[obscureman21]

انا عشت طول عمرى عبيط فاكر ان الدنيا دى فيها الخير والشر فيها الصحاب فيها الاخوات لكن طلع ان الدنيا دى فيها الشر بس مفيهاش صحاب مفيهاش اخوات كلة بيقول يالا نفسى مفيهاش صدق فيها الكدب مفيش حب فيها كراهية وغيرة لكن بجد طلع فيها حاجة واحدة صح trust no one دى فعلا الحاجة الوحيدة اللى صح لما بدات امشى بيها لاقيت نفسى ولقيت حاجات كتير بدات تفهم الناس على حقيقتهم مبقاش فى حد يقدر يخدعك يقدر يغشك فعلا

trust no one

المصدر: †† ارثوذكس †† - من قسم: حوار من الاعماق

[samornotika]

اولا: سامحنى لانى مش فاهمة يعنى ايه trust no one
بس هى تقريبا متصقش فى حد

ثانيا:انا مش معاك ان الدنيا كلها شر و مافيهاش خير لا فيها خير
زى مافيها الشر فيها كمان الخير و زى مافيها الناس الوحشة اللى ميهمهاش غير نفسها و مبدئها فى الحياة انا و من بعدى الطوفان
فيه كمان ناس طيبة كلهم خير و محبة اصحاب بجد و اخوات كمان بجد
بس المشكلة ان الناس الكويسة دى على الرغم من وجودهم فهم قليلين اوى فمشبينين وسط الناس الوحشة
بس موجودين مش زى ماانت بتقول مش موجودين
ابسط مثال على وجودهم هنا فى المنتدى بجد ناس زى الفل كلهم محبة وطيبة و حنية ناس جدعة معاك فى كل اوقات و ظروف حياتك معاك فى فرحك و حزنك و كل حاجة
ربنا يبعتلك الناس الكويسة و يبعتلك الصديق و الاخ اللى بجد
انت بس اطلب من ربنا انه بعرف على الناس الحلوة دى
انا اسفة انى طولت عليك
و مبسوطة بوجودك معانا فى بيتنا ارثوسوكس
يارب انت كمان تكون مبسوط معانا
و اهلا بيك اخ لينا فى منتدانا
ربنا معاك و يحافظ عليك و يفرح قلبك

[جرجس البغدادي]

الرب يسعدك اخي العزيز

احب اقول الك حاجه

لا يوجد ولا احد من دون المسيح وحياه المسيح يستوفي انو انا اثق فيه
فعليك ايها الاخ ان تلتصق بالاخوه الي يعيشون حياه المسيح,, الي تظهر حياه المسيح فيهم تكلم مع اب اعترافك ايضا على هذا الموضوع
وتذكر العالم هو ابن للشيطان
والدليل من ثمارهم تعرفونهم
الرب يعزي حياتك خذ بالك من حياتك الروحيه

[sonofgod]

على فكرة نظرتك للحياة دى كانت مرحلة من حياتى والحمد لله تخطيتها لكن مش لوحدى تخطيتها بالاصحاب والاخوات اللى كنت وصلت لدرجة انى كنت مش بس مابثقش فيهم لكن كمان كنت كرهتهم بسبب خيانة من اعززززززززززززززززززززززز ززززززززززز صديق لـــــــى لكن صدقنى الحياه لا تنتهى عند صدمة من اخ او صاحب المهم انك تتخطى المرحلة دى بسرعة وماتديش لعدو الخير فرصة اكتر من كدة انه يصيبك بالاحباط واليأس وعدم الثقة الآخرين قوم وقول لعدو الخير لا تشمتى بى يا عدوتى فأنى ان سقط اقوم

[مرمر عصمت]

لالالالالا الدنيا فيها حاجات كويسه وقيها الاخوات والاصدقاء بس احنا اللى مش بنعرف نخترهم بس وربنا خلق لينا كل حاجه كويس عشان هو بيحبكوجدآجدآ ومش معنى انك مصدوم تقول كده

[المجنونه]

