[كراكيب]

ازايكم ياجماعة ايه الاخبار يارب تكونوا تمام

ياريت الناس اللي هتقرا الموضوع ده متستعجلش وتقرا الموضوع لاخره قبل مايهاجموني

وعلي فكرة انا ارثوذكسي وبحب ابونا عبد المسيح جدا وابونا يسي ميخائيل جدا وكتبت قبل كدة مسرحية للقديس موسي الاسود واتمثلت ومسرحية للقديسة انا سيمون ومسرحية للقديس شوري الصبي تحت الاعداد وبموت في القديسين وشفيعي مارجرجس الروماني وانا من غير القديسين دول مسواش حاجة زي ماانا وهما منسواش حاجة من غير ربنا طبعا
ابدا بقي موضوعي بس خليكوا فاكرين المقدمة دي

رملة ابونا يسي ميخائيل
انتشر في الفترة الاخيرة ان اللي ياخد من الرمل اللي موجود علي قبر ابونا يسي يشفي علي طول وبدا بقي الناس يعبوا الرملة دي ويبعوها والناس بدات تروح هناك تاخد من التراب وتشرب عيالهم منه
انا عاوز اسال سؤال هل هذه الرمال فاعليتها اقوي ام جسد ودم رب المجد هو الاقوي
بالطبع جسد ودم رب المجد
ماذا يحدث اذا اخذ احد من هذه الرمال وكانت ملوثة وسببت له تسمم طبعا هتحصل مصيبة انا عارف هتردوا وتقولوا ايه هتقولوا ان الرملة دي عمرها متعيي ولو مخففتش مش هتضر
عامة كل واحد حر في رايه وانا شايف اننا بقينا بنمشي في اوقات كتير ورا خرافات ويمكن ده انا وضحته في سلسلة مواضيع نرفضها داخل البيعة
عامة الموضوع مطروح للنقاش وانا علي فكرة عندي رد سيدنا البابا علي الموضوع ده بس مش هكتبه الا لما اشوف ارائكم
في انتظار ارائكم

المصدر: †† ارثوذكس †† - من قسم: كلام فى الممنوع

[armia1987]

شوف اقولك انا اختى معاها بنتين صغيرين عيالها اوك ولقيتنى باخد الرملة دى واحطها فى كوباية ميه واشرب المية استغربت وقالت ازاى وفى نفس اليوم بليل عيالها الجوز لقيتهم سخنوا واضطرت انها تسمع الكلام فى الاخر وتشربهم المية الموجودة جواها الرملة المية بس طبعا وفى الحال كانت العيال خفت

[SAMOOOOO]

هو بصراحه مش عارف ارد اقول ايه

لكن فى حاجه مهمه لازم اقولها ان اللى بيشرب الميه بالرمل ويكون عنده ايمان بس ايمان من قلبه بجد ان ابونا يسى هيتشفعله ويشفيه

اكيد ابونا يسى مش هيسيبه

فتلاقى الايمان له دور مهم جدا فى اى معجزه بتحصل

ده رايى باختصار وادينا هنشوف اراء الناس

[armia1987]

اكيد سامو ولو العملية عملية ايمان ممكن بدون الرملة اوك لكن نحط جنب الايمان التشفع بالقديسين

[masias_1]

بصوا دي مسألة ايمان و ربنا بيتعامل مع كل واحد حسب قلبه و حسب تفكيره....بيتعامل مع الجاهل أقصد الغير متعلم
و بيتعامل مع الانسان المتفتح الواعي....و بيتعامل مع اللاهوتيين و المفكرين و الكتاب....و بتعامل مع ذوي العقول الفذة الجبارة... و لكل واحد من هؤلاء ربنا أعطي مقدار من الايمان.....قد أصدق أنا شئ لا يصدقه غيري ممن هم اعلي مني علما و قد لا اصدق انا شئ في حين ان غيري يصدقه ممن هم اقل مني علما و تفتحا

