الروحية الجميلة والمفرحة للقلوب والبعد عن كل ما يحزنه وانتى طبعاً عارفة إية اللى يغضبة يعنى نتشبه به ونحيا حية القداسة كما هو قدوس

ومتزعليش الأخوة الأعضاء أكيد هيردوا عليكى بس إحنا منعرفش ظروفهم ومشغولياتهم إيه بس أنت صلى وقولى له يارب سامحنى على فكرى الخاطئ أنا بحبك جداً ؛ يارب كون معايا ومتسبنيش أبداً وعاوزاك يارب تعيشنى السعادة الحقيقية معاك .

ربنا يباركك ويحفظك من كل شر ويجعل قلبك مليان بالفرح والسعادة الحقيقية

[منيمو]

المشاركة الأصلية كتبت بواسطة كيرو رافت انا موش عارف اقول ايه على الكلمات الرائعه دى مهما قولت او اتكلمت موش هاقدر اوفيكى حقك بجد كلمات فى العمق كلمات فى منتهى القوة والروعه حتى وان كانت حزينه زى مابتقولى هايل بجد يا متيمو تسلم ايدك

ميرسى يا كيرو ع ردك الجميل دة و تشجيعك انا مستهلش المحبة دى ربنا يعوضك

[منيمو]

المشاركة الأصلية كتبت بواسطة شنوده جرجس أنا بقى اللى هأرد عليكى يأ أجمل منيمو إنتى لسة سنك صغير ليه يا بنتى شايفة الدنيا بنظارة سوده وإنتى بتقولى فى كلامك نفسى اعرف يعنى اية طعم السعادة لو حد جربها يفهمنى يا سادة قولولى أنا بقى أقول لك إن السعادة والفرح الحقيقى هما فى المسيح فالإرتباط بالمسيح هو منبع السعادة الحقيقية والبعد عنه هو كل ما ذكرتيه فكيف نحزن والآية تقول(إفرحوا بالرب فى كل حين وأقول أيضاً إفرحوا ) لاحظى إن الفرح مذكور مرتين فى أول وآخر الآية للتأكيد وحتى ينبغى كذلك أن نفرح وقت التجارب والضيقات( إحسبوه كل فرح يا إخوتى حينما تقعوا فى تجارب متعددة ) كان نفسى اشوفها و مشفتهاش كان نفسى اعيشها و معشتهاش لو هتيجى انا مستنية.. و لو مش جايةخلاص بلاش تشوفى الفرحة وتعيشيها بإرتباطك بأبوكى السماوى بالصلاة وبقراءة الكتاب المقدس وبالترانيم الروحية الجميلة والمفرحة للقلوب والبعد عن كل ما يحزنه وانتى طبعاً عارفة إية اللى يغضبة يعنى نتشبه به ونحيا حية القداسة كما هو قدوس ومتزعليش الأخوة الأعضاء أكيد هيردوا عليكى بس إحنا منعرفش ظروفهم ومشغولياتهم إيه بس أنت صلى وقولى له يارب سامحنى على فكرى الخاطئ أنا بحبك جداً ؛ يارب كون معايا ومتسبنيش أبداً وعاوزاك يارب تعيشنى السعادة الحقيقية معاك . ربنا يباركك ويحفظك من كل شر ويجعل قلبك مليان بالفرح والسعادة الحقيقية

ميرسى يا استاذ شنودة خالص خالص ع الرد الحلو دة و طبعا معاك حق السعادة الحقيقية مع المسيح لكن الواحد بيحزن شوية و يتعب و المسيح بيمسح دموعة و يفرحة بعدها و انا اسفة ان كان فكرى خاطىء و المسيح يسامحنى بمحبتة بس لازم بردو الواحد ينوع ف شعرة حزين و فرحان و كلة يعنى
و ميرسى لمرورك و ربنا يعوض تعبك