[كراكيب]

طبعا عنوان مستفز كالعادة وهيخلي البعض يقول عليا إني ... حاجاااااااات كتيرة بس مش مشكلة وهقرر هو عنوان مستفز لإن الموضوع إستفزني ماعلينا
أنا بس ياجماعة محروق دمي " كالعادة " من بعض الأباء الكهنة اللي بيعلموا غلط و " بيفتوا "
يعني مثلا لما اب كاهن يقول ان المجوس كانوا اربعة مش تلاتة وان واحد منهم تاه في الطريق يبقي ايه يعني رأيه الشخصي يبقي يخليه لنفسه ولما كاهن يقول إن مفيش مانع من دخول المرأة الهيكل وان مكنش المفروض يحرم الزوج اللي اتصور مع زوجته ف الهيكل يبقي ايه برده
ولما يتقال زي ماأثار العضو مايكل ماهر في قسم كلام ف الممنوع ان عيد القيامة كان بيتعمل كل 33 سنة بدون اي مرجع كنسي وأنا سمعت الكلام ده بنفسي من الكاهن فعلا يبقي ايه برده ظروفه
ده غير حاجات تانية كتير هتزيد لما نسكت انا عن نفسي مبسكتش لما بسمع حد " بيفتي " بناقشه بس عادي بيكرر كلامه تاني ف مكان تاني وعلي قكرة كل اللي ذكرته بيقول كدة كهنة وانا سمعت بنفسي محدش قال لي وانا عن نفسي ناوي ابعت لسيدنا البابا يمكن لما يسمعوه بيقولهم كدة غلط يبطلوا " يفتوا "
أنا بقي ليه كاتب الموضوع ده لإني بتمني منكم انتوا كخدام تردوا علي اي حد بيفتي لان الشعب غالبا مبيبقاش فاهم وبيصدق " الفتي " ده وده دورنا كخدام
انا مبقولش نقول ان الكاهن مبيفهمش عشان منهزش صورته قدام الشعب لكن نناقشه وحتي لو صورته هتتهز تتهز بس ميتعلموش تعاليم غلط

المصدر: †† ارثوذكس †† - من قسم: كلام فى الممنوع

[aymonded]

سلام لشخصك المحبوب في الرب
بالطبع علشان مش حد يفهم غلط كالعادة ، لابد من الفصل بين شيئين، وهو الكلام عن العقيدة والثوابت الإيمانية المستقرة في المجامع المقدسة، وبين ما نُقل بين الناس شفاهاً، وما هو تاريخي ومُحقق بالمراجع والأسانيد، وبين ما هو متروك وكل شخص يتكلم فيه حسب ما يرى ويستنتج غير ملزماً لأحد باتباع رأيه أو ما وصل غليه من استنتاج وفرض ...

والموضوع طبعاً (بالنسبة للفتاوي ولا اقصد ما تم كتابته هُنا على الأخص وفي هذا الموضوع) يخص البعض وليس الكل ، وكما يوجد بعض الخدام والكهنة ... الخ ... ممكن يقولوا رأيهم الشخصي وحسب تصوراتهم أو عند قراءة كتاب ما والفكره عجبتهم بسبب منطق الفكر أو كاتبها فيحبوا أن يقولوها للشعب عن دون بحث وتدقيق ومعرفة مقاصد الله بدقة وإلهام الروح القدس ، يوجد ايضاً خدام وكهنة وغيرهما مدققين وفي عمق أصالة التعليم وبالتدقيق يتحدثون ويكتبون ويتكلمون وهؤلاء هم المعلمين والذين لهم موهبة الروح ...

مع ملاحظة أن ليس كل من يتكلم برأيه الشخصي وحسب ما ارتاح له فكره يقصد أن يضل الناس أو يخدعهم، لأنه ربما يكون هو تأثر ببعض الموضوعات التي يرتاح لها الفكر وحسب المنطق العقلي الذي يقيسه كل واحد حسب تصوراته الخاصه، فينطق لما هو مخالف للتعليم الصحيح عن دون قصد أو وعي منه، وهذا يختلف كل الاختلاف عن الذي يقصد بكل عزيمة قلبه أن يتكلم بما هو مخالف ليخدع الناس ويضلهم عن طريق التقوى ، والفرق بين الاثنين عظيم ، واقول ذلك لئلا أحد يخلط الأمرين معاً ويظن أن كل من يتكلم خطأ يقصد أن يضل الناس ...