و ياما اشياء كدبناها و طلعت حقيقية

لكن العبرة بالقلب النقي و بالايمان القوي الموجود في داخل القلب
كلنا نعرف قصة الراهبة العمياء في فيلم القديسة اناسيمون
قد نالت الشفاء عندما غسلت عينيها من الماء الذي غسلت به ارجل الانبا دانيال قس الاسقيط في ذلك الوقت

و ياللعجب الانبا دانيال ما طلعش الانبا دانيال........طلع حرامي جاي يسرق الدير
و لكن خدع الراهبة لأنها عمياء و عندما سألته من انت قال لها انا الانبا دانيال...لكي لا يفتضح امره و تصرخ و تكشف امره

فقالت في نفسها أنا لو غسلت ارجل الانبا دانيال و أخذت من الميه دي و غسلت وجهي فسوف أنال الشفاء
و الرب أعطاها ............... أعطاها حسب ايمانها

و ليس لأنه هو الانبا دانيال

فالموضوع موضوع ايمان بحت......دا فيه اب كاهن مرة حكا لي

ان مرة انسان جاله بيقول له يا ابونا صلي لي علي الزيت دا و انا هاعطيه لمريض و واثق ان ربنا هايتمجد بصلاتك
قال له ربنا يعطيك حسب ايمانك يا بني
و بالفعل نال حسب ايمانه

موضوع الرمل مش أنا مش هادافع عنه لكن الموضوع مش موضوع رمل و للا زيت وللا اي ماده الموضوع موضوع ايمان

طب أنا ممكن أسألك سؤال كم واحد عيان في الكنيسة بيتناول بالمستير اللي انت بتتناول بيه
هل مش ممكن تنتقل اي عدوي
عشان انت بتقول ان ممكن الرملة تعمل امراض لو كانت ملوثة
يا أخي الحبيب دا موضوع فوقاني و تدخلات الهيه عجيبة مش موضوع عقوووول

اسف للتطويل

[كراكيب]

المشاركة الأصلية كتبت بواسطة armia1987 شوف اقولك انا اختى معاها بنتين صغيرين عيالها اوك ولقيتنى باخد الرملة دى واحطها فى كوباية ميه واشرب المية استغربت وقالت ازاى وفى نفس اليوم بليل عيالها الجوز لقيتهم سخنوا واضطرت انها تسمع الكلام فى الاخر وتشربهم المية الموجودة جواها الرملة المية بس طبعا وفى الحال كانت العيال خفت

• طبعا الرملة دي معملتش حاجة خاااااااااااااااالص
• لكن قوة الايمان هي اللي شفتها
• اللي انا اقصده لو حد معندوش ايمان وشرب منها اكيد هيعيا
• وبعدين ليه المتاهات دي ماعندنا جسد ودم ربنا بيغنينا عن اي شيء
• لكن شفاعة القديسين مهمة جدا برده وكويس قوي اني اندر ندر لقديس معين
• انا اوقات معينة بحتاج اروح لقديس معين في المكان اللي هو فيه واتكلم معاه وبعمل كدة بالفعل

[كراكيب]

المشاركة الأصلية كتبت بواسطة samooooo هو بصراحه مش عارف ارد اقول ايه لكن فى حاجه مهمه لازم اقولها ان اللى بيشرب الميه بالرمل ويكون عنده ايمان بس ايمان من قلبه بجد ان ابونا يسى هيتشفعله ويشفيه اكيد ابونا يسى مش هيسيبه فتلاقى الايمان له دور مهم جدا فى اى معجزه بتحصل ده رايى باختصار وادينا هنشوف اراء الناس

• رايك ياسامو مظبوط مية في المية والايمان مش ليه دور مهم ده هو اللي خفف لكن الرملة طبعا مبتعملش اي حاجة من غير ايمان

[كراكيب]

[quote=masias_1;519788]بصوا دي مسألة ايمان و ربنا بيتعامل مع كل واحد حسب قلبه و حسب تفكيره....بيتعامل مع الجاهل أقصد الغير متعلم

