حكاية بابا
طفل صغير فى حضن امك
كان تملى الدير دا حلمك
كان تملى النور فى قلبك
المسيح كان كل همك
كنت دايما تقول يا عازر
يا بويا حياتى للرب نازر
حتى اسأل ابونا الزاير
هيقولم ابنك مغادر
سبت العالم ورحت الدير
وقلت يارب ليك التدبير
عشت حياتك فى جهاد كبير
ونلت محبة كل الدير
رسموك باسم ابونا مينا
صلوتك دايما بتشفينا
دايما تتشفع لينا
قدام يسوع فادينا
حبيت تعيش وحدك بعيد
كنت عاوز تكون غريب
مارمينا كان لك قريب
ولا لحظة عنك يغيب
سكنت فى طاحونة من غير ببان
لا ليها سقف ولا ليها حطان
دايما بتحارب الشيطان
متسلح قوى الايمان
عشت حياتك بقوة وثبات
اتحملت كتير الامات
عشت حياتك بدموع واهات
حياتك فى العام ماضى وفات
يسوع نصرك النصرة القوية
اترشحت للبابوية
اختارك الرب فى القرعة الهيكيلة
ايام رعايتك كانت هنية
صليت كتير من القدسات
لولادك سهرت فى صلوات
صنعت عجايب ومعجزات
الكل له وياك حكيات
ساعة نياحتك كانت عجيبة
كل الناس قالت غريبة
الساعة 11 وكام دقيقة
ساعتك وقفت عليك حزينة
كنت عارف ساعة انتقالك
قلت الرب يدبر حياتك
الكل بكا عشان فراقك
الكل جه عشان وداعك
كلنا بنقول
البابا كيرلس دا حبيبى
دايما مسك ايدى
تملى معايا فى طريقى
البابا كيرلس دا شفيعى
حاجة بسيطة جدا جدا جدا بقدمها لحبيبى
وشفيعى البابا كيرلس
كاتب الترنيمة توني
مواضيع منقولة من مواقع اخرى بخدمة Rss