ومشكلة الفتوى عادة أنها لا تتبع مقاصد الله ومعرفة التعليم الدقيق الذي حسب الكتاب المقدس في أصول نصوصه ومعرفة كتابات الآباء وقوانين المجامع المقدسة وتعاليم وقوانين الرسل والآباء القديسين المعتبرين أعمدة في الكنيسة كما حددتهم المجامع المقدسة .... فنحن جميعاً نحتاج وعي واستنارة ذهن بالروح وأن نسأل الله أن يعطينا روح الإفراز والتمييز كما علمنا القديس الأنبا أنطونيوس الكبير وكثير من الآباء ...

مع ملحوظة ان ليس كل من قال كلمة خاطئة عن دون قصد منه أو لأنه فهم خطأ يحتاج لحرمان أو وضعه في مرتبه اقل من مكانته، لأنه يوجد كثيرين يحبون الله ويعيشون بالتقوى ولكنهم لم ينالوا موهبة التعليم وبعضهم لم ينال قسطاً من التعليم اللاهوتي ولا الروحي الأصيل واستلمه من أحد او له القدرة على البحث والتنقيب في الأصول الإنجيلية والآبائية وأقول هذا لكي لا نتسرع في الحكم على أحد مهما ما كان مخطأ ...
وأيضاً ينبغي أن نعي ليس معنى أننا لم نسمع عن شيء محدد وفجأه سمعناه من أحد نظن أنه مخالف للعقيدة أو الفكر الكنسي لأننا لم نسمع من قبل ما يقوله، لأنه ينبغي علينا أن نتحرى الأمر ونُدقق بالبحث والتفتشي ونسأل المُعلمين وكل الدراسين قبل أن نحكم، لربما نكون نحن المخطأين إذ بتسرع حكمنا على الآخرين، وفي النهاية نصير مديونين لهم بالاعتذار ونسال الله الغفران ....

حقيقي أشكرك جداً يا محبوب الله الحلو على غيرتك المقدسة على التعليم الحي وعمل الله المُحيي للنفس ، طالبين من الله أن يفتح الأذهان لمعرفة الكتب بالروح والحق حسب قصده الإلهي في سر المحبة والتقوى ، النعمة معك آمين

[Dr.PeRO]

طب انا عندى سؤال وهجاوب عليه، يمكن يكون هو ده جذر المشكلة نفسها ...
ليه مسمعناش ان البابا كيرلس كان بيفتى، او بيقول كلام غلط ؟؟ نفس السؤال أحب اشير اليه لأبونا مكارى يونان ؟؟ نفس السؤال للاساقفة المتنيحين القديسين أمثال الأنبا مكسيموس، الأنبا مكاريوس، الأنبا اسطفانوس ... ؟؟؟؟؟؟؟؟؟؟؟
الإجابة ببساطة ان دول ملهمين بالروج القدس، والروح بيديهم الاجابة وبيديهم حسن التصرف حتى لو هما كانوا فى مواقف مش عارفين الصح فيها فين ؟؟ عشان كده القداسة مهمة جدااا لكل رجال الدين .. ده اذا كان مطلوب مننا اننا نكون قديسين (احنا كشعب) أمال ما بالكوا برجال الدين ؟؟؟ اللى بيمثلوا المسيح فى الكنيسة ؟؟؟
انا قلت السؤال ده عشان الخطورة مش فى الفتى فى بعض الامور البعيدة عن خلاص النفوس، لكن فيه تصرفات فى منتهى الخطورة زى العثرة (زى مثلاً لما يبقى الكاهن بيغير عربيته وبيجيب موديلات حديثة، وابنه فى الاعتراف مثلاً مش لاقى ياكل او يدفع تمن شبكة عشان يتجوز) .. او زى الحرمان الباطل من التناول ومن الكنيسة ككل (وديه كتيرة بالذات فى الصعيد، بيحرموا الناس اللى بتحضر اجتماعات صلاة لطوائف انجيلية او كاتوليك) مع انهم بيبقوا متعمدين وليهم آباء اعتراف اورثوذكس .. كفاية كده

