[aymandoss]

مش مصدق وانتم مش تصدقوا كنت عاش بسلام وكويس لكن الان انا ممر بظروف ماديه شديده وكنت محتاج ان ادفع مصاريف اولادى فى المدارس(خاصه) ولجأت للأقرب الناس لكن صدمت وكله هرب قلت الجأ لاباء الكنيسه وقلت اكيد مش هايسبونى لكن صدمت اكثر وكان الرد ما تحول اولادك من الخاصه الى حكومه ايه المشكله ابنى قال لى حرام يابابا اترك مدرسه فيها صلاه ومدرسين مسحين واروح اتعلم الشتأم وغيره انا ياحبائى مش بقول كدا لحاجه لكن اريد ان تصلى من اجلى وانا واثق فيه انه لايترك اولاده ويكون احن من الكهنه اللى مفروض يكونوا رسل المسيح ويحلوا مشاكل الناس لكن للاسف عند الامور الماديه صعب الله يسمحهم ليه كدا ليد كدا كنت لااتوقع من الكهنه كدا ياابى الكاهن لو كان دا ابنك تعمل كدا لكن اشكرك يارب انت احن قلب وانا متأكد من حبك لابنك
احبائى صلوا من اجلى ومن اجل اولادى بنتى فى ثانويه وابنى 6 ابتدئى

المصدر: †† ارثوذكس †† - من قسم: حوار من الاعماق

[emmmy]

هو لية كل مشكلة تحصل فى حياتنا نحمل الكنيسة والاباء الكهنة المسئولية ؟؟
حضرتك ممكن تحول ولادك لمدرسة حكومة مؤقتا بس لحد ما تتحسن ظروفك وترجع زى الاول
انت بتقول عندك ظروف مادية ودة معناة انها ظروف مؤقتة ولادك كانوا فى مدرسة خاصة يعنى حضرتك مش فقير للدرجة بس هى مجرد ازمة وقتية وهتزول وهتقدر تتخطاها بالصبر والكفاح والهدوء علشان تعرف تفكر هتعمل اية !!!
يا افندم الكنيسة مش مقصرة اقد ما بتقدر بتدى بس فى ناس محتاجة فعلا محتاجة بكل معانى الكلمة فى ناس تحت خط الفقر مش لاقية ثمن العيش الحاف ارجوك تقدر ومتزعلش من الكنيسة "
والاباء صورة المسيح اللى بتتكلم عنهم ميقدروش يكفلوا مصاريف مدرسة خاصة لانها مش هترسى عليك فقط هتلاقى كتير يتعلم التراخى ويطلب زيك مع العلم ان ممكن جدا يكون حضرتك فعلا مختلفة وغصب عنك - بس محدش هيقدر دة كلة هيقول واحنا كمات عاوزين زى فلان اشمعنى يعنى
وعلى فكرة فكرة الظروف خدمتك شوية بالنسبة لبنتك اللى فى ثانوى لانى اسمع ان المدراس الحكومية احسن لمرحلة ثانوى من المدارس الخاصة
وبالنسبة للابنك اللى فى ابتدائى ممكن تكون دة فترة وهتعدى ويرجع تانى لمدرستة اللى بيحبها
اكيد ربنا لية حكمة فى كدة وهتعرفها فى الوقت المناسب
وعموما مش كل اللى بيدخلوا المدراس الحكومية بيكونوا ضعاف
بالعكس
بس المهم بلاش تعكر تخلى تفكيرك يأخدك لبعيد وتزعل من الكنيسة والاباء لان دة مش حل ولا مبرر لموقفك خالص رد فعل الكنيسة طبيعى صدقنى
الرب قادر ان يعينك حتى تتخطى هذة الازمة وترجع احسن من الاول بمجهودك وصبرك وكفاحك انت مش بمساعدة الكنيسة والاباء
علشان ولادك يفتخروا بيك ويشيلوا جميلك وعملك
ربنا معاك بصلوات ام النور

[la tristeza y el dolor]

انا مقدر طبعا احساسك و احساس طفلك بالتحويل من خاص لحكومه , هو طبعا حاجه صعبه ان حد يتعود على مستوى و بعدين ينزل من المستوى دا لحاجه اقل , بس انت لو معاك 200 جنيه مثلا و ابنك عاوز لبس و عليك ايجار , هتدفع انهى و تأجل انهى ؟؟؟؟؟؟؟؟؟؟؟؟


و دا اللى عملته الكنيسه بالظبط ...................

