[maknas]

مدام قولتى اعمل ابة يبقى متحيرة جواكى ومنقسمة مابين الحنين الى الامومة والحب بلاش تعارضى اهلك وتعملى فيها شهيده لانك مهما عملتى معاه هيفسرة غلط لوجود نقطة ضعف عنده وحياتك هتبقى جحيم جوه البيت وبره البيت وهتحربى الناس كلها ده غير انه مع الايام وكبر سنك هيزداد حنينك للاولاد وهتندمى جواكى انت بتقولى ممكن ربنا يدينا بعد الجواز صدقينى لو انت كنت مقتنعه بكده ومؤمنه بية مليون فى المية مكنتيش سألتينا من الاول ومش عارفه تعملى اية كنتى اتجوزتى على طول من غير سؤال وكنتى خبيتى خبر عدم خلفته عن جميع الناس وكان الباقى على ربنا هوه ده الايمان والتسليم مش تقولى اعمل اية اعمل اية متضحكيش على روحك وتغضبى اهلك منك من اولها كل الحكاية انك ضميرك بيوجعك وعاوزة ترمى المشكلة على اى حد عشان تستريحى زى ماقلت لك الاول متعمليش شهيده وتشيلى صليب اكبر منك يعنى متجربيش ربنا خليكى على قد قامتك الروحية وده مش عيب ولاغلط وان كنتى مش عارفة تبعدى عنه ازاى من غير ماتجرحية ماتخفيش هو اللى هيبعد عنك ومين قالك ان كده مش ارادة ربنا مايمكن ربنا شايف بسابق علمة انكم مكنتوش هتنجحوا مع بعض او مش مقسمين لبعض فعمل كده لخيرك انت وهو ماتدخليش نفسك فى تجربة انت مش قدها وامشى على قد قامتك الروحية وسيبى الموضوع للى فى ايده الامر وقوليله انت يارب عارف نفسى واللى جوايا اكتر منى وانا مقدرش اهدى نفسى فى الطريق من غيرك افعل بى ماتشاء ولتكن مشيئتك ربنا معاكى ويهديكى للخير لمجد اسمة امين