[ماروجيرافك]

شوف يا ميلاد انا شايف ان الخطأ هنا لايقع علي الكاهن فقط بل الخطأ الاكبر يقع علي الخدام والشعب نفسه الي بيسمع الكلام ده وبيكون عارف انه غلط وبيسكت ويقول ياعم سيبه هو يعني مش بيكلم في الاهوت او في حاجه كبيرة ويسيب باقي الشعب الي مش فاهم وطبعا... هياخد كلام الاب الكاهن بمصدقية لانه مسمعش غيرة لي مفيش حد من الي كانو مثلا حاضرين العظه دي ما وقفش وسال االاب الكاهن مش هقولك اتنه يقوله كلامك غلط وكده لا مجرد سؤال ويقوله يا ابي معلش ممكن اعرف المعلومة دي منين اصل الكتاب المقدس في غير كده وده مش غلط الغلط ان احنا نترك الامر كده الرب يباركم

[saadmari_nov518]

اولا مع احترامي لكاتب الموضوع ايا كان
في المسيحية لاتوجد فتاوي (لا فتوي في العقيدة المسيحية)
الفتوي هي راي شخصي لانسان ما يعتقد انة علي قدر من المعرفة
الفتوي فيها اجازة واستباحة وممانعة ولا يوجد في العقيدة المسيحية من يفعل هذا
ولكل قبطي اقول ارجع الي تاريخ الكنيسة لتعرف كم من الاباء شردوا لتمسكهم بتعاليم الكتاب المقدس
ومن شذ منهم وخرج عن تعاليم الكتاب المقدس قطع من الشركة
المشكلة اليوم ان الشباب يعتقد انة من حقة الانفتاح والحرية ليقول راية بالطريقة التي يريدها
يوجد شباب قديسون وخدام لاسم الرب القدوس ويعملون في صمت
بالنسبة لنقطة الذهاب الي كنائس غير ارثوذوكسية
فلي سؤال وارجو الاجابة علية
ماذا لو وجد انسان مسيحي ارثوذوكسي في منطقة لا يوجد بها كنيسة ارثوذوكسية؟
الي من يقول ان الكنيسة تعاقب من يذهب الي طائفة اخري
اقول
ان وجدت كنيسة ارثوذوكسية في منطقتة فهي امة ويحق لة ان يرضع منها اولا
وسوف احكي قصة حدثت معي شخصيا من زمن مضي
كان لي صديق امة بروتستانتية وابوة ارثوذوكسي
وكانت هذة السيدة الفاضلة قوية التاثير علي اولادها
وتصادف ان زرت صديقي في بيتة وبينما نتكلم دخل شخص جلس يخاطب الام واليك يابني نص الحوار الذي دار امامي:
هذا الشخص كان قسيسا
القسيس:هة خير يااخت ام فليب فينك؟
ام فليب: معلش يابونا مقدرتش اروح الكنيسة الحد اللي فات
القسيس: لية ياخت ام فليب؟
ام فليب؟ كان واجب عن اخواننا البعدة
القصد انها كانت في كنيسة ارثوذوكسية بخصوص صلاة اربعين لاحد المعارف ا
القسيس: ولية كدة يام فيلب:
ام فليب: معلش اهي نواية
القسيس: النواية تسند الزير يام فليب
فنظرت الي ونظرت الي القسيس
الذي بادرني بالسؤال
عامل اية يااخ:
قلت كويس
سالني بتصلي؟
قلت اة
قال فين؟
قلت لة في بيت ربنا
قال لي يعني فين
قلت لة في الكنيسة
قالت ام فليب اصلة ارثوذوكسي وصاحب اولادي
رد القسيس طب ومالة كلنا واحد
قلت لة كلنا واحد ازاي دة لسة مديها دش ساقع عشان راحت كنيسة ارثوذوكسية مرة
لو عايز تتكلم معايا متتكلمش في المواضيع تاني
احمر وجه القسيس ولم يجد مايقولة
وقمت بعدها لانصرف وانا كلي حزن لهذا الموقف
ارجو من ابناء الارثوذوكسية ان يتمسكوا بقيمها وتعاليمها وان يجاهدوا للتطبيق روحيا لاجدليا