[aymandoss]

رد الاول كان صعب عليه ورد الثانى كتر خيره على الطريقه الجميله بس احب ان اقول للاول استاذى انا اعلم جيدا ان يوجد اخوة الر ب واشد احتياج اكثر منى بس اكيد يوجد ناس كتيره بتمر بتجارب شديده دمرت حياتها وتحتاج احد يسندها ولو مؤقتاحتى تمر الازمه ولاتزداد واكيد ربنا يرسل احتياجات اولاده وعندنا مثال كبير الانبا ابرام الذى اتى له 3 حراميه وطلبوا منه لكن لم يردهم فارغين والاسقفيه اتبنت بالعافيه اخى الحبيب انا لاالوم الكنيسه لكن الوم بعض الكهنه اللى لبيكونوا لهم اغراض اخرى واحب اعطيك مثال كنت لااريد ان احكيه حتى لا أعثرك اب كاهن ساكن اعلى منى ويعلم بظروفى وكان يدخل ويخرج (.... باعتذر يا أجمل أخ حلو على الحذف ... ) ولما طلبت منه 500 سلف ( ..... ) انقلب عليه وطلب منى رد السلفه رغم توسلات انه يتحملنى شويه لدرجه انى طلبت اعطى له كل شهر جزء.
اخى الحبيب انا مش شحات وربنا يعين الناس الغلابه وعلى المر اللى بيشوفه وانا واثق ان خير ربنا كتير وبيرسل كل احتياجات اولاده كلهم سواء الفقير او الغنى واوعى تقول ان الغنى مش محتاج ربنا الهنا لايريد بيوت من رخام ودهب ربنا عايز بيوت من نفوس تائبه واعتذر على ردى معك بهذه الطريقه لكن حبيت اوضح لك شئ بسيط من ألمى لكن انا بشكر ربنا وانا واثق فيه وليس فى احد وانا مش بحمل الكنيسه شئ ولاعندى تراخى ياخى الحبيب ممكن كلمه تعزى دا كفايه وبلاش احراج ربنا يرحمنا ويمسح دموعنا لانه حاسس بينا اكثر من اى احد

[aymonded]

سلام لنفسك يا أجمل أخ حلو محبوب الله والقديسين
أولاً : أطلب من إلهنا ومخلصنا الصالح القدوس أن يعينك ويعزيك بكل غنى مجده وبفرح حضوره الخاص في حياتك ...
ثانياً : أُدرك ألمك الشديد من محبتك لابنك الحبيب، وكل شخص ابنه غالي عنده جداً ويطلب له الأفضل ويتمنى أن يخسر حياته باذلها لأجله، لأنه وزنة معطاه له من الله ينبغي أن يحفظها ويقدمها لله في النهاية وقد قام تجاهها بواجبه الموضوع عليه، لذلك أُدرك تماماً إحساسك وألمك الشديد لأنك تود أن يكون ابنك في مكانه أفضل مثل كل أب يحب ابنه ويريد له الأفضل...

أعانك الله بيسوع المسيح على ضيقة هذه الأيام الصعبة التي طحنت الكثيرين وطرحتهم جرحى وفي ألم صعوبة المعيشة في ضيقة تزداد يوماً بعد يوم، وللأسف لا يشعرها الكثيرين لأن كثيرين لا يدركون مشكلة الآباء وكم يتمزقون كل يوم داخلياً من أجل أولادهم لأنهم لا يستطيعون في ضيقة هذه الأيام المُرة أن يقدموا لهم احتياجاتهم في مستقبلهم، وأحياناً اليومية ...

