[croconile_co]

ارجو مساعدتي على تقديم اللغة القبطية للمخدومين
وذلك عن طريق افكار مبتكرة ( و غير تقليدية) للتعليم .
الطاقة موجودة يا جماعة بس المهم الافكار .
و اللي عنده مناهج يا ريت يعرضها في المشاركة .
و رجاء ذكر المرحلة التي تصلح الفكرة لتقديمها .

و ارب يبارك حياتكم .

المصدر: †† ارثوذكس †† - من قسم: تعلم اللغة القبطية

[croconile_co]

ايه يا جماعة ,’ محدش قال حاجة يعني
ارمي رميتك و متخفش ( شعار المرحلة )

[rooney93]

ياريت علشان نفسي اتعلمها

[ميناهناء]

ممكن تحبب المخدومين في اللغه عن طريق اسئله معدة مسبقا واجاباتها كلمات عاميه ذات اصل قبطى
مثل بعد الاستحمام بننشف نفسنا بايه ؟ الفوطه كلمه اصلها قبطى وهكذا حتى يدرك مدى تاثيرها عاى العربيه والانجليزية فكلمة فيل بالقبطيه إليفاس (إاليفانت بالانجليزية) وتصلح مع ابتدائى وممكن ايضا بدء محادثات بسيطة مثل صباح الخير ..... وهكذا وايضا هناك طرقه جميله بان تحكي لهم قصه كل حرف من الهيرغليفيه كما يفعل نيافة الانبا ديمتريوس أسقف ملوي
مثل حرف الالفا فهو اتى من النسر ويشبه كثيرا النسر في طريقة كتابته والرب يعوضك

[sangogo111]

ميرسى على تعبك
ربنا يباركك

[croconile_co]

ميرسي لكل الأفكار المطروحة و اللي فادتني كتير
و أنا عندي فكرة , :
الكتب الكبيرة و المراجع بتاعة القبطي , زي كتاب المرجع في قواعد اللغة القبطية, الكتاب المقدس, الأجبية, السنكسار بالقبطي , قاموس معوض داود ...إلخ
لو اتعملو في صورة رقمية , في صورة برنامج براق , مليء بالألوان و الصور و الأصوات , قد إيه يكون مفيد لكل الأعمار .
و الناس اللي بتتعلم قبطي مش حتستغنى عنه .

و لو هو برنامج , ممكن يتعمل ليه update من النت لإضافة كل ما هو جديد ليه.

فكرة , ممكن تتنفذ في المستقبل , و مع ذلك فهي فكرة ....!!!

[croconile_co]

نفسي يكون فيه قاموس ( قبطي / قبطي ) لأنه معروف إن أفضل وسيلة لشرح معنى كلمة هي استخدام نفس اللغة في وصفها .

[croconile_co]

فكرة أخرى
عمل سلسلة قصص مصورة باللغة القبطية \ , و نشرها في ملفات بور بوينت علي النت
قد إيه حتكون شيقة و مفيدة
وممكن تطبع بالألوان أو للتلوين

[croconile_co]

فكرة
استحداث الفاظ جديدة للغة القبطية لوصف المصطلحات الحديثة
التي لا توجد في القواميس القديمة
و ذلك بمعرفة لجنة متخصصة
و استناداً لاصول اللغة
مثل كلمة : تليفزيون
telenau
و هكذا

[elphilasouf]

croconile_co يمكنك الان البدء بتحديد أحد الافكار ودراسه كيفيه تنفيذها ....