[mjhoba]

يا جماعة كلنا طبعا بنحاول نرجع لربنا وبنبدا بداية كويسة اوى انا بروح خلوة وباجى من الخلوة انسان تانى بصلى وبصوم وبقرا الكتاب المقدس ومع ذلك الدنيا بتاخدنى جامد اوى مش عارف اعمل ايه ممكن اى حد يساعدنى عشان بجد تعبت نفسى اعمل اللى بعمله فى الدير فى العالم هنا وكمان اصحابى اللى مش قادر استغنى عنهم هما سبب انهم بياخدونى لكن انا مش بعلق شماعات انا السبب اكيد حد يساعدنى....

المصدر: †† ارثوذكس †† - من قسم: كلام فى الممنوع

[amgad nagy]

مش انت لوحدك الى كدة كلنا كدة نروح الدير خلوة نيجى اسبوع فى البيت ميه ميه صوم وصلاه ونقرب من ربنا لكن عارف الحل ايه حاول تتناول كتيير، وأنت مع اصحابك ولقتهم بيتكلموا فى اى حاجة حاول تغير الموضوع حتى لو مغيرتش الموضوع حاول تتكلم مع صديق تانى لو انتم قاعدين مجموعة مع بعض اتكلم معاه فى اى موضوع بحيث انك تبعد عن اى مناقشة هضرك وربنا يسامحنا كلنا ويقف معانا.

[alber helme]

ردك ياعزيزى ادمون كلام جميل ما اقرش اقول حاجه عنه . بس .. فى موضوعات اخرى قد اختلف ، والاختلاف لا يفسد للود قضية . مع احتامى وتقديرى

[كراكيب]

• فين اب الاعتراف وفين نصايحه ليك هو اكتر واحد يعرفك ويعرف دواخلك وخوارجك
• صلي لربنا بامانة واتكلم مع اب اعترافك بامانة وهي دي وظيفته انه يرشدك ولو معملش كدة يبقي مقصر وهيتحاسب وممكن تسيبه وتشوف غيره
• شكرا ليك

[aymonded]

صديقي الحلو بالطبع أن كان لك أب محنك مملوء حكمة الروح هايوجه قلبك بالتمام إلى التصرف الصحيح لكي ما تستفاد من خلوتك الحلوة في نور الله ...

ولكن فقط أحب أن اضيف بعض النقاط الغير مرتبة :
* الخلوة لكي تكون صحيحة ولها ثمر ، لابد من أن يكون لها دافع قلبي داخلي ويُفضل أن تكون تحت إرشاد الأب الروحي وتوجيهاته ...
* اي خلوة أو عمل روحي بلا أصالة الحب لله وتوجيه القلب للملئ بالمحبة الإلهية تصبح هزيلة وربما تأذي صاحبها وتصيبه بالكبرياء أو التصاغر حينما يجد أنها أصبحت بلا ثمر .
* أي ثمرة تخرج من خلوة أو عمل روحي عموماً لابد من الحفاظ عليها بالهذيذ فيها أو التركيز على ثمرتها بعد العودة للحياة اليومية العادية .
* البعد عن كل ما يؤذي الفكر والضمير ويصيب القلب بالبرودة ، وهذه ممكن معرفتها مع الأب الروحي والاستماع لإرشداته ...
* المواظبة على قراة الكلمة والصلاة مهما ما أصابنا من إحباط او كسل أو ضعف ، وحتى أن أهملناها يوم نعود مرة أخرى بإصرار وعزيمة وكأننا نبدأ من جديد أو أول مرة ...
* لا تبتعد عن الإفخارستيا بأي وضع أو حال .
* يفضل دائماً التزود بسير القديسين وجهادهم الحلو ، لأن حياة القديسين تلهب القلب حماسة وشغف لحياة عميقة مع الله واستمرارها مهما كانت الصعوبات ...

آسف للتطويل وأقبل مني كل حب وتقدير ، النعمة معك ببركة وصلوات آباءنا القديسين الأطهار محبي ربنا يسوع ...