وفي النهاية ليس لي أن أقول : أن الله لنا خير سند ولن يشعر بنا إلا هو لأنه يعلم ضيقاتنا ومكتوب : [ في كل ضيقهم تضايق وملاك حضرته خلصهم بمحبته ورأفته هو فكهم ورفعهم وحملهم كل الأيام القديمة ] (اش 63 : 9)

أرجو أن تُسامحني على حذف إجزاء من تعليقك يا أجمل أخ رائع
أقبل مني كل احترام وتقدير لشخصك المحبوب في الرب
كن مع كل أسرتك معافين باسم الرب وفي شدة قوته
الرب معك ويُعينك دائماً آمين

[emmmy]

مين الرد الاول دة انا ؟
اومال بتتكلم بصفة المذكر لية ؟
واية الاجزاء اللى اتحذفت دى يا ترى ؟
عزيزى صاحب المشكلة لماذا كل هذا الغضب انا لم اصفك بأى شى مما قلتة ولما اقل انك شحات او غيرة من تعبيراتك التى استخدمتها او حتى احساسك على الاطلاق
وحضرتك وضعت الموضوع علشان تسمع الاراء مش لمجرد كلمة تعزية والا كنت اكتفيت بوضع الموضوع فى قسم طلبات الصلاة زى ما عملت - يبقى كان المفروض يبقى عندك صدر رحب عن كدة واستعداد كامل لأى مواجهة معاك
ومع ذلك انا اسفة صدقنى مقصدتش اجرحك خالص بالعكس انا حبيت احطك قدام حقيقة غايبة عنك من سحابة غضبك والمك مش عاوزاك تزعل من الكنيسة وعاوزاك تفهم ان طلبك صعب جدا جدا
وصدقنى يعلم ربنا الحل دة هيكون لية سلبيات على حياة اولادك فيما بعد لما يعرفوا هما واصحابهم بموضوع مساعدة الكنيسة انا كان كل قصدى بلاش تتاطى رأس ولادك من غير ما تقصد بلاش تخليهم يحسوا بزعلك من الاباء علشان ميتعلموش التمرد والعصيان برغم ان دى مش صفاتك بس هيكون دة رد فعلهم هما فيما بعد لانى عندى نماذج زى دى فى الخدمة وبشوفها صدقنى
لكن لما يحسوا ان كل حاجة وكل خير عايشين فية من تعب ابوهم دة يرفع راسهم ويزيدهم صلابة اتخطى ازمتك بمعونة ربنا وبالصبر ومساعدة الكنيسة متبقاش بالطريقة دى
وعموما دة رايئ اللى حضرتك وضعت موضوعك مخصوص علشان تسمعة حسب ما فهمت
لك انك تقبلة او ترفضة يا افندم براحتك انا لم افرض عليك شئ اطلاقا نهائى ولم اقصد اى تجريح من اى نوع
هى مواجهة انفسنا احيانا بتبقى صعبة شوية فعلا - مش مشكلة
ولو كل هدفك هو كلمة التعزية خلاص اعتبرنى مقولتش حاجة
وربنا يعينك - اسفة مرة تانية

[aymandoss]

كان مافيش داعى من كل ماسبق استاذى انا كمان خادم فى الكنيسه وعندى 50 سنه والانسان لايشعر بنار غيره الوحيد اللى يشعر هو المسيح واحيانا الرسائل لاتعرض المشكله كامله والا كانت نزلت كتب اخى الحبيب الناس مش ناقصه ولو لم يوجد كلمة تقويه يبقى صلاة وعموما انا اسف انى كتبت من اساسه والوحيد اللى يعزى ويحل المشاكل هو ربنا ولااعلق اكثر من هذا شكرا