[Dr.PeRO]

الي من يقول ان الكنيسة تعاقب من يذهب الي طائفة اخري اقول ان وجدت كنيسة ارثوذوكسية في منطقتة فهي امة ويحق لة ان يرضع منها اولا

طبعاً كلامك صح، بس مش معنى كده انه لما يروح اجتماعات صلاة او ترانيم فى اى طائفة كانت، يبقى يتحرم من التناول فى كنيسته الارثوذكسية، اللى هى الأم بالنسباله حسب كلامك ، ولا ايه ؟؟!!!!!

[كراكيب]

[QUOTE=saadmari_nov518;814392]اولا مع احترامي لكاتب الموضوع ايا كان
في المسيحية لاتوجد فتاوي (لا فتوي في العقيدة المسيحية)
الفتوي هي راي شخصي لانسان ما يعتقد انة علي قدر من المعرفة
الفتوي فيها اجازة واستباحة وممانعة ولا يوجد في العقيدة المسيحية من يفعل هذا

• " إذا كانت لاتوجد فتوي فقل هذا للكهنة إللي بيفتوا مش ليا أنا وأنا فاهم يعني إيه فتوي كويس لغني دارس شريعة إسلامية بالكلية أربع سنين والحمد لله برده دارس ديني كويس وفاهم "

ولكل قبطي اقول ارجع الي تاريخ الكنيسة لتعرف كم من الاباء شردوا لتمسكهم بتعاليم الكتاب المقدس

• " شردوا من مين إضطهاد يعني وإيه علاقة ده بالموضوع "

ومن شذ منهم وخرج عن تعاليم الكتاب المقدس قطع من الشركة

• " صح جدا ومبيطبقش دلوقتي ول إني ضد القطع نهائي أنا مع الإرشاد والمحاولة في الأول "

المشكلة اليوم ان الشباب يعتقد انة من حقة الانفتاح والحرية ليقول راية بالطريقة التي يريدها

• " طالما الرأي صحيح ومفيهوش تطاول يبقي من حقه ومن حق الكبير غنه يسمع ويفهم بطريقة برده تحترم عقلية الشباب "

يوجد شباب قديسون وخدام لاسم الرب القدوس ويعملون في صمت

• " وحد قال غير كدة ؟؟؟؟ "

بالنسبة لنقطة الذهاب الي كنائس غير ارثوذوكسية
فلي سؤال وارجو الاجابة علية
ماذا لو وجد انسان مسيحي ارثوذوكسي في منطقة لا يوجد بها كنيسة ارثوذوكسية؟

• مفيش منطقة والحمد لله مفيهاش ولو فرض ومفيش يتعب نفسه ويروح لأقرب كنيسة أرثوذكسية ليه لازم نتعب عشان نوصل بدل مايلوث فكره "
• شكرا لرد حضرتك

[elphilasouf]

موضوع فظيع كالعاده ، ومتقعدش تفكر في كلمه فظيع دي معناها ايه
هههههههه المهم أعتقد موضوع الفتواي هو بسبب الجهل الديني
أو قله التعليم للكاهن أو الخادم
و إعتقد بنظره إيجابيه أن الفتواي هتقل جدا لأن نسبه التعليم الديني في الكنيسه أصبحت مرتفعه - بالنسبه للعهد السابق- والكهنه أصبح الجديد فيهم نسبه كبيره منه إكليريكيين ...


و صدقني الحاجه مش بس للمتعلمين
الحاجه لأباء قديسين حاريين بالروح وبالروح
لأن الروح يعلم ويفهم كل شئ ...
إشكرك علي إثاره الموضوع المهم

لينا دور كخدام وكشعب هو إكتساب معرفه دينيه و روحيه أكتر .

[magdy totti]

يااعم بتقول لمين ااحنا صوتنا اتنبح من الكلام ومحدش بيعمل حاجه
شكلنا بعد كده هاانكبر الدماغ

[elphilasouf]

ومين قالك يا مجدي إن مفيش نتيجه
طول ما صوتك بيقول كلام مقنع وحقيقي
أكيد هيكون في تغيير للإحسن