• ( ودور المتعلم ان يعلم غير المتعلم ويعرفه طريق الرب )

و بيتعامل مع الانسان المتفتح الواعي....و بيتعامل مع اللاهوتيين و المفكرين و الكتاب....و بتعامل مع ذوي العقول الفذة الجبارة... و لكل واحد من هؤلاء ربنا أعطي مقدار من الايمان.....قد أصدق أنا شئ لا يصدقه غيري ممن هم اعلي مني علما و قد لا اصدق انا شئ في حين ان غيري يصدقه ممن هم اقل مني علما و تفتحا

و ياما اشياء كدبناها و طلعت حقيقية

• ( انا لااكذب ولكن اخاف من الاستعمال السيء لهذا الشيء )

لكن العبرة بالقلب النقي و بالايمان القوي الموجود في داخل القلب
كلنا نعرف قصة الراهبة العمياء في فيلم القديسة اناسيمون
قد نالت الشفاء عندما غسلت عينيها من الماء الذي غسلت به ارجل الانبا دانيال قس الاسقيط في ذلك الوقت

و ياللعجب الانبا دانيال ما طلعش الانبا دانيال........طلع حرامي جاي يسرق الدير
و لكن خدع الراهبة لأنها عمياء و عندما سألته من انت قال لها انا الانبا دانيال...لكي لا يفتضح امره و تصرخ و تكشف امره

فقالت في نفسها أنا لو غسلت ارجل الانبا دانيال و أخذت من الميه دي و غسلت وجهي فسوف أنال الشفاء
و الرب أعطاها ............... أعطاها حسب ايمانها

و ليس لأنه هو الانبا دانيال

• ( انا كنت هستشهد بالقصة دي وانا ذكرتها في المسرحية اللي كتبتها عن القديسة انا سيمون الموضوع موضوع ايمان فقط )

فالموضوع موضوع ايمان بحت......دا فيه اب كاهن مرة حكا لي

ان مرة انسان جاله بيقول له يا ابونا صلي لي علي الزيت دا و انا هاعطيه لمريض و واثق ان ربنا هايتمجد بصلاتك
قال له ربنا يعطيك حسب ايمانك يا بني
و بالفعل نال حسب ايمانه

موضوع الرمل مش أنا مش هادافع عنه لكن الموضوع مش موضوع رمل و للا زيت وللا اي ماده الموضوع موضوع ايمان

طب أنا ممكن أسألك سؤال كم واحد عيان في الكنيسة بيتناول بالمستير اللي انت بتتناول بيه
هل مش ممكن تنتقل اي عدوي
عشان انت بتقول ان ممكن الرملة تعمل امراض لو كانت ملوثة

• ( طبعا ممكن تعمل امراض للشخص اللي معندوش ايمان او واخدها باستهزاء ونفس الامر ممكن مع المتناول ايضا )

يا أخي الحبيب دا موضوع فوقاني و تدخلات الهيه عجيبة مش موضوع عقوووول

• ( اذا كنا مش هنستخدم عقولنا يبقي احنا منستهلهاش )

اسف للتطويل

• ( شكرا لمشاركتك واهتمامك بالموضوع )

[elphilasouf]

وكتير مش دول بس يا كراكيب موضوعاتك معجزات بتتعمل بشكل غريب جدا بمنتهى الجهل
ربنا يدينا نورالعين عشان نفرق ببن النور والظلمه

[كراكيب]

المشاركة الأصلية كتبت بواسطة elphilasouf وكتير مش دول بس يا كراكيب موضوعاتك معجزات بتتعمل بشكل غريب جدا بمنتهى الجهل ربنا يدينا نورالعين عشان نفرق ببن النور والظلمه

• بصراحة انا داخل اشوف ردك وانا قلقان منه
• بس فرحتني يابني بردك بامانة
• شكرا للمشاركة