صدقنى احنا فعلا فى دنيا الغموض انت عارف معنا الغموض فيها الحلو وفيها الوحش صدقنى هو اه الوحش مغطى على الحلو وكمان بمعنى اصح ان الشر مغطى على الخير صدقنى لو احنا طالبنا الحياه الصح هنلقيها قدمنا بس احنا بنطلب العلم الباطل بس مش غيره بنطلب الناس الاصحاب الاصدقاء ونسين ان فعلا لينا اعظم صديق يقدر يغنينا عن كل شياء اطلبه فهتلقى بيرد عليك قله محتاج اصدقاء و اخوات هتليقيه بيقولك موجودين بس كن واثق انهم مزجودين لان لو غالبتك الاحزان هتغلبك الوحدانيه حتى من غير اصحاب وباكده تعرف ان العالم ده بيقول يالا نفسى صدقنى مش كلهم بل بلعكس ده فى جزء بسيط من الحنان موجود فى الدنيا بس هتلقيه غالب الشر
ارجوك اعطى امال للغد هتلقى الغد بيقول اهو انا موجود وكمان هتشوف الخير وهتشوف اصدقاء وهتشوف كمان ان الدنيا دى فيها اشياء كتيررررررررره جميله غلبت الشر صدقنى لو ضحكت فعلا فى الدنيا هتلقى كل حاجه حلوه لما تطلبه يارب تكون عارفت هو مين علشان يخلى الدنيا معاك حلوة

[obscureman21]

انا صاحب الموضوع ومتشكر على ردودكم الحلوة بس انا لو مكانكم كنت هقول كدة بردة لانى لما كنت بشوف واحد تعبان او مصدوم فى حد كنت بقولة كلام ذى دة حتى لو كان الكلام دة مش هو الحقيقة بس مجرد كلام بيتقال نريح بية اللى قدمنا زية زى المسكنات بالظبط بيخفف الالام بس ميدويهوش ومرسى على ردودكم
obscureman

[fawzi]

اتفق معك في كل ما تقول فنسبة الشر تذداد ويقل الخير تدريجيا لكن لا يمنع ان هناك اناس اوفياء لكن قليل جدا

[Narmar]

المشاركة الأصلية كتبت بواسطة obscureman21 انا صاحب الموضوع ومتشكر على ردودكم الحلوة بس انا لو مكانكم كنت هقول كدة بردة لانى لما كنت بشوف واحد تعبان او مصدوم فى حد كنت بقولة كلام ذى دة حتى لو كان الكلام دة مش هو الحقيقة بس مجرد كلام بيتقال نريح بية اللى قدمنا زية زى المسكنات بالظبط بيخفف الالام بس ميدويهوش ومرسى على ردودكم obscureman

حبيب قلبي الغالي
انا كنت هقول ان ممكن يكون في دماغك الكلام دة بس فعلا انت رديت وكتبتة
كل اللي عاوز اقولهولك مش تعتبرة وعظ او كلام دايما بيتقال من الناس
لا خالص
انا عوزك تجرب اهو مش هتخسر حاجة
تلاقي صاحبك السماوي وابوك واخوك وكل حاجة في حياتك وصدقني جرب بحب لية وجرب اعد كلمة وجرب اقرا الكتاب المقدس والاول غير من حياتك وحاول اي شئ سئ تتخلص منه عشانه
وهو صادق في وعدة وقال " تقدسوا اليوم فغداً اصنع في وسطكم عجائب "
جرب تصاحب ربنا وشوف وهتلاقي الدنيا كلها بين ايديك وهتحس فعلا انك ابن الملك ومفيش حد بيقدر يلعب علي ابن الملك ابداً
صدقني في ناس تعبانة ومشاكلها اكتر منك مليون مرة
لو الدنيا على المنظر دة بس يارتها كدة
جرب اللي قولتلك علية هتلاقي ان مفيش حاجة تساوي غيرة ...

[وجية نجدى فوزى]

صديقى العزيز فى مثل حلو بيقال ف مواقفك دة ان بحث على صديق بدون عيب سوف تعيش العمر كلة بدون صديق بمعنى انا فى عيوب وانت فيك عيوب فهل نتقبل بعض او نعيش نتقد بعض فلك حرية الاختيار وشكرا