[elphilasouf]

وصلت هذه الرسالة الالكترونية الى رئيس دولة الأرجنتين الذى قام بشطبها فورا دون قراءتها اعتقادا منه انها من نفايات الانترنت- بعد ثمانية أيام توفى ابنه- شخص آخر وصلته هذه الرسالة وقام بارسالها الى عديدين من معارفه-بعد أيام كسب اللوترى-شخص آخر اسمه ألبرتو مارتينيه وصلته نفس الرسالة بالصورة - قام باعطائها الى سكرتيرته طالبا منها ارسال صورا عديدة منها الى أصدقاؤه لكنها نسيت ارسالها للعديدين - هى فقدت وظيفتها وهو فقد عائلته -

الرساله دي جتلى ع الميل فابصرحه فكرت انفض للرساله دي واشوف ياتري ايه الى مكن يحصل هل مكن افقد روحى ؟؟!!! ولا افقد اسرتى


عاوز اسمع رايكوا فى الرسايل الى زي كده



عمتا انا رايي ان دي رساله من جاهل وصلت لجاهل ونقلها جاهل وكل الى حصل جهل فى جهل


ازاي يتحدد مصيري برساله زي كده ؟


وزاي ممكن اكسب اللوتري ده ولا اكسب ربع جنيه حته عشان وزعت صوره حتى لو كانت الصوره دي لشخص المسيح



هو احنا مسيحنات كده برضه ؟

واصبح فى وسيله سهله عشان نبقى جهله


استيقظوا يابنى النور

المصدر: †† ارثوذكس †† - من قسم: كلام فى الممنوع

[ماروجيرافك]

فعلا يا فيلو الموضوع ده منتشر جدا دلوقتي في مصر هو الاول كان مقتصر علي الدول العربيه
بس للاسف في ناس كتيره بتجري وتصدق الموضوع ده لو مش عشان المكسب يبقي عشان خافين فعلا لحسن يحصل حاجه
وفعلا في احد الكنائس فجاه انهم بيوزعو فيها ورقه فيها معجزه للعذارء مريم وبيقولو ان لازم تصور عشر نسخ وتوزعها
معتقدش يعني ان ام النور محتاج حد يوزعلها ويعرف الناس بيها
ربنا قادر ان ينير قلوبنا قبل اذهاننا
شكرا يال فليو علي التنبيه ده

[elphilasouf]

الموضوع اول ماشوفته وحسيت بيه لما
وحده جارتنا جبتلنا ورقه معجزه للعدرا وكده برضه وقالتلنا صورها بس احنا نفضنا ومصورنهاش
بعد كام يوم كان ابونا بينبه فى الكنيسه عن كده

بستغلوا بساطه الشعب يا ماريو
تخيل لما واحد يعمل ورقه زي كده وتلف تلف وتنتشر وترجعله تانى هيحس بكده انه نحج
بس نجح وفى المقابل من كده عمل حاجه غلط

ربنا يرحمنا ويدينا النعمه والحكمه اننا نفرق بين الصح والغلط
ميرسي لردك الحلو يا اجمل ماريو

[gerkimo]

صدقني يا فليسوف افضل كلمه قلتها الرسايل دي نقلها فعلاجهل في جهل
وللاسف بنشوفها كتير جدا
شكرا علي الموضوع ربنا يباك حياتك

[finyara]

انا فعلا شوفت رسايل كده كتير ونفضتلها زيك يا فيلو لان زى مانت قلت ربنا مش هيربط مصيرنا برساله يعنى الواحد يروح بقى يغلط ويعمل خطايا وبعدين بدل مايتوب ويعترف لا يقعد يوزع فى رسايل هههههههههههههه ماكانش حد غلب ياناس ياغلابه

[ريم الخوري]

يا سلام هي وصلت ليكم دلواتي بس

صراحة شو بدي اقول كلمة جهل دي قليلة . ...
وبعدين عمر ربنا او الام العذراء او القديسين ما كانت محبتهم مشروطة للبشر .. اعمل كدة وحديك كدة.... اللي بيؤمن باشياء متل هاي بيبقي ايمانة ضعيف
بس اعتقد ان ابناء الكنيسة الحقيقين قادرين على التميز بين ما هو من الروح القدس وما هو من الشيطان اللي بيحاول يضعف الايمان

شكراً على الموضوع
الرب يبارك حياتك

[elphilasouf]

ربنا يرحمنا ويدينا نعمه اننا نفرق بين الصح والغلط
ميرسي لمروركوا يا اجمل اخوه احبهم فى المسيح الرب

[aymonded]

حينما تتفشى روح الجهل ، ويشرع الكثرين في نشر الخوزعبلات ، فتجد رواجاً وقبول عند بعض الناس الذي يعتريهم الخوف ، وذلك كله بسب أن محبة الله لم تملك على القلب ، لذلك الخوف أصبح سائد على القلب والرعبة تسري في أوصال فيصدق الضلال والفكر الباطل كل من يسمعه ويصغي غليه ويقبله في الحال !!!
" كانوا تارة تقتحمهم الاخيلة و تارة تنحل قواهم من انخلاع قلوبهم لما غشيهم من مفاجاة الخوف الغير المتوقع " (الحكمة 17 : 14)
" لا خوف في المحبة بل المحبة الكاملة تطرح الخوف الى خارج لأن الخوف له عذاب ، و أما من خاف فلم يتكمل في المحبة " (1يو 4 : 18 )

حينما يضعف الإيمان وتقل محبة الله ، ولا يوجد معرفة لله الحي في القلب : يتخبط الإنسان في ظلام ولا يميز ما بين الطريق المستقيم والطريق المعوج ، وذلك لأنه لا يرى بعينيه ، ويحتاج إلى البصيرة من الله ...

+ " و قال ايها الممتلئ كل غش و كل خبث يا ابن ابليس يا عدو كل بر الا تزال تفسد سبل الله المستقيمة "(اع 13 : 10)
+ " و اصنعوا لأرجلكم مسالك مستقيمة لكي لا يعتسف الاعرج بل بالحري يشفى " (عب 12 : 13)


وهبنا الله ورح الإفراز والفهم لنميز مابين الأمور المتخالفة ، لأنه : " توجد طريق تظهر للانسان مستقيمة و عاقبتها طرق الموت " (ام 14 : 12)

النعمة معك يا محبوب الله الحلو

[ماندى1]

هو فيه حد ادنى ورقه فيها معجزه للعدرا وقالى اصورها 50 نسخه واوزعها خلال 3 ايام ولو معملتش كده اما هموت او تحصلى اى حاجه

انا بصراحه خوفت جدا وروحت عملت زى ماهو قالى
بس لما سئلت ابونا قالى دول البروتستنت هما اللى بيعمله كده






ميرسى للموضوع الجميـــــــــــل

[aymonded]

أنا مش مع ابونا في هذا الكلام فلا البروتوستانت ولا غيرهم من طوائف معينه بيعملوا كده أصلاً ؛ دول شوية ناس مخهم تعبان ليس أكثر ولا أقل ، ولا علاقة لطائفة معينة بهذا الجهل ، لأنه تفشى في جميع الأوساط ولا توجد عقيدة مهما كانت تبيح هذا الكلام الذي ليس فيه عقل ولا حتى روح ولا حياة !!!
أقبلي مني كل تقدير